ព័ត៌មានជាតិ

អាជ្ញាធរសង្កាត់ចោមចៅទី ២ ដាក់គ្រឿងចក្រកាយរៀបចំប្រព័ន្ធលូរំដោះទឹក

បានផុស

៤ ខែ មុន

នៅ

ថ្ងៃពុធ ២៧ វិច្ឆិកា ២០២៤

ដោយ

ផ្លូវបេតុងមួយខ្សែដែលតែងតែរងផលប៉ះពាល់ដោយជំនន់ទឹកភ្លៀងជន់លិច ពិបាកដល់ប្រជាពលរដ្ឋធ្វើដំណើរ និងប្រកបរបរចិញ្ចឹមជីវិត ពេលនេះអាជ្ញាធរសង្កាត់ចោមចៅទី ២ ខណ្ឌពោធិ៍សែនជ័យ បានដាក់គ្រឿងចក្រកាយដាក់រៀបចំប្រព័ន្ធលូ ដើម្បីសម្រួលការជន់លិច។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរបានឱ្យដឹងថា ការកាយដាក់ប្រព័ន្ធលូខាងលើនេះស្ថិតក្នុងភូមិត្រាំដូនតី សង្កាត់ចោមចៅទី ២ ខណ្ឌពោធិ៍សែនជ័យ។ កន្លងមកផ្លូវខាងលើនេះ ដោយសារតែនារដូវវស្សាតែងតែជន់លិចនូវជំនន់ទឹកភ្លៀងពិបាកដល់ប្រជាពលរដ្ឋប្រកបរបរ និងធ្វើដំណើរ ទើបនៅព្រឹកថ្ងៃទី ២៧ ខែវិច្ឆិកា ឆ្នាំ ២០២៤ នេះ លោក វ៉ា សារ៉ង ចៅសង្កាត់ចោមចៅទី ២ បានដាក់គ្រឿងចក្រមកឈូសកាយដើម្បីរៀបចំដាក់លូសម្រួលចរន្តទឹកហូរ បញ្ចៀសការជន់លិចដោយជំនន់ទឹកភ្លៀង។

អាជ្ញាធរបានឱ្យដឹងថា ផ្លូវដែលកំពុងកាយដាក់ប្រព័ន្ធលូខាងលើមានប្រវែង ៣៤៣ ម៉ែត្រ ប្រើប្រាស់កញ្ចប់ថវិកាគម្រោងមូលនិធិអភិវឌ្ឍន៍សង្កាត់។

អាជ្ញាធរសំណូមពរដល់ប្រជាពលរដ្ឋទាំងអស់ មេត្តាវេចខ្ចប់ទុកដាក់សំរាមក្នុងធុងសំរាមឱ្យបានត្រឹមត្រូវ ដើម្បីរង់ចាំក្រុមហ៊ុនស៊ីនទ្រីមកទទួល ជៀសវាងបោះចោលគ្មានសណ្ដាប់ធ្នាប់ធ្លាក់ចូលប្រព័ន្ធលូបង្កការស្ទះចរន្តទឹក៕

អត្ថបទ ៖ សុខា