ព័ត៌មានជាតិ
ក្រសួងប្រៃសណីយ៍ ប្រកាសដាក់ឲ្យប្រើប្រាស់កម្មវិធីបកប្រែ TranslateKh
ក្រសួងប្រៃសណីយ៍និងទូរគមនាគមន៍បានប្រកាសដាក់ឲ្យប្រើប្រាស់កម្មវិធីបកប្រែ TranslateKh ដែលបង្កើតឡើងដោយអ្នកជំនាញខ្មែរដើម្បីសម្រួលដល់ការបកប្រែទម្រង់ឯកសារផ្សេងៗ។
កម្មវិធីបកប្រែ TranslateKh ត្រូវបានប្រកាសដាក់ឲ្យប្រើប្រាស់ជាផ្លូវការនៅក្នុងកម្មវិធី «វេទិកាបញ្ញាសិប្បនិម្មិតកម្ពុជា» នៅព្រឹកនេះ ដោយមានការចូលរួមពីរដ្ឋមន្ត្រីក្រសួងប្រៃសណីយ៍និងទូរគមនាគមន៍។
កម្មវិធីបកប្រែ TranslateKh ជាកម្មវិធីជំនួយការឆ្លាតសម្រាប់បកប្រែពាក្យ ឃ្លា ប្រយោគ ឬអត្ថបទពីភាសាខ្មែរ ទៅ ភាសាអង់គ្លេស និងពីភាសាអង់គ្លេស ត្រឡប់មកភាសាខ្មែរវិញ ដោយប្រើប្រាស់បច្ចេកវិទ្យាបញ្ញាសិប្បនិម្មិត (AI) និងបច្ចេកវិទ្យាសិក្សាស៊ីជម្រៅ (Deep Learning)។
បច្ចុប្បន្ន កម្មវិធីនេះត្រូវបានបង្កើតឡើងជាមួយទិន្នន័យប្រមាណជា ១៥លានឃ្លាបកប្រែ ដែលពាក់ព័ន្ធនឹងកិច្ចសន្ទនាទូទៅនិងសារព័ត៌មានជាតិ-អន្តរជាតិ ព្រមទាំងទទួលបានលទ្ធផលតេស្តប្រមាណ ៩៧% លើសុក្រឹតភាពនៃលទ្ធផល។
បើតាមមន្រ្តីបច្ចេកទេសនៅក្រសួងប្រៃសណីយ៍ កម្មវិធីបកប្រែបង្កើតឡើងដោយអ្នកជំនាញខ្មែរនេះ មានលទ្ធផលតេស្តប្រហាក់ប្រហែល Google Translate។
កម្មវិធីបកប្រែ Translatekh ក្រៅពីអាចយកទៅប្រើប្រាស់សម្រាប់បកប្រែនៅក្នុងវិស័យជាក់លាក់ណាមួយ ក៏អាចប្រើប្រាស់សម្រាប់បកប្រែក្នុងកិច្ចសន្ទនា បម្លែងអត្ថបទក្នុងទម្រង់រូបភាពទៅជាអត្ថបទ និងបកប្រែចំណងជើងរង (Subtitle) នៅកម្មវិធីវីដេអូជាដើម។ ជាពិសេសកម្មវិធីនេះ អាចដំណើរការដោយមិនមានអ៊ីនធឺណិតបានថែមទៀតផង។
នៅព្រឹកថ្ងៃទី២៥ ខែវិច្ឆិកា ឆ្នាំ២០២៤ លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ បានអញ្ជើញជាអធិបតីបើកវេទិកាបញ្ញាសិប្បនិម្មិតកម្ពុជា ឆ្នាំ២០២៤ ក្រោមប្រធានបទ “ស្វែងយល់អំពីនវានុវត្តបច្ចេកវិទ្យាបញ្ញាសិប្បនិម្មិត និងកាលានុវត្តភាពសម្រាប់ កម្ពុជានាពេលអនាគត” ដោយមានការចូលរួមពីថ្នាក់ដឹកនាំក្រសួង វាគ្មិនជាតិនិងអន្តរជាតិ តំណាងមកពីក្រសួង ស្ថាប័ន គ្រឹះស្ថានអប់រំ វិស័យឯកជន និងអ្នកសារព័ត៌មាន បានចូលរួមដោយផ្ទាល់ និងតាមអនឡាញ សរុបប្រមាណ ៥០០នាក់។
វេទិកានេះរៀបចំឡើងក្នុងគោលបំណង (១.). ស្វែងយល់អំពីនិន្នាការ និងគំនិតផ្តួចផ្តើមនៃបច្ចេកវិទ្យា AI ពីអ្នកជំនាញប្រទេសបារាំង កូរ៉េ ថៃ កម្ពុជា និងវឌ្ឍនភាព AI ផ្ទាល់នៅកម្ពុជា (២). លើកឡើងអំពីការអនុវត្តជាក់ស្តែង នៃ machine learning, deep learning in natural language processing និងបច្ចេកវិទ្យា computer vision សម្រាប់ប្រទេសកម្ពុជា (៣). ស្វែងយល់ពីសក្ដានុពលនៃការប្រើប្រាស់ Generative AI ក្នុងការធ្វើបរិវត្តន៍កម្ម និងនវានុវត្តន៍សម្រាប់វិស័យផ្សេងៗ និង (៤). លើកកម្ពស់ភាពជាដៃគូរវាង រាជរដ្ឋាភិបាល វិស័យឯកជន និងគ្រឹះស្ថានអប់រំ ក្នុងការកំណត់កាលានុវត្តភាព បញ្ហាប្រឈមនៃបច្ចេកវិទ្យា AI និងកិច្ចសហប្រតិបត្តិការជាប្រព័ន្ធអេកូឡូស៊ី៕
មេភូមិទ្រាប នៅឆ្ងាយពីប្រជុំជន ស្នើសុំអាជ្ញាធរជួយជំរុញការអភិវឌ្ឍក្នុងមូលដ្ឋាន
ប្រធានាធិបតីអ៊ុយក្រែន បារម្ភទឹកដីខ្លួនក្លាយជាទីលានសាកអាវុធរបស់រុស្ស៊ីនិងសម្ព័ន្ធមិត្ត
ឯកឧត្តម ឃួង ស្រេង និងលោកជំទាវ ផ្ញើសារចូលរួមអបអរសាទរជូនសម្តេចធិបតី ហ៊ុន ម៉ាណែត ក្នុងឱកាសទទួលបាន «ពានរង្វាន់សតវត្សអាស៊ី ICAPP»
អនុរដ្ឋមន្ត្រីការបរទេសជប៉ុន៖ ជប៉ុនប្ដូររដ្ឋាភិបាលថ្មី ប៉ុន្តែមិនបោះបង់កម្ពុជាចោលឡើយ
អ្នកឧកញ៉ា សំ សុខនឿន តម្កល់សៀវភៅ«គ្រឹះនៃជីវិតអ្នកឧកញ៉ា សំ សុខនឿន ក្នុងមាគ៌ា អចលនទ្រព្យ» នៅបណ្ណាល័យសម្តេចតេជោ ហ៊ុន សែន
L-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
ផលិតកម្មបារមី ទទួលបានការកោតសរសើរ ក្រោយទទួលស្គាល់កំហុស និងសម្រេចធ្វើកំណែបទ “ម្តងហើយម្តងទៀត”
អ៊ុយក្រែន៖ ទាហានកូរ៉េខាងជើង ស្លាប់៥០០នាក់ ពេលក្រុងកៀវប្រើមីស៊ីលអង់គ្លេសបាញ់រុស្ស៊ី
រដ្ឋបាលជាប់ឆ្នោតរបស់លោកត្រាំ បង្ហាញវិធីសាស្រ្តបញ្ចប់សង្គ្រាម រុស្ស៊ី-អ៊ុយក្រែន
ចំណុចខ្លះៗ ដែលគេហ៊ានថា សង្គ្រាមលោកលើកទី៣ បានកើតឡើងហើយ
-
ជីវិតកម្សាន្ដ១ សប្តាហ៍ agoទិដ្ឋភាពពិធីបុណ្យសពអ្នកនាង អ៊ុំ គន្ធា មានភាពស្ងប់ស្ងាត់ពុំសូវឃើញអ្នកសិល្ប:ចូលរួម
-
ព័ត៌មានអន្ដរជាតិ១ សប្តាហ៍ agoជាប្រវត្តិសាស្រ្ត! ព្យុះ៤ ត្រូវថតជាប់ក្នុងពេលតែមួយ នៅមហាសមុទ្រប៉ាស៊ីហ្វិក
-
សន្តិសុខសង្គម៣ ថ្ងៃ agoទូកទេសចរណ៍មួយគ្រឿងលិចបាត់ទាំងស្រុងក្នុងសមុទ្រកោះរ៉ុង
-
ព័ត៌មានជាតិ៦ ថ្ងៃ agoគម្រោងផ្លូវល្បឿនលឿន ១៧ ខ្សែ ដាក់ក្នុងផែនការមេអភិវឌ្ឍរបស់រដ្ឋាភិបាលកម្ពុជា
-
ជីវិតកម្សាន្ដ១ សប្តាហ៍ agoអ្នកសិល្បៈសម្តែងការសោកស្តាយចំពោះមរណភាព អ្នកនាង អ៊ុំ គន្ធា ខណៈសពនឹងត្រូវបូជាល្ងាចនេះ
-
ព័ត៌មានអន្ដរជាតិ២ ថ្ងៃ agoពិតទេ ដែលថា កងទ័ពដីឥដ្ឋនៅផ្នូរអធិរាជ ឈិនស៊ី បង្កើតឡើងពីសាកសពមនុស្ស
-
ព័ត៌មានជាតិ១ សប្តាហ៍ agoជនជាតិដើមភាគតិចទំពួន នៅតែប្រកាន់ខ្ជាប់នូវទម្លាប់«សែនអ្នកតាម្ចាស់ភូមិ»ចំពោះអ្នកប្រព្រឹត្តខុស«មានកូនមុនរៀបការ»
-
សន្តិសុខសង្គម៦ ថ្ងៃ agoUpdate៖ ឃាត់ខ្លួនម្ចាស់គ្លីនិកពីរនាក់ប្ដីប្រពន្ធ ករណីចាក់ថ្នាំប្រតិកម្មបណ្ដាលឲ្យស្ត្រីម្នាក់ស្លាប់