ព័ត៌មានជាតិ
ស្ពានដីឥដ្ឋ-ថ្មគរ ឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
ពិធីសូត្រមន្តសុំម្ចាស់ទឹកម្ចាស់ដី ម្ចាស់ព្រៃព្រឹក្សា បានរៀបចំឡើងដើម្បីផ្តើមដំណើរការការងារវិស្វកម្មការដ្ឋានសាងសង់ស្ពានដីឥដ្ឋ-ថ្មគរ ស្ថិតក្នុងឃុំដីឥដ្ឋ ស្រុកកៀនស្វាយ និងឃុំថ្មគរ ស្រុកល្វាឯម ខេត្តកណ្តាល។
ការរៀបចំពិធីសូត្រមន្តសុំម្ចាស់ទឹកម្ចាស់ដី ម្ចាស់ព្រៃព្រឹក្សាទៅតាមប្រពៃណី ទំនៀមទំលាប់ បានធ្វើឡើងកាលពីថ្ងៃទី ២៩ ខែវិច្ឆិកា ឆ្នាំ២០២៤ ដោយមានការចូលរួមពីលោក សូរ វ៉ិចទ័រ រដ្ឋលេខាធិការក្រសួងសាធារណការនិងដឹកជញ្ជូន និងជាប្រធានគ្រប់គ្រងគម្រោង រួមទាំងមន្ត្រីពាក់ព័ន្ធ អាជ្ញាធរមូលដ្ឋាន និងក្រុមហ៊ុនសាជីវកម្មស្ពាន និងថ្នល់ចិន (CRBC)តំណាងក្រុមហ៊ុនទីប្រឹក្សាបច្ចេកទេសក្វាងចូវ វ៉ានអាន។
ស្ពានឆ្លងកាត់ទន្លេមេគង្គ (ដីឥដ្ឋ-ថ្មគរ) ដែលចាប់ផ្តើមសាងសង់នេះ មានទីតាំងស្ថិតនៅភាគអាគ្នេយ៍នៃរាជធានីភ្នំពេញ តភ្ជាប់ត្រើយខាងលិចនៃមហាវិថី ស៊ី ជីនពីង និងត្រើយខាងកើតជាមួយផ្លូវល្បឿនលឿនភ្នំពេញ-បាវិត។ ស្ពានឆ្លងកាត់ទន្លេមេគង្គ (ដីឥដ្ឋ-ថ្មគរ) ជាប្រភេទស្ពានបេតុង ដោយតួស្ពាន និងផ្លូវតភ្ជាប់ក្បាលស្ពានមានប្រវែងសរុប ៣ ៧០០ម៉ែត្រ តួស្ពានមានប្រវែងសរុប ១ ៦០០ម៉ែត្រ និងទទឹង២៦ម៉ែត្រ។
ថ្លែងនៅចំពោះមុខពលរដ្ឋនិងក្រុមហ៊ុននៅក្នុងថ្ងៃបើកការដ្ឋានសាងសង់ស្ពានឆ្លងកាត់ទន្លេមេគង្គ (ដីឥដ្ឋ-ថ្មគរ) និងផ្លូវល្បឿនលឿនភ្នំពេញបាវិតកាលពីថ្ងៃទី៧ ខែមិថុនា ឆ្នាំ២០២៣ ក្រោមអធិបតីភាពសម្តេចតេជោ ហ៊ុន សែន អតីតនាយករដ្ឋមន្ត្រី នៃព្រះរាជាណាចក្រកម្ពុជា សម្ដេចតេជោ ហ៊ុន សែន បានណែនាំឲ្យក្រុមហ៊ុនសាងសង់ធ្វើយ៉ាងណាត្រូវជំរុញសាងសង់ស្ពាននិងផ្លូវឱ្យរួចរាល់ដំណាលគ្នា ហើយប្រសិនបើការដ្ឋានស្ពានសាងសង់រួចមុនគឺកាន់តែល្អ ព្រោះប្រជាជននឹងឆាប់បានធ្វើដំណើរឆ្លងកាត់ដោយមិនចាំបាច់ឆ្លងទូកដរដូចមុនទៀត។
ប្រមុខដឹកនាំកម្ពុជាបានបន្តថា ដំបូងឡើងដំណើរការសាងសង់ស្ពានឆ្លងទន្លេមេគង្គក្រោម (កៀនស្វាយ-ល្វាឯម) ភ្ជាប់ទៅផ្លូវល្បឿនលឿនភ្នំពេញ-បាវិត តម្រូវឱ្យពលរដ្ឋឆ្លងត្រូវបង់ថ្លៃធ្វើដំណើរទាំងនៅលើស្ពានទាំងលើផ្លូវ ប៉ុន្តែដោយសារគិតគូរដល់ជីវភាពប្រជាពលរដ្ឋ រាជរដ្ឋាភិបាលក៏បានបញ្ចេញថវិកាជាតិប្រមាណ ២៣០ លានដុល្លារ ចេញថ្លៃសាងសង់ស្ពាន ដើម្បីឱ្យប្រជាពលរដ្ឋអាចធ្វើដំណើរដោយមិនចាំបាច់បង់ថ្លៃឆ្លងស្ពាននោះឡើយ។
សម្តេចបញ្ជាក់ថា «បើឲ្យក្រុមហ៊ុនទទួលបន្ទុកចំណាយសាងសង់ទាំងផ្លូវនិងស្ពាន គឺពលរដ្ឋត្រូវបង់ថ្លៃធ្វើដំណើរទាំងប្រើប្រាស់ផ្លូវនិងស្ពាន។ អីចឹងរដ្ឋាភិបាលសុខចិត្តបញ្ចេញប្រាក់វិនិយោគសាងសង់ស្ពានដោយខ្លួនឯង បញ្ចៀសការយកលុយពីពលរដ្ឋក្នុងការធ្វើដំណើរឆ្លងកាត់ស្ពាន»៕
យ៉ាងហោច៣នាក់ស្លាប់ និងជាង៩០០០០នាក់ត្រូវជម្លៀសចេញក្នុងទឺកជំនន់នៅម៉ាឡេស៊ី
១៥ ខែ ក្នុងអាណត្តិទី៧ រដ្ឋបាលឃុំដារ រំលេចវឌ្ឍនភាពការអភិវឌ្ឍហេដ្ឋារចនាសម្ពន្ធ័ក្នុងមូលដ្ឋាន
DBD នឹងបោះផ្សាយមូលបត្របំណុលនៅខែកុម្ភៈឆ្នាំ២០២៥ដើម្បីប្រមូលទុន៥លានដុល្លារ
លូ និងប្រព័ន្ធរំដោះទឹក បញ្ជៀសជន់លិចភូមិសាស្រ្តរាជធានីភ្នំពេញ សាងសង់សម្រេចបានប្រមាណ ៣០%
លោក ហ៊ឹម យ៉ាន ប្រាប់ឱ្យអាជ្ញាធរពាក់ព័ន្ធចុះអប់រំផ្សព្វផ្សាយច្បាប់ស្តីពីចរាចរណ៍ផ្លូវគោកដល់មូលដ្ឋាន ដើម្បីទប់ស្កាត់គ្រោះថ្នាក់
ស្ពានដីឥដ្ឋ-ថ្មគរ ឆ្លងទន្លេភ្ជាប់ទៅផ្លូវល្បឿនលឿនភ្នំពេញបាវិត ចាប់ផ្តើមចុះគ្រឿងចក្របើកការដ្ឋានសាងសង់
អ្នកនិពន្ធ សួន ពិសិដ្ឋ លើកជាចម្ងល់ពាក់ព័ន្ធរឿងដាក់ងារឧកញ៉ាលើស្នាដៃ សម្រាប់សិល្បករសិល្បការិនី
Update៖ ករណីអគ្គិភ័យឆេះផ្ទះនៅសង្កាត់ក្រាំងធ្នង់ រាលដាលអស់ផ្ទះ២ខ្នង
ពេជ្រ សូលីកា ថា ក្រោយភាពរឹងមាំ ក៏កាន់តែក ណ្តោចកណ្តែង និងទឹកភ្នែករាប់មិនអស់
ករណីឆេះផ្សារបឹងឈូក ខេត្តបាត់ដំបង៖ រដ្ឋសាងសង់ផ្សារថ្មី និងផ្ដល់សិទ្ធិអាស្រ័យផលដល់អាជីវករអស់មួយជីវិត
-
ព័ត៌មានអន្ដរជាតិ៧ ថ្ងៃ agoពិតទេ ដែលថា កងទ័ពដីឥដ្ឋនៅផ្នូរអធិរាជ ឈិនស៊ី បង្កើតឡើងពីសាកសពមនុស្ស
-
សន្តិសុខសង្គម១ សប្តាហ៍ agoទូកទេសចរណ៍មួយគ្រឿងលិចបាត់ទាំងស្រុងក្នុងសមុទ្រកោះរ៉ុង
-
សន្តិសុខសង្គម២ ថ្ងៃ agoផ្អើលទូងស្គរកណ្ដាលយប់នៅវត្តពោធិ៍ញ្ញាណ ខណៈមានសង្ឃ ២ អង្គ ឆាន់ស្រាក្នុងកុដិ
-
ជីវិតកម្សាន្ដ៥ ថ្ងៃ agoL-D-A ចេញបទចម្រៀង « អូសវ៉ាលី » មិនបានប៉ុន្មានផងមានអ្នកល្បីៗយកទៅ Reaction ទូទាំងប្រទេស !
-
ចរាចរណ៍៣ ថ្ងៃ agoរថយន្តស៊េរីទំនើប PORSCHE បើកវ៉ាជ្រុលបុក LEXUS RX330 រងការខូចខាតយ៉ាងដំណំ
-
ព័ត៌មានអន្ដរជាតិ៧ ថ្ងៃ agoបុរស ចិន វ័យ៤១ឆ្នាំ ស្លាប់ដោយសារជំងឺខ្សោយតម្រងនោម ក្រោយហូបបន្លែ៤មុខ
-
សេដ្ឋកិច្ច៥ ថ្ងៃ agoតម្លៃពោតក្រហម និងដំឡូងមីធ្លាក់ចុះ នៅចំពេលរដូវប្រមូលផល
-
បច្ចេកវិទ្យា៤ ថ្ងៃ agoស្មាតហ្វូនដែលបំពាក់កាមេរ៉ាល្អដាច់គេ OPPO Find X8 Series ដាក់សម្ពោធហើយនៅប្រទេសកម្ពុជា