ព័ត៌មានជាតិ
ក្រុមប្រឹក្សាខេត្តរតនគិរី បើកវេទិកាសាធារណៈស្តាប់ទុក្ខកង្វល់ និងដោះស្រាយតាមសំណូមពររបស់ពលរដ្ឋនៅក្នុងស្រុកវើនសៃ
មិនខុសពីខេត្តដទៃដែរ ខេត្តរតនគិរី បានរៀបចំវេទិកាផ្សព្វផ្សាយ និងពិគ្រោះយោបល់ក្រុមប្រឹក្សាខេត្ត ឆ្នាំ២០២៤ នៅក្នុងបរិវេណវត្តបាហ្វាំង ស្ថិតនៅក្នុងភូមិបានហ្វាំង ឃុំប៉ុង ស្រុកវើនសៃ ខេត្តរតនគិរី។ វេទិកាសាធារណៈនេះ បានស្តាប់ទុក្ខរបស់ប្រជាពលរដ្ឋ និងទទួលយកសំណួមពរ និងសំណើរបស់ប្រជាពលរដ្ឋ ទៅពិនិត្យ និងដោះស្រាយ។

រៀបចំវេទិកាផ្សព្វផ្សាយ និងពិគ្រោះយោបល់ក្រុមប្រឹក្សាខេត្ត ឆ្នាំ២០២៤នេះ ធ្វើឡើងកាលពីថ្ងៃទី ១៩ ខែវិច្ឆិកា ឆ្នាំ ២០២៤ ក្រោមវត្តមានលោក ណាប់ ប៊ុនហេង ប្រធានក្រុមប្រឹក្សាខេត្ត និងលោក វ៉ាន់ សោភា អភិបាលរងខេត្ត តំណាងលោក ញ៉ែម សំអឿន អភិបាលខេត្តរតនគិរី។ ក្រៅពីនេះ ក៏មានការចូលរួមពីមន្រ្តីរាជការ និងប្រជាពលរដ្ឋជាច្រើនទៀតមកពីបណ្តា ភូមិ ឃុំ ក្នុងស្រុកវើនសៃ ខេត្តរតនគិរី។

ការសួរដេញដោលអស់រយៈពេល១ ព្រឹកពេញនេះ ដោយឈរលើបទបញ្ជាផ្ទៃក្នុង រក្សារបៀបរៀបរយ ស្ងៀមស្ងាត់ មិនបង្កការរំខានផ្សេងៗ នៅពេលប្រារព្ធពិធី ហើយអ្នកចូលរួមទាំងអស់មានឱកាសចែករំលែកគំនិតយោបល់ និងការយល់ឃើញរបស់ខ្លួន ដើម្បីលើកជាមតិ ឬយោបល់ និងសំណូមពរ ដោយម្នាក់បានមានពេលវេលា ៥នាទី ឬអាចសរសេរជាក្រដាស ឬកូនលិខិត។ អ្នកចូលរួមជាប្រជាពលរដ្ឋទាំងបុរស និងស្ត្រី ទទួលបានឱកាសស្មើគ្នាក្នុងការបញ្ចេញមតិ។

បញ្ហាចំនួន២២ករណី ត្រូវបានប្រជាពលរដ្ឋលើកឡើងក្នុនៅងវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តរតនគិរី ឆ្នាំ២០២៤ នៅស្រុកវើនសៃ។ អង្គវេទិកា បានដោះស្រាយជូន២០ករណី និង២ករណីទៀត មិនបានដោះស្រាយ។ ក្រុមប្រឹក្សាខេត្តនឹងឆ្លើយតបវិញទៅតាមស្ថានភាពជាក់ស្តែងស្របតាមសមត្ថកិច្ច និងការទទួលខុសត្រូវរបស់មន្ទីរជំនាញ និងរដ្ឋបាលនីមួយៗដែលពាក់ព័ន្ធ។ យ៉ាងណាក៏ដោយ ក្រុមប្រឹក្សាខេត្តរតនគិរី បានប្រាប់ឱ្យថ្នាក់ដឹកនាំមន្ទីរជុំវិញខេត្ត លោកអភិបាលស្រុក លោកមេឃុំ ត្រូវខិតខំយកចិត្តទុកដាក់នូវតួនាទីភារកិច្ចរបស់ខ្លួន ក្នុងការបម្រើសេវាសាធារណៈ ទាំងសេវាតម្រូវការ និងសេវាសំណូមពរ ជូនប្រជាពលរដ្ឋ នៅក្នុងមូលដ្ឋានរបស់ខ្លួន ប្រកបដោយប្រសិទ្ធភាព និងការទទួលខុសត្រូវខ្ពស់ ត្រូវចូលរួមទប់ស្កាត់រាល់បទល្មើស គ្រឿងញៀន ល្បែងស៊ីសងគ្រប់ប្រភេទ ជាពិសេស អនុវត្តនូវគោលនយោបាយ ភូមិ-ឃុំ មានសុវត្ថិភាព៕



-
ព័ត៌មានជាតិ៤ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៤ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ១០ ម៉ោង ago
បាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានជាតិ៣ ថ្ងៃ ago
កម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា
-
ព័ត៌មានអន្ដរជាតិ៣ ថ្ងៃ ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
ចរាចរណ៍៥ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
-
សន្តិសុខសង្គម៥ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ១ ថ្ងៃ ago
Breaking News! ផ្ទុះការបាញ់គ្នាដ៏រន្ធត់ នៅក្បែរផ្សារខេត្ត Samut Prakan ប្រទេសថៃ