ព័ត៌មានជាតិ

រសៀលនេះ ការប្រណាំងទូកងថ្នាក់រាជធានី នឹងចាប់ផ្ដើមប្រកួត

បានផុស

៥ ខែ មុន

នៅ

ថ្ងៃអង្គារ ១២ វិច្ឆិកា ២០២៤

ដោយ

ក្រុមកីឡាករទូកង បានទម្លាក់ទូករួចរាល់ចូលទៅក្នុងទន្លេ រួមទាំងក្រុមកីឡាករចំណុះទូកទាំងអស់ ក៏ត្រៀមលក្ខណៈសម្បត្តិរបស់ខ្លួនរួចរាល់ ១០០ ភាគរយ ផងដែរ សម្រាប់ការប្រណាំងទូកងថ្នាក់រាជធានីភ្នំពេញ ដែលនឹងចាប់ផ្ដើមដំណើរការប្រកួតនៅរសៀលថ្ងៃទី ១២ ខែវិច្ឆិកា ឆ្នាំ ២០២៤ នេះ ដោយពួកគេហ្វឹកហាត់សមកម្លាំងអុំសាកល្បងលើផ្ទៃទន្លេជាច្រើនជុំ ដើម្បីបង្កើនសមត្ថភាពឱ្យកាន់តែខ្លាំងក្លា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមកីឡាករទូកង «មហានាគ» របស់វត្តនាគវ័ន្ត បង្ហាញក្តីរំភើបរីករាយដែលបានចូលរួមក្នុងការប្រណាំងទូក នៃព្រះរាជពិធីបុណ្យអុំទូក ឆ្នាំ ២០២៤ នេះ ពួកគេម្នាក់ៗ មានសេចក្ដីមុតមាំ និងជឿជាក់ថា នឹងអុំទទួលយកជ័យលាភីឱ្យខាងតែបាន ខណៈទូកមហានាគមួយនេះ តែងតែទទួលជ័យលាភីឯកមករហូត ទាំងការប្រណាំងទូកថ្នាក់រាជធានី និងថ្នាក់ជាតិ។

ការប្រណាំងទូកងថ្នាក់រាជធានីនេះ ធ្វើឡើងតែមួយរសៀលថ្ងៃទី ១២ នេះប៉ុណ្ណោះ ដើម្បីរកម្ចាស់ជ័យលាភីទៅប្រកួតការប្រណាំងទូកថ្នាក់ជាតិជាមួយបណ្តាទូកងជាច្រើនទៀតដែលមកពីតាមបណ្ដាខេត្ត។

សូមបញ្ជាក់ថា ព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក នឹងប្រារព្ធឡើងរយៈពេល ០៣ ថ្ងៃ គឺនៅថ្ងៃទី ១៤ , ១៥ , ១៦ ខែវិច្ឆិកា ឆ្នាំ ២០២៤ ខាងមុខនេះ។ ឆ្នាំនេះដែរ មានទូកងសរុបចំនួន ៣៤៦ ទូក បានចុះឈ្មោះចូលរួមប្រណាំង ដោយកីឡាករសរុបជាង ២ ម៉ឺននាក់៕

អត្ថបទ ៖ សុភា