ព័ត៌មានជាតិ

អាជ្ញាធរតាមមូលដ្ឋាន ប្ដេជ្ញាផ្ដល់សេវាសាធារណៈជូនពលរដ្ឋ ឲ្យបានល្អប្រសើរ

បានផុស

៤ ខែ មុន

នៅ

ថ្ងៃអង្គារ ១៩ វិច្ឆិកា ២០២៤

ដោយ

ការបម្រើលើការផ្តល់សេវាពីសំណាក់អាជ្ញាធរនៅតាមមូលដ្ឋានជូនចំពោះប្រជាពលរដ្ឋ នៅតែជាកិច្ចការងារចម្បង និងអាទិភាព ដែលត្រូវចាំបាច់គិតគូរ និងបម្រើឲ្យមានប្រសិទ្ធភាពបំផុត។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហេង សុវឌ្ឍនា ចៅសង្កាត់រងទី ២ សង្កាត់មិត្តភាព នៃរដ្ឋបាលខណ្ឌ ៧ មករា បានឲ្យដឹងថា រាជរដ្ឋាភិបាលអាណត្តិទី ៧ ដែលមាន សម្តេចធិបតី ជាប្រមុខថ្នាក់ដឹកនាំ រដ្ឋបាលសង្កាត់ បានបន្តការយកចិត្តទុកដាក់បំផុតលើការងារផ្តល់សេវាតម្រូវការឯកសារជូនប្រជាពលរដ្ឋនៅក្នុងមូលដ្ឋាន។

លោកចៅសង្កាត់រងទី ២ បានបន្តថា ការងារផ្តល់សេវាជូនប្រជាពលរដ្ឋចាំបាច់ត្រូវតែលឿនរហ័សទាន់ពេលវេលា និងមិនមានការកំណត់ ឬទាមទារតម្លៃលើការធ្វើឯកសារណាដែលច្បាប់មិនបានកំណត់នោះឡើយ។ បន្ថែមទៀតនោះ ក្នុងរយៈពេលជិតពេញ ១ ឆ្នាំ ២០២៤ នេះ រដ្ឋបាលសង្កាត់មិត្តភាព បានបម្រើសេវាសាធារណៈជូនដល់ប្រជាពលរដ្ឋក្នុងមូលដ្ឋានបានជាង ៧០០ ឯកសារ ដែលភាគច្រើន លើសេវាបញ្ជាក់កិរិយាមារយាទ បញ្ជាក់កន្លែងការងារ កន្លែងស្នាក់នៅ ជាដើម។

សូមបញ្ជាក់ថា នៅតាមបណ្តាសង្កាត់ទាំង ១០៥ ក្នុងភូមិសាស្ត្ររាជធានីភ្នំពេញ បាន និងកំពុងអនុវត្តតាមរយៈយន្តការច្រកចេញចូលតែមួយ ដែលជាការបង្ខិតការផ្តល់សេវាឲ្យបានលឿនរហ័សជូនប្រជាពលរដ្ឋ ធានាមិនមានការរាំងស្ទះ ដើម្បីអាចឲ្យពលរដ្ឋយកទៅប្រើប្រាស់តាមតម្រូវការជាក់ស្ដែងរបស់ពួកគាត់រៀងៗ ខ្លួន៕

អត្ថបទ ៖ សុភា