ព័ត៌មានជាតិ
សម្ដេចធិបតី ថា រដ្ឋាភិបាលនៅឈរខាងអ្នកធុរកិច្ចជានិច្ច តាមរយៈការជួយគាំទ្រគ្រប់ជំហាន
រាជរដ្ឋាភិបាលកម្ពុជា គឺឈរនៅខាងអ្នកធុរកិច្ចជានិច្ច តាមរយៈការជួយគាំទ្រដល់គ្រប់ជំហាន និងគ្រប់មធ្យោបាយដល់រាល់អាជីវកម្ម និងការវិនិយោគនៅក្នុងប្រទេសកម្ពុជា។ នេះជាការប្រកាសរបស់ប្រមុខរាជរដ្ឋាភិបាលសម្ដេចធិបតី ហ៊ុន ម៉ាណែត ក្នុងពិធីបើកកិច្ចប្រជុំកំពូលស្តីពីសេដ្ឋកិច្ច និងបច្ចេកវិទ្យារបស់ចិន នៅថ្ងៃទី២៦ ខែវិច្ឆិកា ឆ្នាំ២០២៤នេះ។
![](https://www.kampucheathmey.com/wp-content/uploads/2024/11/image-1325-1024x614.png)
សម្ដេចធិបតី បានថ្លែងបញ្ជាក់យ៉ាងច្បាស់ថា «រាជរដ្ឋាភិបាលរបស់យើង គឺឈរនៅខាងអ្នកធុរកិច្ចជានិច្ច ហើយយើងតែងតែនៅជួយគាំទ្រដល់អ្នកគ្រប់ជំហាន»។ សម្ដេចធិបតី បានបន្តថា នៅក្នុងអាណត្តិរាជរដ្ឋាភិបាល នីតិកាលទី៧នេះ បានបន្ថែមវិស័យបច្ចេកវិទ្យា គឺជាធាតុផ្សំថ្មីបន្ថែមនៅក្នុងយុទ្ធសាស្ត្របញ្ចកោណ ដំណាក់កាលទី១ សំដៅធ្វើពិពិធកម្ម និងទំនើបកម្មឧស្សាហកម្មរបស់កម្ពុជា ដែលពឹងផ្អែកលើជំនាញ និងចំណេះដឹង។
ក្នុងនាមជានាយករដ្ឋមន្ត្រី សម្ដេចធិបតី បានបង្ហាញការប្ដេជ្ញាចិត្ត និងបានសន្យាថា រាជរដ្ឋាភិបាលរបស់សម្តេច នឹងបន្តគាំទ្រដល់ជោគជ័យរបស់អ្នកធុរកិច្ច និងវិនិយោគិនទាំងអស់ តាមគ្រប់មធ្យោបាយដែលអាចធ្វើទៅបាន ហើយទ្វាររបស់កម្ពុជា តែងតែបើកចំហ។
![](https://www.kampucheathmey.com/wp-content/uploads/2024/11/608-1024x614.jpg)
សម្តេចធិបតី សង្កត់ធ្ងន់ថា វត្តមានរបស់ធុរកិច្ច និងវិនិយោគិន នឹងក្លាយជាផ្នែកមួយនៃដំណើរការក្នុងការផ្លាស់ប្តូររបស់ កម្ពុជានៅក្នុងផ្នែកបច្ចេកវិទ្យា ថាមពលបៃតង នវានុវត្តន៍ឌីជីថល ឬការបណ្តាក់ទុនផ្សេងទៀត គឺកម្ពុជាត្រៀមខ្លួនរួចជាស្រេច ដើម្បីធ្វើជាដៃគូក្នុងភាពជោគជ័យរបស់អ្នក។
សម្ដេចប្រមុខរាជរដ្ឋាភិបាល បានប្រាប់ទៅកាន់អង្គប្រជុំពីការប្រកាន់ជំហររបស់រាជរដ្ឋាភិបាលកម្ពុជា ដែលចាត់ទុកធុរកិច្ច និងវិនិយោគិន ថា ជាតួអង្គដ៏សំខាន់ក្នុងការជំរុញកំណើនសេដ្ឋកិច្ច ខណៈតួនាទីរបស់រដ្ឋាភិបាល គឺអ្នកបង្កើតបរិយាកាសអំណោយផល ដែលធុរកិច្ចអាចរីកចម្រើន ភាពជឿនលឿន ហើយកំណើនសេដ្ឋកិច្ចទទួលបានការថែទាំ។ ភ្ជាប់ជាមួយគ្នានេះ សម្ដេចបានលើកឡើងពីតម្លៃនៃសុខសន្តិភាព និងស្ថេរភាពនយោបាយនៅកម្ពុជា មិនមែនគ្រាន់តែជាភាពទាក់ទាញ សម្រាប់អ្នកវិនិយោគនោះទេ ប៉ុន្តែជាកត្តាដែលចាំបាច់ខានពុំបាន។
![](https://www.kampucheathmey.com/wp-content/uploads/2024/11/image-1324-1024x573.png)
បន្ថែមពីនេះ សម្ដេចធិបតី បានឱ្យដឹងថា ជាគោលនយោបាយរបស់រដ្ឋាភិបាល ក៏បានបង្កើតយន្តការកម្រិតខ្ពស់ចំនួនពីរ ដែលជាយន្តការផ្ទាល់របស់សម្តេចក្នុងការគាំទ្រដល់អាជីវកម្ម គឺទី១ គណៈកម្មាធិការផ្តល់យោបល់លើគោលនយោបាយពាណិជ្ជកម្ម ដែលធ្វើការជាអ្នកគិតគូរផ្នែកយុទ្ធសាស្ត្ររបស់រាជរដ្ឋាភិបាល តាមដាននិន្នាការសកល និងធានាឱ្យគោលនយោបាយនៅតែមានភាពប្រកួតប្រជែង។ មួយទៀត គឺគណៈកម្មាធិការជំរុញការដោះស្រាយវិវាទវិស័យឯកជន ដែលធ្វើការដោះស្រាយបញ្ហាយ៉ាងឆាប់រហ័ស និងមានប្រសិទ្ធភាព៕
![](https://kampucheathmey.com/wp-content/uploads/2020/12/1-01-2-01-1.png)
-
សន្តិសុខសង្គម២ ថ្ងៃ ago
«ចែមុំបុកល្ហុង» សង្ស័យបង្កប់សេវាកម្មផ្លូវភេទ នគរបាលចុះបង្ក្រាបឃាត់ខ្លួនមនុស្ស១១នាក់
-
សន្តិសុខសង្គម៥ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
ព័ត៌មានអន្ដរជាតិ៤ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
សន្តិសុខសង្គម១ សប្តាហ៍ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ជីវិតកម្សាន្ដ៥ ថ្ងៃ ago
ផ្ទុះការចាប់អារម្មណ៍នឹងយុវតីម្នាក់ សំឡេងពីរោះ ច្រៀងស្រដៀងនឹងរាជិនីសំឡេងសារិកាមាស ប៉ែន រ៉ន
-
ជីវិតកម្សាន្ដ២ ថ្ងៃ ago
G-Devith ដាក់បណ្តឹងទៅ UNICEF នៅកម្ពុជា ដើម្បីលុបជាអចិន្ត្រៃយ៍គ្រប់គណនីហ្វេសប៊ុក ដែលប៉ះពាល់សិទ្ធិកុមារ តាមគ្រប់រូបភាព
-
ព័ត៌មានជាតិ២ ថ្ងៃ ago
ករណីលូ១តម្លៃ៤០ដុល្លា៖ អាជ្ញាធរ ថាមិនបានយកលុយពីពលរដ្ឋឡើយ គឺពលរដ្ឋជួលភាគីឯកជនឱ្យដាក់ខ្លួនឯង
-
ចរាចរណ៍២ ថ្ងៃ ago
ផ្លូវ៦០ម៉ែត្រទៀត! រថយន្ដពាក់ស្លាកលេខរដ្ឋ បុករះរថយន្ដ២គ្រឿងកំពុងឈប់ចាំភ្លើងស្តុបរងការខូចខាត