ក្រៅពីគ្រប់គ្រងជំនួញជាច្រើន អ្នកឧកញ៉ា ហេង សិទ្ធី ក៏មានជំនាញបើកបរយន្តហោះខ្នាតតូច និងធ្លាប់ហ្វឹកហាត់បាញ់កាំភ្លើងស្នេបនៅអាមេរិក

បើទោះជាមហាសេដ្ឋីកំលោះពោះមាយ ហេង សិទ្ធី ហាក់មិនសូវបង្ហាញមុខនៅទីសាធារណៈកាលពីពេលកន្លងទៅក៏ដោយ ប៉ុន្តែនៅរយៈពេលចុងក្រោយនេះ លោកតែងតែបង្ហាញសកម្មភាពជាច្រើនពាក់ព័ន្ធការងារទំនាក់ទំនង ជំនួញ កិច្ចការងារមនុស្សធម៌ និងកិច្ចការការទូតពាណិជ្ជកម្ម ពិសេសនោះគេក៏ឃើញ អ្នកឧកញ៉ាបង្ហាញសកម្មភាពជាមួយនឹងការធ្វើដំណើរតាមយន្តហោះផ្ទាល់ខ្លួន និងបើកបរយន្តហោះខ្នាតតូចដោយផ្ទាល់ផងដែរ។

ប្រភពមួយបង្ហើបឲ្យដឹងថា ក្រៅពីគ្រប់គ្រងមុខជំនួញជាច្រើនក្នុងប្រទេស និងនៅ ៩ប្រទេសទៀត អ្នកឧកញ៉ា ហេង សិទ្ធី ក៏មានជំនាញបើកបរយន្តហោះខ្នាតតូច និងធ្លាប់បានហ្វឹកហាត់បាញ់កាំភ្លើងស្នេបនៅសហរដ្ឋអាមេរិកដោយស្ទាត់ជំនាញទៀតផង។

អ្នកឧកញ៉ា ហេង សិទ្ធី ជាពាណិជ្ជករវ័យក្មេងដែលជាមោទនភាពរបស់កម្ពុជាផងដែរនូវស្នាដៃ និងភាពបុិនប្រសបក្នុងការទំនាក់ទំនងការទូត និងជាគំរូដ៏ល្អដល់យុវជនជំនាន់ក្រោយ៕