ព័ត៌មានជាតិ

រដ្ឋបាលខណ្ឌកំបូល ចាប់ផ្ដើមជួសជុលផ្លូវជង្ហុកសំបុកមាន់ក្នុងមូលដ្ឋានសង្កាត់ទាំង ៧ ដែលខូចខាតដោយទឹកភ្លៀង

បានផុស

១ ខែ មុន

នៅ

ថ្ងៃពុធ ១៣ វិច្ឆិកា ២០២៤

ដោយ

ផ្លូវជង្ហុកសំបុកមាន់ក្នុងមូលដ្ឋានសង្កាត់ទាំង ៧ នៅខណ្ឌកំបូល ត្រូវបានអាជ្ញាធរយកចិត្តទុកដាក់ ចាប់ផ្ដើមដាក់គ្រឿងចក្រជួសជុលឈូសឆាយកៀរសម្រួលផ្លូវដែលរងការខូចខាតដោយទឹកភ្លៀងនារដូវវស្សា ដើម្បីជួយសម្រួលដល់ការធ្វើដំណើររបស់ប្រជាពលរដ្ឋ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ឃឹម ស៊ុនសូដា អភិបាល នៃគណៈអភិបាលខណ្ឌកំបូល បានប្រាប់កម្ពុជាថ្មីនៅរសៀលថ្ងៃទី ១៣ ខែវិច្ឆិកា ឆ្នាំ ២០២៤ នេះថា ដោយមើលឃើញមានជង្ហុកសំបុកមាន់ច្រើននៅតាមផ្លូវលំមួយចំនួនក្នុងមូលដ្ឋានសង្កាត់ទាំង ៧ លោកបានចាត់ លោក ទ្រី ណារ៉េត អភិបាលរងខណ្ឌ ដឹកនាំមន្ត្រីការិយាល័យសាធារណការ ដឹកជញ្ជូន អនាម័យ បរិស្ថាន និងសណ្ដាប់ធ្នាប់សាធារណៈ សហការជាមួយក្រុមការងារសង្កាត់ និងភូមិ ចុះឈូសឆាយកៀរសម្រួល និងលុបផ្លូវជង្ហុកដែលរងការខូចខាត ដោយទឹកភ្លៀងនារដូវវស្សា ដើម្បីជួយសម្រួលដល់ការធ្វើដំណើររបស់ប្រជាពលរដ្ឋ។

លោក ទ្រី ណារ៉េត អភិបាលរងខណ្ឌ បានបញ្ជាក់ឱ្យដឹងថា ការជួសជុលឈូសឆាយកៀរសម្រួលផ្លូវជង្ហុកសំបុកមាន់ខូចខាតដោយសារទឹកភ្លៀងនេះ បន្ទាប់ពីបានទទួលការផ្ដល់ការណែនាំពី លោក ឃឹម ស៊ុនសូដា អភិបាល នៃគណៈអភិបាលខណ្ឌកំបូល ដែលលោកបានអញ្ជើញចុះពិនិត្យជាក់ស្ដែងនាពេលកន្លងមក ឃើញថា មានការខូចខាតខ្លាំង ដែលតម្រូវដាក់គ្រឿងចក្រឈូសឆាយជួសជុលជាប្រញាប់ ដើម្បីសម្រួលចរាចរក្នុងធ្វើដំណើរជូនប្រជាពលរដ្ឋ៕

អត្ថបទ ៖ សំណាង