ព័ត៌មានជាតិ
ខេត្តកោះកុង ផ្ដើមផ្ដល់ថ្នាំវ៉ាក់សាំងបង្ការជំងឺកញ្ជ្រឹល និងស្អូច ដល់កុមារអាយុ ៩ ខែ ដល់ ៥ ឆ្នាំ
មន្ត្រីសុខាភិបាលខេត្តកោះកុង បានផ្ដើមផ្ដល់ថ្នាំវ៉ាក់សាំងបង្ការការពារជំងឺកញ្ជ្រឹល និងជំងឺស្អូច ដល់កុមារដែលមានអាយុចាប់ពី ៩ ខែ ដល់ ៥ ឆ្នាំ។ បញ្ហាជំងឺ ២ ប្រភេទនេះ ត្រូវបានមន្ត្រីសុខាភិបាលអះអាងថា អត្រាកុមារកើតជំងឺស្អូច និងកញ្ជ្រឹល តែងកើតមានរៀងរាល់ឆ្នាំ។
បន្ទាប់ពីដំណាក់កាលទី ១ ដែលមានរាជធានី-ខេត្ត ចំនួន ១៣ បានអនុវត្តយុទ្ធនាការចាក់វ៉ាក់សាំងកញ្ជ្រឹល និងស្អូច រួចរាល់ហើយ ឥឡូវដល់ដំណាក់កាលទី ២ មានខេត្តចំនួន ១២ បន្តផ្ដល់សេវានេះបន្តទៀត ក្នុងនោះ ក៏មានខេត្តកោះកុងផងដែរ។
លោកវេជ្ជបណ្ឌិត ទៅ ម៉ឹង ប្រធានមន្ទីរសុខាភិបាលខេត្តកោះកុង បានឱ្យដឹងនៅថ្ងៃទី ២៥ ខែវិច្ឆិកា ឆ្នាំ ២០២៤ ថា ក្រោមការដឹកនាំរបស់ លោកសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បាននិងកំពុងប្រឹងប្រែងសហការជាមួយអង្គការដៃគូជាច្រើន ដោយសំដៅធ្វើយ៉ាងណាផ្ដល់វ៉ាក់សាំងជំងឺកញ្ជ្រឹល និងស្អូច ឱ្យមានការគ្របដណ្ដប់ ដើម្បីការពារកុមារទាំងអស់ទូទាំងប្រទេស ជៀសផុតពីជំងឺទាំង ២ ខាងលើនេះ។
លោកវេជ្ជបណ្ឌិត ទៅ ម៉ឹង បន្តថា យុទ្ធនាការចាក់វ៉ាក់សាំងជំងឺកញ្ជ្រឹល និងស្អូច ដើម្បីទប់ស្កាត់ការរីករាលដាលជំងឺកាន់តែច្រើន មិនថាតែនៅទីប្រជុំជន ឬទីជនបទដាច់ស្រយាលនោះទេ ដូច្នេះហើយរាជរដ្ឋាភិបាល ក្រសួងសុខាភិបាល និងអង្គការសុខភាពពិភពលោក ផ្តោតការយកចិត្តទុកដាក់ខ្ពស់លើការផ្តល់វ៉ាក់សាំងបង្ការនេះឱ្យបានដល់គ្រប់កុមារទាំងអស់នៅក្នុងប្រទេសកម្ពុជា ក៏ដូចជាខេត្តកោះកុងតែម្ដង។
លោកប្រធានមន្ទីរសុខាភិបាលខេត្តកោះកុង សូមអំពាវនាវដល់ម្តាយឪពុក និងអាណាព្យាបាលកុមារទាំងអស់ក្នុងភូមិសាស្ត្រខេត្តកោះកុង នាំកូនចៅ មកចាក់វ៉ាក់សាំងឱ្យបានគ្រប់ៗ គ្នា ទៅតាមទីតាំងសេវាក្នុងភូមិឃុំសង្កាត់នីមួយៗ តាមរយៈការផ្តល់ព័ត៌មានពីអ្នកស្ម័គ្រចិត្ត។
សម្រាប់ លោកស្រី ឈី វ៉ា អភិបាលរងខេត្តកោះកុង ក៏បានថ្លែងអំណរអរគុណដល់ក្រសួងសុខាភិបាល និងអង្គការដៃគូផ្នែកសុខាភិបាល ដែលបានផ្តល់ថ្នាំបង្ការជំងឺ ២ ប្រភេទនេះ ដល់កុមារនៅខេត្តកោះកុង ដើម្បីធានាបានការមិនកើតជំងឺថ្លង់ រលាកស្ងួត ការអន់ថយស្មារតី និងងងឹតភ្នែកជាដើម។
យោងតាមការប៉ាន់ប្រមាណអត្រាគ្របដណ្ដប់ថ្នាំបង្ការជំងឺកញ្ជ្រឹល ស្អូច នៅថ្នាក់ជាតិរបស់អង្គការសុខភាពពិភពលោក និងអង្គការមូលនិធិសម្រាប់កុមារ នៃអង្គការសហប្រជាជាតិ (WUENIC) បង្ហាញថា នៅប្រទេសកម្ពុជាអត្រាគ្របដណ្ដប់វ៉ាក់សាំងការពារជំងឺកញ្ជ្រឹល ស្អូច ដូសទី ១ (MR1) មាន ៧៩% និងអត្រាគ្របដណ្ដប់វ៉ាក់សាំងការពារជំងឺកញ្ជ្រឹល ស្អូច ដូសទី ២ មានតែ ៦៤% ប៉ុណ្ណោះ នៅឆ្នាំ ២០២៣។
ទិន្នន័យនេះបង្ហាញថា អត្រាគ្របដណ្ដប់វ៉ាក់សាំងការពារជំងឺកញ្ជ្រឹល ស្អូច ស្ថិតនៅកម្រិតក្រោមតម្រូវការសម្រាប់ការបង្ការការផ្ទុះរាលដាលជំងឺកញ្ជ្រឹល ស្អូច និងការជៀសវាងការស្លាប់ដោយសារជំងឺកញ្ជ្រឹល ស្អូច នៅឡើយ។
គួរជម្រាបថា នេះជាដំណាក់កាលទី ២ ហើយ ដែលមានខេត្តចំនួន ១២ កំពុងធ្វើយុទ្ធនាការផ្តល់ថ្នាំវ៉ាក់សាំងបង្ការជំងឺកញ្ជ្រឹល និងស្អូច ក្នុងនោះមានខេត្តកោះកុង កំពង់ឆ្នាំង កំពត មណ្ឌលគិរី ព្រះវិហារ ព្រៃវែង រតនគិរី ព្រះសីហនុ ស្ទឹងត្រែង ស្វាយរៀង តាកែវ និងខេត្តកែប៕
អត្ថបទ ៖ សិរីវឌ្ឍនៈ
អភិបាលខណ្ឌឬស្សីកែវ បញ្ជាឱ្យជំនាញពាក់ព័ន្ធតាមដានត្រួតពិនិត្យជួសជុលកែលំអផ្លូវថ្នល់ ដែលមានការខូចខាត
រដ្ឋមន្ត្រីមហាផ្ទៃប្រាប់ក្រុមការងារចុះមូលដ្ឋានបញ្ឈប់កិច្ចអន្តរាគមន៍យកមន្ត្រីក្រៅមូលដ្ឋានមកកាន់តំណែង
មហាជនបារម្ភ! ក្រោយឃើញអ្នកជិះកង់សប្បុរសធម៌ ជំនះធ្វើដំណើរកាត់ព្រិល រឹងខ្លួនប្រាណសឹងនិយាយលែងបាន
ព្រះខ័នរាជស្វាយរៀងនាំចូលប្រយុទ្ធថ្មី Caetano ត្រៀមពានអាស៊ី
កម្លាំងនាយកដ្ឋានព្រហ្មទណ្ឌ បំបែកសំណុំរឿងឃាតកម្មនៅស្រុកឈូក ខេត្តកំពត
G-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
ទូរស័ព្ទថតរូបក្នុងទឹកដំបូងគេក្នុងប្រទេសកម្ពុជា OPPO Reno13 Series 5G សម្ពោធជាផ្លូវការហើយ និងបំពាក់ដោយ AI ទំនើបៗ
អភិបាលរងខេត្តស្វាយរៀង÷ យុវជន ត្រូវមាន មានស្មារតីស្នេហាជាតិ ជួយជាតិ លើកកម្ពស់មុខមាត់ជាតិឱ្យបានច្រើន
អ្នកឧកញ៉ា៣រូប បរិច្ចាគជាង១លានដុល្លារ សង់អគារសាកលវិទ្យាល័យសម្ដេចព្រះមហាសង្ឃរាជ បួរ គ្រី នៅខេត្តកណ្ដាល
ប្រមុខណាតូ៖ រុស្ស៊ីនឹងខ្ទេច បើហ៊ានប៉ះសមាជិកណាមួយ ចង់ដឹងសាកមើលទៅ!
-
សន្តិសុខសង្គម៣ ថ្ងៃ ago«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
ជីវិតកម្សាន្ដ៦ ថ្ងៃ agoផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
សន្តិសុខសង្គម៦ ថ្ងៃ agoអ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានជាតិ៣ ថ្ងៃ agoករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ព័ត៌មានអន្ដរជាតិ៥ ថ្ងៃ agoធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ៧ ម៉ោង agoG-Devith ៖ បុគ្គលដែលអាចហែកមេឃចេញបាន មានន័យថា អ្នកនោះអាចរួចពីសំណាញ់ច្បាប់ហើយ
-
ជីវិតកម្សាន្ដ៣ ថ្ងៃ agoG-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ចរាចរណ៍៣ ថ្ងៃ agoផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត