ព័ត៌មានជាតិ

ប.ស.ស បើកកិច្ចប្រជុំផ្ទៃក្នុងប្រចាំខែ ដើម្បីដោះស្រាយបញ្ហាប្រឈមរបស់អង្គភាពក្រោមឱវាទ

បានផុស

១ ខែ មុន

នៅ

ថ្ងៃអង្គារ ១៩ វិច្ឆិកា ២០២៤

ដោយ

បេឡាជាតិសន្តិសុខសង្គម (ប.ស.ស) បានបើកកិច្ចប្រជុំផ្ទៃក្នុងប្រចាំខែ ដើម្បីដោះស្រាយបញ្ហាប្រឈមនានា របស់អង្គភាពក្រោមឱវាទ សំដៅផ្តល់សេវាជូនប្រជាពលរដ្ឋឱ្យកាន់តែប្រសើរឡើងបន្ថែមទៀត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កិច្ចប្រជុំផ្ទៃក្នុងប្រចាំខែនេះបានប្រព្រឹត្តិទៅកាលពីថ្ងៃទី ១៨ ខែវិច្ឆិកា ឆ្នាំ ២០២៤ នៅសាលប្រជុំសន្តិភាព ទីស្នាក់ការកណ្ដាល ប.ស.ស ក្រោមអធិបតីភាព លោក ម៉េង ហុង ប្រតិភូរាជរដ្ឋាភិបាលទទួលបន្ទុកជាអគ្គនាយក ប.ស.ស នៃក្រសួងការងារ និងបណ្ដុះបណ្ដាលវិជ្ជាជីវៈ ដោយមានការចូលរួមពីថ្នាក់ដឹកនាំស្នាក់ការកណ្ដាលដោយផ្ទាល់ និងប្រធាន អនុប្រធានសាខាខេត្ត-ខណ្ឌ តាមរយៈប្រព័ន្ធ Zoom សរុបប្រមាណជា ៤០០ រូប។

បើតាម លោក ម៉េង ហុង បានឱ្យដឹងថា កិច្ចប្រជុំការងារផ្ទៃក្នុង ប.ស.ស នេះ ផ្ដោតលើចំណុចសំខាន់ៗ លើរបៀបវារៈចំនួន ៣ រួមមាន ៖ (១).ពិនិត្យលើការអនុវត្តផែនការសកម្មភាព នៃផែនការយុទ្ធសាស្ត្រអភិវឌ្ឍន៍វិស័យការងារ សន្តិសុខសង្គម និងបណ្ដុះបណ្ដាលវិជ្ជាជីវៈ និងពិនិត្យតាមដានវឌ្ឍនភាព នៃការអនុវត្តអនុសាសន៍ណែនាំរបស់ លោករដ្ឋមន្ត្រី (២).បទបង្ហាញអំពីការអនុវត្តរបបសន្តិសុខសង្គមនៅកម្ពុជា និងបណ្ដាប្រទេស នៃអាស៊ាន (៣).ដំណោះស្រាយលើបញ្ហាប្រឈម និងលើកទិសដៅការងារសម្រាប់អនុវត្តបន្ត និងការងារផ្សេងៗ៕

អត្ថបទ ៖ សំអឿន