ព័ត៌មានជាតិ
ស្ថាបនិក ផ្តៅ ម៉ាឃីត ជឿជាក់អនាគតបរទេសនឹងទទួលស្គាល់គុណភាពផលិតផល ជាយីហោរបស់ខ្មែរ
អ្នកស្រី សី ម៉ូលីកា ជាស្ថាបនិក ផ្តៅ ម៉ាឃីត (PDAO MARKET) បានអះអាងថា បច្ចុប្បន្នថ្វីត្បិតតែផលិតផលដែលកែច្នៃឡើងដោយស្នាដៃកូនខ្មែរ នៅមិនទាន់មានការទទួលស្គាល់ទូលំទូលាយ ប៉ុន្តែអ្នកស្រីជឿជាក់ថា នាពេលអនាគតផលិតផលខ្មែរ ផលិតឡើងដោយដៃកូនខ្មែរ នឹងទទួលបានការទទួលស្គាល់ច្រើនដូចផលិតផលបរទេសដែរ។
ម្ចាស់សហគ្រាស ផ្តៅ ម៉ាឃីត អ្នកស្រី សី ម៉ូលីកា បានលើកឡើងថា PDAO MARKET ជាសហគ្រាសមួយដែលផលិត និងរចនាទៅលើផលិតផលកែច្នៃចេញពីកំប្លោក ល្ពាក់ និងឫស្សី ក្នុងនោះ ការរចនាផ្តោតលើការបន្ថែមភាពទាក់ទាញពិសេស និងអារម្មណ៍សិល្បៈដល់ការវេចខ្ចប់ ផលិតផលក្នុងស្រុកឱ្យកាន់តែមានតម្លៃ និងមានតម្រូវខ្លាំងបំផុតលើខ្សែចង្វាក់ផលិតកម្ម។ ក្នុងនោះ សិប្បកម្មបានជ្រើសរើសយកឫស្សី ដោយកែច្នៃឱ្យចេញទៅជាប្រអប់ សំដៅដល់ការការវេច ខ្ចប់ផលិតផលខ្មែរនៅក្នុងកញ្ចប់ផលិតផលរបស់ខ្មែរ ដោយផ្តោតតាមបែបប្រពៃណីដ៏មានតម្លៃ រួមបញ្ចូលនូវភាពទាក់ទាញនៃសោភ័ណភាព សិល្បៈហត្ថកម្ម និងមុខងារថ្មី ដើម្បីបង្កើតបទពិសោធន៍ដ៏ប្រណិត និងមិនអាចបំភ្លេចបានសម្រាប់អ្នកប្រើប្រាស់។
កន្លងមកផលិតផលទាំងអស់នេះ គឺមានប្រជាជនកម្ពុជាតិចតួចខ្លាំងបំផុតដែលបានស្គាល់ និងបានប្រើប្រាស់នូវផលិតផលកែច្នៃដោយដៃប្រជាជនខ្មែរ។ បច្ចុប្បន្ន បើទោះបីផលិតផលដែលបានកែច្នៃឡើងដោយដៃកូនខ្មែរនៅមិនទាន់មានការទទួលស្គាល់បានទូលំទូលាយដូចផលិតដទៃក៏ដោយ ប៉ុន្តែនៅថ្ងៃអនាគត អ្នកស្រីជឿថាផលិតផលរបស់កូនខ្មែរនឹងអាចឈានដល់ការទទួលស្គាល់ច្រើនជាក់ជាមិនខាន។
បើតាមអ្នកស្រី សី ម៉ូលីកា នៅរយៈពេលប៉ុន្មានឆ្នាំចុងក្រោយនេះ ការគាំទ្រ ហាក់បីដូចជាមានសន្ទុះនៃការគាំទ្រច្រើនទៅផលិតផលដែលបានកែច្នៃចេញដោយដៃកូនខ្មែរ។ ជាក់ស្តែងបច្ចុប្បន្ន ផលិតផលដែលបានកែច្នៃចេញពី PDAO MARKET មានអ្នកទទួលស្គាល់ច្រើនតាមរយៈគុណភាព តម្លៃសមរម្យ និងការផលិតផលមានស្រេចនៅក្នុងដៃ បើទោះបីជាមានការបញ្ជាទិញច្រើនបែបណាក៏នៅតែអាចផលិតដើម្បីឆ្លើយតបទាន់តាមតម្រូវការទីផ្សារក្នុងស្រុក។
ម្ចាស់ស្ថាបនិករូបនេះ ក៏បានបញ្ជាក់ផងដែរថា «បច្ចុប្បន្ននេះ ផលិតផលដែលកែច្នៃចេញពី PDAO MARKET មានលក់នៅលើទីផ្សារក្នុងស្រុកច្រើន ប៉ុន្តែនៅមិនទាន់មានតម្រូវការសម្រាប់ទីផ្សារខាងក្រៅនៅឡើយទេ»។
«ទីផ្សារក្នុងស្រុកមានការបញ្ជាទិញច្រើន ដូចជានៅរដូវកាលបុណ្យទាន តាមស្ថាប័ន សហគ្រាស ក្រុមហ៊ុន មានការបញ្ជាទិញច្រើន ដោយភាគច្រើនសម្រាប់ជាការដូរលើកទឹកចិត្តដល់បុគ្គលិក ឬដៃគូរសហការនានា»។ អ្នកស្រី ម៉ូលីកា បន្ថែមបែបនេះ។
ជាមួយគ្នានេះ សម្រាប់ការបញ្ជាទិញក្នុងស្រុក អ្នកស្រី ម៉ូលីកា បានបន្តថា បើទោះបីជាមានការបញ្ជាទិញច្រើននៅក្នុងថ្ងៃតែមួយក៏ដោយ ក៏ខាងសហគ្រាសរបស់អ្នកស្រីអាចធ្វើការផលិតបានទាន់ពេលវេលាសម្រាប់ភ្ញៀវ។
អ្នកស្រី បានអះអាងថា «PDAO MARKET ក៏មានការសហការផ្ទាល់ជាមួយក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ នៅក្នុងការប្រកាស ក៏ដូចជាស្នើសុំការការពារម៉ូត និងមានបិទស្លាកសញ្ញាត្រឹមត្រូវ។ មានន័យថា Collection របស់ PDAO MARKET មានការពារ និងធានាបានច្បាស់លាស់ មានឈ្មោះសម្គាល់ដែលអាចឱ្យអ្នកប្រើប្រាស់ជឿទុកចិត្តបាន គ្រប់របស់ដែលបានដាក់លក់ក្នុងទីផ្សារ»។
ក្នុងនាមជាម្ចាស់ស្ថាបនិកខ្មែរមួយរូប អ្នកស្រីក៏អរគុណដល់អ្នកប្រើប្រាស់ផ្ទាល់ ដែលបានជឿទុកចិត្តលើផលិតផលរបស់ខ្មែរ មានផ្លាកយីហោត្រឹមត្រូវ ជា Brand name របស់កូនខ្មែរផ្ទាល់៕
អ្នកនាំពាក្យ៖ឆ្នាំ២០២៤ករណីគ្រោះថ្នាក់ ស្លាប់ និងរបួសព្រោះគ្រោះថ្នាក់ចរាចរណ៍បានថយចុះ បើធៀបនឹងឆ្នាំ២០២៣
រដ្ឋមន្រ្តីបរិស្ថានជឿជាក់ថា ៥ ឆ្នាំទៀត កម្ពុជានឹងស្អាតគ្មានសំរាមប្លាស្ទិក
សមាគម TAFTAC៖ ប្រាក់ឈ្នួលថ្មី បូកបន្ថែមទាំងអត្ថប្រយោជន៍ផ្សេងៗ គឺសមល្មមសម្រាប់ទ្រទ្រង់ជីវភាពកម្មករនិយោជិត
មូលហេតុ នៃភ្លើងឆេះព្រៃ ដ៏មហន្តរាយនៅ LA
នគរបាលរាជធានីភ្នំពេញនឹងចុះពិនិត្យរកដាវ កាំបិត នៅតាមសាលារៀន
ជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
សមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
ម្ដាយតារារ៉េប RuthKo មិនទទួលយកការសុំទោសដាច់ខាត ចំពោះទង្វើហាងផ្កាមួយកន្លែង ដែលផុសប្រមាថជីវិតកូន
ភ្លើងឆេះព្រៃរាលដាលដល់ចម្ការស្វាយ ៣៥ហិកតា ខូចខាតដើមស្វាយ ១៥ ០០០ ដើម
មហាអំណាចអឺរ៉ុប២ប្រទេស ចេញមុខព្រមានលោក ត្រាំ ក្រោយគំរាមប្រើកម្លាំងយោធា ដណ្តើមយក Greenland
-
ព័ត៌មានជាតិ១ សប្តាហ៍ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍៣ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ២២ ម៉ោង agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ព័ត៌មានជាតិ១ សប្តាហ៍ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
ព័ត៌មានជាតិ១ សប្តាហ៍ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
សេដ្ឋកិច្ច១ សប្តាហ៍ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
សេដ្ឋកិច្ច១ សប្តាហ៍ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
ព័ត៌មានជាតិ៦ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»