ព័ត៌មានជាតិ
គិតត្រឹមចុងឆ្នាំ ២០២៤ កម្ពុជាមានរោងចក្រឧស្សាហកម្មធំៗចំនួន ២ ៣៤៥ រោងចក្រ បើកដំណើរការទូទាំំងប្រទេស
គិតត្រឹមខែវិច្ឆិកា ឆ្នាំ ២០២៤ កម្ពុជាមានរោងចក្រឧស្សាហកម្មធំៗកំពុងបើកដំណើរការមានចំនួន ២ ៣៤៥ រោងចក្រ នៅ ២៥ ខេត្តក្រុង។ នេះបើតាមលោក ទឹង ស៊ីនី ថ្លែងក្នុងកម្មវិធិពិព័រណ៌ពាណិជ្ជកម្មអន្តរជាតិកម្ពុជានៅព្រឹកនេះ។
លោក ទឹង ស៊ីនី រដ្ឋលេខាធិការក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានបញ្ជាក់ថា រោងចក្រខ្នាតធំៗចំនួន ២ ៣៤៥ ដែលកំពុងបើកដំណើរការនៅកម្ពុជា ក្នុងនោះមានរោងចក្រផ្នែកវាយនភណ្ឌ សំលៀកបំពាក់ និងស្បែកជើងមានចំនួន ១ ២៩៧ រោងចក្រ ដែលប្រើប្រាស់កម្លាំងពលកម្មសរុបជាង ១លាន ១ សែននាក់។
ក្រៅពីរោងចក្រធំៗជាច្រើន លោក ទឹង ស៊ីនី បានឲ្យដឹងថា ក៏មានសហគ្រាសធុនតូចរាប់សិបម៉ឺនមូលដ្ឋានទៀត។ គិតត្រឹមខែវិច្ឆិកាឆ្នាំ ២០២៤ នៅទូទាំងប្រទេសមានសហគ្រាសខ្នាតតូច SME ចំនួន ៤៤ ៥៥០ មូលដ្ឋាន។ អ្វីដែលលោកកត់សម្គាល់នោះ ក្នុងចំណោមសហគ្រាសខ្នាតតូចជាង ៤ ម៉ឺនមូលដ្ឋាន មានសហគ្រាសចំនួន ៨ ២២១ ដឹកនាំដោយស្រ្តី។
រដ្ឋាភិបាលបានដាក់ចេញយុទ្ធសាស្ត្របញ្ចកោណដំណាក់កាលទី ១ មាន មនុស្ស ផ្លូវ ទឹក ភ្លើង និងបច្ចេកវិទ្យា ដើម្បីឆ្លើយតបបដិវត្តឧស្សាហកម្ម ៤.០។
គោលដៅចម្បងនៃយុទ្ធសាស្ត្របញ្ចកោណដំណាក់កាលទី ១ គឺធានាកំណើនសេដ្ឋកិច្ចដោយការកសាងពង្រឹងមូលដ្ឋានគ្រឹះ ជំរុញសន្ទុះការអភិវឌ្ឍន៍ប្រទេសជាតិតាមរយៈកសាងភាពធន់លើវិស័យទាំង ៥ មាន ភាពធន់វិស័យសាធារណ សេដ្ឋកិច្ច ហិរញ្ញវត្ថុ មូលធនមនុស្ស និងភាពធន់វិស័យបរិស្ថានឆ្លើយតបការប្រែប្រួលអាកាសធាតុ។
លោក ទឹង ស៊ីនី បានបញ្ជាក់ថា ជាធម្មតាកាលណាការអភិវឌ្ឍន៍សហគ្រាសនិងឧស្សាហកម្មកាន់តែខ្លាំង អាចកើតមានបញ្ហាប្រឈមដល់បរិស្ថាន។ ឧស្សាហកម្មកាន់តែកើន ផលប៉ះពាល់កាន់តែខ្លាំង ដូចជាកាកសំណល់ និងការបំពុលជាដើម។
លោកថា ក្រសួងឧស្សាហកម្ម វិទ្យាសាស្ត្របច្ចេកវិទ្យា និងនវានុវត្តន៍ បានដើរតួនាទីយ៉ាងសំខាន់ជំរុញការអភិវឌ្ឍវិស័យឧស្សាហកម្មឲ្យប្រសើរឡើង តាមរយៈការអនុវត្តឧស្សាហកម្មបៃតងដោយមានភាពទំនួលខុសត្រូវផ្នែកបរិស្ថាន។
ក្រសួងឧស្សាហកម្មបានអនុវត្តគម្រោងការផ្ទេរបច្ចេកវិទ្យាអំណោយផលដល់បរិស្ថាន (TEST) ដើម្បីជួយពង្រឹងគុណភាពផលិតផលរបស់សហគ្រាសឧស្សាហកម្ម បន្ថែមពីការសម្រួលកាត់បន្ថយថ្លៃដើមផលិតដូចជាការប្រើប្រាស់ទឹក អគ្គិសនី វត្ថុធាតុដើម រួមទាំងកាត់បន្ថយការប្រើប្រាស់សារធាតុពុលជាដើម។
ក្នុងនាមក្រសួងឧស្សាហកម្ម បច្ចេកវិទ្យា នឹងសហការរួមគ្នាជាមួយសហគ្រាសឧស្សាហកម្ម ក្នុងការពង្រឹងការផលិតឲ្យមានគុណភាពល្អ កាត់បន្ថយថ្លៃដើមផលិត ពង្រឹងផលិតផលឲ្យមានស្តង់ដា មានថ្លៃដើមផលិតទាបអាចនាំចេញប្រកួតប្រជែងនៅទីផ្សារខាងក្រៅ៕
ក្រសួងអប់រំ គ្រោងនឹងដាក់បញ្ចូលការបង្រៀនភាសាចិន ទៅក្នុងកម្មវិធីសិក្សារដ្ឋ
ក្រុមហ៊ុនមួយរបស់ព្រុយណេ ជម្រាបសម្ដេចធិបតី ពីបំណងចង់បោះទុនវិនិយោគនៅកម្ពុជា
អាជ្ញាធរជាតិអប្សរា បញ្ចប់ការងារជួសជុលចម្លាក់ក្បាលមករ ដោយជោគជ័យ នៅខែវិច្ឆិកានេះ
គិតត្រឹមចុងឆ្នាំ ២០២៤ កម្ពុជាមានរោងចក្រឧស្សាហកម្មធំៗចំនួន ២ ៣៤៥ រោងចក្រ បើកដំណើរការទូទាំំងប្រទេស
ប្រយ័ត្នចាញ់បោក! មានអ្នកក្លែងបន្លំ ប្រើឈ្មោះទូកង «នរិន្ទរង្សីពិជ័យចិត្របុត្រ» រៃអង្គាសលុយ
ទិដ្ឋភាពពិធីបុណ្យសពអ្នកនាង អ៊ុំ គន្ធា មានភាពស្ងប់ស្ងាត់ពុំសូវឃើញអ្នកសិល្ប:ចូលរួម
ឃាត់ខ្លួនក្រុមបងធំរហស្សនាម DP Zin (ដើមពោធិ៍) ក្រោយដេញកាប់យុវជន២នាក់បណ្តាលឲ្យស្លាប់ម្នាក់ និងរបួសធ្ងន់ម្នាក់
Lisa រងការរិះគន់ថា ប្រើខ្សែមិត្តប្រុសដើម្បីបង្ហាញខ្លួនលើក្របមុខ ជាមួយតារាហូលីវូដ
នាយករដ្ឋមន្ត្រី ស្នើរដ្ឋសភា ជ្រើសតាំងលោក ប្រាក់ សុខុន ជារដ្ឋមន្ត្រីក្រសួងការបរទេសវិញ
ឆ្លងចរន្តម៉ាស៊ីនត្រជាក់ ឆេះបន្ទប់ជាន់ទី ០១ ក្នុងផ្ទះល្វែង ០១ កន្លែង ខូចខាតស្ទើរទាំងស្រុង
-
ព័ត៌មានជាតិ៦ ថ្ងៃ agoមកស្គាល់ពីសាកលវិទ្យាល័យចំនួន៦ សម្រាប់សិស្សដែលទើបបញ្ចប់ការសិក្សាទី១២ អាចរើសជំនាញដែលសមស្រប
-
ព័ត៌មានជាតិ១ សប្តាហ៍ agoជើងហោះហើរនៅអាកាសយានដ្ឋានសៀមរាបអង្គរ កើនឡើងពី ២០ ជើង ទៅ ៥០ ជើងក្នុងមួយថ្ងៃ
-
ជីវិតកម្សាន្ដ២៤ ម៉ោង agoទិដ្ឋភាពពិធីបុណ្យសពអ្នកនាង អ៊ុំ គន្ធា មានភាពស្ងប់ស្ងាត់ពុំសូវឃើញអ្នកសិល្ប:ចូលរួម
-
ព័ត៌មានអន្ដរជាតិ១ សប្តាហ៍ agoការសិក្សាថ្មី! ភពអ៊ុយរ៉ានូស អាចឲ្យមនុស្សរស់នៅបាន
-
ជីវិតកម្សាន្ដ១ ថ្ងៃ agoអ្នកសិល្បៈសម្តែងការសោកស្តាយចំពោះមរណភាព អ្នកនាង អ៊ុំ គន្ធា ខណៈសពនឹងត្រូវបូជាល្ងាចនេះ
-
ព័ត៌មានអន្ដរជាតិ១ សប្តាហ៍ agoយន្តហោះBoeing ដឹកអ្នកដំណើរ២៤៩នាក់ ហោះបុកសត្វស្លាប បណ្តាលឲ្យឆេះម៉ាស៊ីន
-
ព័ត៌មានជាតិ៦ ថ្ងៃ agoទៅដល់ខេត្តក្រចេះរដូវនេះ! កុំភ្លេចសាករសជាតិសម្លត្រីឆ្កោក រដូវទឹកស្រកសំបូរត្រីចុះតាមព្រែកបឹង
-
ព័ត៌មានជាតិ៤ ថ្ងៃ agoរាជធានីខេត្តចំនួន ៣ ទទួលបានភ្ញៀវទេសចរច្រើនជាងគេ នៅថ្ងៃទី ១ នៃពិធីបុណ្យអុំទូក