ព័ត៌មានជាតិ

ប្រទីបក្រសួងបរិស្ថាន រចនាឡើងតាមនិមិត្តរូបយុទ្ធសាស្រ្តចក្រាវិស័យបរិស្ថានឆ្នាំ២០២៣-២០២៨

បានផុស

៣ ខែ មុន

នៅ

ថ្ងៃពុធ ១៣ វិច្ឆិកា ២០២៤

ដោយ

ប្រទីបរបស់ក្រសួងបរិស្ថាន ដែលនឹងត្រូវបណ្តែតលើផ្ទៃទឹកតាមដងទន្លេសាប នៅមុខព្រះបរមរាជវាំងត្រូវបានរៀបចំរួចរាល់ជាស្ថាពរហើយ ដោយបានរចនាឡើងតាមនិមិត្តរូបនៃយុទ្ធសាស្រ្តចក្រាវិស័យបរិស្ថានឆ្នាំ២០២៣-២០២៤។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ឆ្នាំ២០២៤ នឹងឈានចូលមកដល់ហើយនៅថ្ងៃទី១៤-១៥-១៦ ខែវិច្ឆិកា ឆ្នាំ២០២៤ ដែលប្រារព្ធឡើងនៅតាមដងទន្លេសាប មុខព្រះបរមរាជវាំង។ ជាក់ស្តែង ប្រទីបរបស់ក្រសួងបរិស្ថាន ដែលជាប្រទីបមួយស្ថិតក្នុងចំណោមប្រទីបសរុបទាំង ៣៦ ត្រូវបានរៀបចំរួចរាល់ជាស្ថាពរហើយ ដោយបានរចនាឡើង យោងតាមនិមិត្តរូបនៃយុទ្ធសាស្រ្តចក្រាវិស័យបរិស្ថានឆ្នាំ២០២៣-២០២៨ ជាមូលដ្ឋានដោយផ្តោតលើមុំចំនួន៣ គឺការពង្រឹងគោលនយោបាយ ការកសាងរដ្ឋបាល ឌីជីថល និងពង្រីកការផ្សព្វផ្សាយ។

មុំទាំង ៣ នេះ ជាកម្លាំងចលករដ៏សំខាន់ក្នុងការរុញបង្វិលយុទ្ធសាស្រ្ត ៣ ផ្សេងទៀត គឺ ភាពស្អាត ភាពបៃតង និងចីរភាព បានរំលេចដោយភ្លើងពណ៌ចម្រុះគ្នាយ៉ាងស្រស់ស្អាត បញ្ចេញសោភ័ណភាពយ៉ាងទាក់ភ្នែកនាពេលរាត្រីផងដែរ។

គួរជម្រាបថា បុណ្យអុំទូកឆ្នាំនេះ មានប្រទីបសរុបចំនួន ៣៦ ប្រទីប ក្នុងនោះប្រទីបចំនួន ៣៥ មកពីក្រសួង ស្ថាប័ននានា និងប្រទីបក្រុមហ៊ុនឯកជនចំនួន១ នឹងបណ្ដែតតាមបណ្ដោយទន្លេសាប ខាងមុខព្រះបរមរាជវាំង ក្នុងព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក ចាប់ពីថ្ងៃទី១៤ ដល់ថ្ងៃទី១៦ ខែវិច្ឆិកា ឆ្នាំ២០២៤៕