ព័ត៌មានជាតិ

ខេត្តតាកែវ ត្រៀមទូក ង ចំនួន ៥ ទូក ចូលរួមប្រឡងប្រណាំងក្នុងពិធីបុណ្យអុំទូក នៅមាត់ទន្លេ មុខព្រះបរមរាជវាំង

បានផុស

៤ ខែ មុន

នៅ

ថ្ងៃចន្ទ ១១ វិច្ឆិកា ២០២៤

ដោយ

សម្រាប់ខេត្តតាកែវ ឆ្នាំ ២០២៤ នេះ មានទូក ង ចំនួន ៥ ទូក ត្រៀមចូលរួមប្រឡងប្រណាំង ក្នុងព្រះរាជពិធី បុណ្យអុំទូក បណ្ដែតប្រទីប និងសំពះព្រះខែ អកអំបុក ដែលនឹងប្រព្រឹត្តទៅចាប់ពីថ្ងៃទី ១៤-១៥-១៦ ខែវិច្ឆិកា ឆ្នាំ ២០២៤ នៅមាត់ទន្លេមុខព្រះបរមរាជវាំង រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះបើយោងតាមលិខិតដែលរដ្ឋបាលខេត្តតាកែវដាក់ស្នើសុំទៅ លោកអនុប្រធានអចិន្ត្រៃយ៍ និងជាអគ្គលេខាធិការគណៈកម្មាធិការជាតិ រៀបចំបុណ្យជាតិ-អន្តរជាតិ កាលពីថ្ងៃទី ១៨ ខែតុលា ឆ្នាំ ២០២៤។

ក្នុងលិខិតស្នើសុំនោះផងដែរ ក៏បានបញ្ជាក់ និងបង្ហាញពីព័ត៌មាន នៃទូកនីមួយៗ ដូចខាងក្រោម ៖ ១/ ទូកឈ្មោះ សម្ដេចវិបុលបញ្ញា បារមីមានជ័យ មានប្រវែង ៣៣,៥០ ម៉ែត្រ ចំណុះ ៧៤ នាក់ ទូកអុំបុរស មកពីស្រុកគីរីវង់។ ២/ ទូកឈ្មោះ គីរីវង់សុខសែនជ័យ មានប្រវែង ៣៣,៥០ ម៉ែត្រ ចំណុះ ៧៤ នាក់ ទូកអុំបុរស មកពីស្រុកគីរីវង់។ ៣/ ទូកឈ្មោះ តាកែវទ្រាំងសុខសែនជ័យ មានប្រវែង ៣០ ម៉ែត្រ ចំណុះ ៦៧ នាក់ ទូកអុំបុរស មកពីស្រុកទ្រាំង។ ៤/ ទូកឈ្មោះ សំបូរសាគរមុនីវ៉ាន់ដេតសុខសែនជ័យតេជៈសំរោងក្រិល មានប្រវែង ១៩,៥ ម៉ែត្រ ចំណុះ ២២ នាក់ ទូកអុំបុរសខ្នាតអន្តរជាតិ មកពីស្រុកអង្គរបូរី។ ៥/ ទូកឈ្មោះ សំណាងសសែនជ័យបារមីលោកតាកែវ មានប្រវែង ១៩,៦ ម៉ែត្រ ចំណុះ ២២ នាក់ ទូកអុំបុរសខ្នាតអន្តរជាតិ របស់រដ្ឋបាលខេត្តតាកែវ៕

អត្ថបទ ៖ វីរៈ