ព័ត៌មានជាតិ

បាក់ស្រុតប្រព័ន្ធលូបង្ហូរទឹកចាស់ទ្រុឌទ្រោម ១ កន្លែង នៅផ្លូវ ១៧៣ ខណ្ឌបឹងកេងកង

បានផុស

៣ ខែ មុន

នៅ

ថ្ងៃសៅរ៍ ៣០ វិច្ឆិកា ២០២៤

ដោយ

ប្រព័ន្ធលូបង្ហូរទឹក ១ កន្លែង ដែលមានសភាពចាស់ទ្រុឌទ្រោម ដោយផ្នែកមួយចំនួនត្រូវបានបាក់នេះមានទំហំធំហើយជ្រៅ ខណៈមធ្យោបាយធ្វើដំណើរបើកឆ្លងកាត់រៀងរាល់ថ្ងៃ ធ្វើឲ្យបាក់ស្រុត កើតជាជង្ហុក នៅតាមបណ្ដោយផ្លូវលេខ ១៧៣ កែង ម៉ៅសេទុង សង្កាត់ទួលស្វាយព្រៃទី ១ ខណ្ឌបឹងកេងកង រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការបញ្ជាក់ពីប្រជាពលរដ្ឋរស់នៅក្បែរនោះបានប្រាប់ឲ្យដឹងថា កន្លងមកកន្លែងលូបង្ហូរទឹកមួយនេះមានកន្លែងមួយចំនួនចាប់ផ្ដើមខូចបន្តិចម្ដងៗ ស្របពេលដែលមានមធ្យោបាយធ្វើដំណើរឆ្លងកាត់រាល់ថ្ងៃធ្វើឲ្យបាក់ស្រុតតែម្ដង សំណាងគ្មានអ្នកដំណើរឆ្លងកាត់ជួបគ្រោះថ្នាក់ជាយថាហេតុ។

បន្ទាប់ពីឃើញមានការបាក់ស្រុកដូច្នេះ ប្រជាពលរដ្ឋបាននាំគ្នាយក ធុងសំរាម អំបោស មកដាក់ជាសញ្ញាសម្គាល់បណ្ដោះអាសន្ន ដើម្បីបញ្ចៀសគ្រោះថ្នាក់ដល់អ្នកធ្វើដំណើរតាមផ្លូវ និងបានរាយការណ៍ទៅអាជ្ញាធរមូលដ្ឋានឲ្យចុះពិនិត្យផងដែរ។

ពាក់ព័ន្ធបញ្ហានេះ លោក ហេង ពិសិដ្ឋ អភិបាលរងខណ្ឌបឹងកេងកង បញ្ជាក់ឲ្យ កម្ពុជាថ្មី ដឹងថា លោកទទួលបានព័ត៌មាននេះភ្លាម ក៏ចាត់ចែងឲ្យអាជ្ញាធរសង្កាត់យកប៉ារាស់មកដាក់បន្ថែម និងរាយការណ៍ទៅកាន់មន្ទីរសាធារណការរួចហើយ ដើម្បីធ្វើការជួសជុលជាបន្ទាន់៕

អត្ថបទ ៖ ម៉េង