ព័ត៌មានជាតិ

អាជ្ញាធរសង្កាត់ភ្លើងឆេះរទេះ ដាក់គ្រឿងចក្រឈូសឆាយរៀបចំស្ថាបនាផ្លូវបេតុងថ្មី

បានផុស

៤ ខែ មុន

នៅ

ថ្ងៃពុធ ៤ ធ្នូ ២០២៤

ដោយ

អាជ្ញាធរសង្កាត់ភ្លើងឆេះរទេះ ប្រើប្រាស់ថវិកាមូលនិធិខណ្ឌអភិវឌ្ឍន៍សង្កាត់ឆ្នាំ ២០១៤ ធ្វើការដាក់គ្រឿងចក្រឈូសឆាយរៀបចំស្ថាបនាផ្លូវបេតុងថ្មី និងដាក់ប្រព័ន្ធលូបង្ហូរទឹក ជូនប្រជាពលរដ្ឋ ក្នុងភូមិភ្លើងឆេះរទេះលិច សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ស៊ិន វុទ្ធី ចៅសង្កាត់ភ្លើងឆេះរទេះ បានប្រាប់ឱ្យ កម្ពុជាថ្មី ដឹងថា ការស្ថាបនាផ្លូវបេតុង ២ ខ្សែនេះ មានការរៀបចំដាក់ប្រព័ន្ធលូ ចំនួន ២ ខ្សែ ដោយខ្សែទី ១ ទទឹង ៥ ម៉ែត្រ បណ្ដោយ ១០២ ម៉ែត្រ និង ខ្សែទី ២ ទទឹង ៥ ម៉ែត្រ បណ្ដោយ ១៣០ ម៉ែត្រ ដែលត្រូវប្រើប្រាស់ថវិកាមូលនិធិខណ្ឌអភិវឌ្ឍន៍មូលដ្ឋានឆ្នាំ ២០២៤។

ដោយឡែកប្រជាពលរដ្ឋលើកឡើងថា នៅចំណុចផ្លូវកំពុងស្ថាបនាថ្មីនេះ មានទឹកជន់លិចនារដូវវស្សា ពិបាកក្នុងការធ្វើដំណើរ។ ពេលខ្លះទៀត នៅពេលកូនៗ របស់ពួកគាត់ធ្វើដំណើរទៅរៀនម្ដងៗ ប្រឡាក់ភក់ និងរអិលដួលប្រឡាក់ខោអាវទៀតផង។

ជាមួយគ្នានេះ ប្រជាពលរដ្ឋទាំងអស់ ក៏បានសម្ដែងក្ដីសប្បាយរីករាយដោយឃើញមានអាជ្ញាធរមូលដ្ឋានបានយកចិត្តទុកដាក់ចំពោះទុក្ខលំបាករបស់ប្រជាពលរដ្ឋបានធ្វើការស្ថាបនាផ្លូវថ្មី និងដាក់ប្រព័ន្ធលូជូនពួកគាត់។

ជាចុងក្រោយអាជ្ញាធរមូលដ្ឋាន បានស្នើឱ្យប្រជាពលរដ្ឋទាំងអស់ ត្រូវចូលរួមសហការជាមួយអាជ្ញាធរក្នុងការថែរក្សាអនាម័យ បរិស្ថាន ដោយត្រូវវេចខ្ចប់សំរាមដាក់ក្នុងធុងឱ្យបានត្រឹមត្រូវ៕

អត្ថបទ ៖ ម៉េង