ព័ត៌មានជាតិ

រដ្ឋបាលខណ្ឌជ្រោយចង្វារ សម្អាតបរិស្ថាន-អនាម័យ និងណែនាំទូកនេសាទ មិនឲ្យចតនៅខាងក្រោយសណ្ឋាគារសុខា

បានផុស

៣ ថ្ងៃ មុន

នៅ

ថ្ងៃចន្ទ ១១ វិច្ឆិកា ២០២៤

ដោយ

ព្រះរាជពិធីបុណ្យអុំទូក បណ្តែតប្រទីប សំពះព្រះខែ ឆ្នាំ ២០២៤ ខិតជិតចូលមកដល់ ក៏ដូចជាពិធីប្រណាំងទូកក្របខណ្ឌរាជធានីភ្នំពេញ ដែលប្រព្រឹត្តទៅរយៈពេល ៣ ថ្ងៃ ចាប់ពីថ្ងៃទី ១៤ ១៥ ១៦ ខាងមុខនេះ រដ្ឋបាលខណ្ឌជ្រោយចង្វារ កម្លាំងគណៈបញ្ជាការឯកភាព សហការជាមួយក្រុមហ៊ុនអេកូអេត និងហ្គ្រីន ក្រុមហ៊ុន 800 Super បានបាញ់ទឹកលាងសម្អាត មាត់ទន្លេ ច្រាំងទន្លេ សម្អាតព្រៃត្រែងតាមមាត់ទន្លេ រើសសំរាមតាមច្រាំងទន្លេ និងណែនាំហាមទូកនេសាទមិនឲ្យចតនៅខាងក្រោយសណ្ឋាគារសុខា ស្ថិតក្នុងសង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក លីម សុភា អភិបាល នៃគណៈអភិបាលខណ្ឌជ្រោយចង្វា បានឲ្យដឹងកាលពីព្រឹកថ្ងៃទី ១១ ខែវិច្ឆិកា ឆ្នាំ ២០២៤ នេះថា ដោយមានការណែនាំពី លោក ឃួង ស្រេង អភិបាល នៃគណៈអភិបាលរាជធានីភ្នំពេញ លោកបានបញ្ជាកម្លាំងសណ្ដាប់ធ្នាប់ខណ្ឌ ដោយមានការសហការជាមួយក្រុមហ៊ុនអេកូអេត និងហ្គ្រីន ក្រុមហ៊ុន 800 Super ចុះបាញ់ទឹកលាងសម្អាត មាត់ទន្លេ ច្រាំងទន្លេ សម្អាតព្រៃត្រែងតាមមាត់ទន្លេ រើសសំរាមតាមច្រាំងទន្លេ និងណែនាំហាមទូកនេសាទមិនឲ្យចត ដើម្បីឲ្យមានសណ្ដាប់ធ្នាប់រៀបរយ មិនប៉ះពាល់ដល់ប្រជាពលរដ្ឋដែលមកកម្សាន្ត និងហាត់ប្រាណតាមបណ្ដោយមាត់ទន្លេ។ ធានាឲ្យបាននូវសោភ័ណភាពស្រស់ស្អាត ត្រៀមសម្រាប់ ព្រះរាជពិធីបុណ្យអុំទូក បណ្តែតប្រទីប សំពះព្រះខែ ឆ្នាំ ២០២៤ ខិតជិតចូលមកដល់ ក៏ដូចជាពិធីប្រណាំងទូកក្របខណ្ឌរាជធានីភ្នំពេញ ដែលប្រព្រឹត្តទៅរយៈពេល ៣ ថ្ងៃ ចាប់ពីថ្ងៃទី ១៤ ១៥ ១៦ ខាងមុខនេះ។

ក្នុងនាមរដ្ឋបាលខណ្ឌជ្រោយចង្វា សូមអំពាវនាវដល់ប្រជាពលរដ្ឋអញ្ជើញមកចូលរួមទស្សនាកម្សាន្តសប្បាយក្នុងពិធីប្រណាំងទូកនេះ និងចូលរួមលើកទឹកចិត្តដល់កីឡាករ-កីឡាការិនីទូកអុំ-ទូកចែវរាជធានីភ្នំពេញទាំងអស់ ឲ្យបានច្រើនកុះករ និងចូលរួមថែរក្សាអនាម័យ បរិស្ថាន ឲ្យបានល្អប្រសើរ ដើម្បីសោភណភាពទីក្រុងស្អាតទាំងអស់គ្នា៕

អត្ថបទ ៖ សំណាង