ព័ត៌មានជាតិ
ករណីឆេះផ្សារបឹងឈូក ខេត្តបាត់ដំបង៖ រដ្ឋសាងសង់ផ្សារថ្មី និងផ្ដល់សិទ្ធិអាស្រ័យផលដល់អាជីវករអស់មួយជីវិត
សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា សម្រេចសាងសង់ហេដ្ឋារចនាសម្ព័ន្ធក្នុងផ្សារបឹងឈូក ក្នុងខេត្តបាត់ដំបង ដែលត្រូវបានអគ្គិភ័យលេបត្របាក់កាលពីដើមខែវិច្ឆិកា ឡើងវិញ និងបានសម្រេចផ្ដល់សិទ្ធិអាស្រ័យផលអស់មួយជីវិតដល់អាជីវករដែលជួលតូបហើយត្រូវអគ្គិភ័យបំផ្លាញទាំងឥវ៉ាន់លក់ដូរ។ សម្ដេចធិបតី ហ៊ុន ម៉ាណែត សម្រេចផ្ដល់ដូច្នេះ ឆ្លើយតបទៅនឹងការស្នើសុំរបស់អាជីវករដែលបាត់បង់តូប និងឥវ៉ាន់លក់ដូរ នៅក្នុងជាន់ទីពីរនៃផ្សារបឹងឈូក។

គួរឱ្យដឹងថា ផ្សារបឹងឈូក មានទីតាំងក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ខេត្តបាត់ដំបង សាងសង់ឡើងអំពីថ្មកម្ពស់២ជាន់ ជាផ្សារដែលវិនិយោគឡើងដោយក្រុមហ៊ុនឯកជន។ នៅវេលាម៉ោងជាង១០ យប់ថ្ងៃទី០៣ ខែវិច្ឆិកា អគ្គិភ័យបានចាប់ផ្ដើមឆាបឆេះជាន់ទីពីរនៃផ្សារ និងបន្តឆាបឆេះឈានដល់ថ្ងៃទី០៤ ខែវិច្ឆិកា ឆ្នាំ២០២៤ បណ្ដាលឱ្យតូបលក់ដូរនៅជាន់ទីពីរចំនួន១៤៨តូបខូចខាត។
នៅក្នុងពិធីសម្ពោធសមិទ្ធផលនានាក្នុងតំបន់បឹងជង្រុកតេជោ ឈ្នះ ឈ្នះ ក្នុងស្រុកម៉ាឡៃ ខេត្តបន្ទាយមានជ័យ សម្ដេចធិបតី ហ៊ុន ម៉ាណែត ថ្លែងថា ក្រោយការឆាបឆេះ អាជ្ញាធរ និងភាគីពាក់ព័ន្ធ បានព្យាយាមសម្របសម្រួលជាមួយម្ចាស់ផ្សារ ដើម្បីអាចឱ្យអាជីវករបានលក់ដូរឡើងវិញ ប៉ុន្តែម្ចាស់ផ្សារអះអាងថា ខ្លួនគ្មានលទ្ធភាពគ្រប់គ្រាន់ ក្នុងការសាងសង់ឡើយ ហេតុដូច្នេះសម្ដេច បានសម្រេចយកផ្សារបឹងឈូកពីភាគីឯកជន មកសាងសង់ឡើងវិញសម្រាប់ឱ្យអាជីវករលក់ដូរទាំង១៤៨តូបដែលរងគ្រោះ អាចលក់ដូរបានដូចដើម។

នៅព្រឹកថ្ងៃសុក្រ នេះ សម្ដេចប្រមុខរាជរដ្ឋាភិបាល សង្កត់ធ្ងន់ដូច្នេះ៖«ខ្ញុំសម្រេច គឺរដ្ឋយក(ផ្សារបឹងឈូក) មកវិញ យកពីវិស័យឯកជន ដោយសារគាត់អត់មានលទ្ធភាពធ្វើទៀតទេ! ហើយខ្ញុំក៏បានផ្ដល់គោលការណ៍នេះ ព្រោះថាឥឡូវបើគាត់គ្មានលទ្ធភាព ធ្វើអត់បាន ប្រជាពលរដ្ឋនៅកណ្ដាលទីអត់បានទេ ចឹងបានឱ្យចរចាជាមួយផ្សារ។ ប៉ុន្មានថ្ងៃនេះ ទាំងឯកឧត្ដម កើត រិទ្ធ ឯកឧត្ដម សុខ លូ បានចរចាជាមួយផ្សារ គាត់(ម្ចាស់ផ្សារ)បានឯកភាពថាឥឡូវគាត់ទៅមិនរួច ឥឡូវរដ្ឋយកមកវិញ ហើយរដ្ឋវិនិយោគ ខ្ញុំសម្រេចថារដ្ឋនឹងធ្វើជូនទៅឱ្យវិញ ដើម្បីបានលក់ដូរ»។
នៅចំពោះមុខសម្ដេចធិបតី ដោយហេតុថាអគ្គិភ័យឆាបឆេះតូបនឹងឥវ៉ាន់លក់ដូរទាំងស្រុង តំណាងអាជីវករ បានស្នើសុំទុនមួយចំនួនដើម្បីបន្តលក់ដូរទៅថ្ងៃក្រោយ។

ឆ្លើយតបនឹងការស្នើសុំនេះ ជំនួសឱ្យការផ្ដល់ទុកសម្រាប់លក់ដូរ សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានសម្រេចផ្ដល់សិទ្ធិអាស្រ័យផលលក់ដូរអស់មួយជីវិតវិញ។
សម្ដេចប្រមុខរាជរដ្ឋាភិបាល ថ្លែងដូច្នេះ៖«សម្រាប់អ្នកដែលជួបតូបពីក្រុមហ៊ុនម្ចាស់ដើម មិនមែនអ្នកជួលបន្តទេ! គឺទាំងជាន់ទី១ ជាន់ផ្ទាល់ដី និងផ្សារត្រីនៅខាងក្រោយ គឺរាជរដ្ឋាភិបាលនឹងផ្ដល់សិទ្ធិអាស្រ័យផលអស់មួយជីវិត កាន់កាប់អាស្រ័យផលលើតូប និងរាន អស់មួយជីវិតតែម្ដង! មិនបាច់បង់ថ្លៃ១ខែប៉ុន្មានរៀលដុល្លារទៀតទេ គឺផ្ដល់ឱ្យតែម្ដង! សិទ្ធិនៅក្នុងការកាន់កាប់ប្រើប្រាស់។ ផ្សារនេះរបស់រដ្ឋ ដូចផ្សាររបស់រដ្ឋផ្សេងទៀត គឺឱ្យអាជីវករលក់ដូរហើយមានសិទ្ធិតកូនតចៅមួយជីវិត! »។
ជាមួយគ្នានេះ សម្ដេចធិបតី ស្នើឱ្យការសង់ត្រូវរក្សាទម្រង់ដើម ទាំងទំហំ និងចំនួនតូប ដែលរងការខូចខាតព្រោះអគ្គិភ័យ៕


-
សន្តិសុខសង្គម២ ថ្ងៃ ago
អ្នកកាសែតម្នាក់ត្រូវឃាត់ខ្លួនក្រោយដោះមីនតោនដឹកយកទៅឱ្យប៉ូលិស
-
សន្តិសុខសង្គម៤ ថ្ងៃ ago
Breaking News៖ អគ្គិភ័យកំពុងឆេះក្លឹបមួយកន្លែងនៅជិតវត្តឬស្សីសាញ់(មានវីដេអូ)
-
ព័ត៌មានជាតិ៤ ថ្ងៃ ago
ព័ត៌មានបន្ថែម៖ មានមនុស្ស៣នាក់រងរបួសក្នុងហេតុការណ៍ឆេះក្លឹប
-
ព័ត៌មានអន្ដរជាតិ១ សប្តាហ៍ ago
ការស្លាប់របស់ពិធីការនី កូរ៉េ ដោយសារតែទ្រាំទ្រសម្ពាធ និងការធ្វើបាបពីមិត្តរួមការងារលែងបាន
-
ព័ត៌មានអន្ដរជាតិ១ ថ្ងៃ ago
ធ្លាក់យន្តហោះនៅ អាឡាស្កា អ្នកជិះក្នុងនោះ ស្លាប់ទាំងអស់
-
ជីវិតកម្សាន្ដ២ ថ្ងៃ ago
អតីតស្វាមី រងការចោទ កេងប្រវ័ញ្ចការស្លាប់ Barbie ខណៈមិត្តស្រីទម្លាយថា លោកនិងម្ដាយគឺជាជនបង្ក
-
ជីវិតកម្សាន្ដ១ សប្តាហ៍ ago
បានឱកាសចូលសម្តែងជាថ្មី តាចេក ស៊ូកើយអង្រឹងនៅចេតីយ៍រង់ចាំថតរឿងខ្មោច
-
បច្ចេកវិទ្យា១ សប្តាហ៍ ago
ធ្វើម៉េច ទើបធ្វើឱ្យទូរស័ព្ទដៃ នៅតែកាន់ថ្មបានល្អ ទោះប្រើយូរក៏ដោយ?