កសិករនៅ​ស្រុក​ចំនួនពីរ​ក្នុង​ខេត្តត្បូងឃ្មុំ សម្រុកដាំពោតក្រហមលើផ្ទៃដីជាង ១ ម៉ឺនហិកតា

កសិករនៅស្រុក​ក្រូចឆ្មារ​និង​ស្រុក​ត្បូងឃ្មុំ ខេត្តត្បូងឃ្មុំ បាននាំគ្នាសម្រុក​បង្ក​បង្កើនផល ពោតក្រហម និងពោតស លើផ្ទៃដី ១ ម៉ឺន និង ជិត ៣ ពាន់ហិកតា ដែល​អាចទទួលបានទិន្នផលសរុប​នៅឆ្នាំ២០២៤ ប្រមាណ ៧៦ ពាន់តោន។

អ្នក​ស្រី ហូម ផាន់នី អាយុ ៥៤ឆ្នាំ រស់​នៅភូមិ​ព្រែក​ជីក ឃុំ​ទន្លបិទ បាន​រៀបរាប់​ឲ្យដឹងថា លើផ្ទៃដី ១ ហិកតា ពោតក្រហមរបស់អ្នកស្រី​​ឲ្យ​ផល​ពី ៦ ទៅ ៨ តោន ខណៈ​ការ​ប្រើប្រាស់​រយៈពេ​​ល ៣ ខែ ទើប​ចាប់ប្រមូលផល ។ ចំពោះ​តម្លៃ​គឺ​អាច​លក់​បានអាចពី ៨០០ រៀល ទៅ ១ ពាន់រៀល តាម​ផល​មុន​ក្រោយ ដោយ​មាន​ថៅកែ​ចុះ​ប្រមូលទិញ មិនពិបាក​លក់​លើ​ទីផ្សារ​នោះ​ទេ​។

ដី​សណ្តរ​ប្រប​មាត់​ទន្លេ​មេគង្គ​ដែល​ជា​ដី​ល្បាប់​យ៉ាង​ល្អនាំ​មក​ដោយ​ទឹក​​ដំឡើង​នៃ​​រដូវ​វស្សា កត្តា​ភូមិ​សាស្ត្រ និង​អំណោយ​ផល​ពី​ធម្មជាតិ​​ផងនោះ  ប្រជា​​កសិករ​ប្រកប​ការងារ​កសិកម្ម​បាន​យ៉ាងល្អ ពិសេស​ការបង្ករ​បង្កើន​ផល​ដំណាំ​​សាកវប្បកម្ម។

អ្នក​ស្រី​ ​ថា «លក់​តម្លៃ ៨០០ រៀល​មិន​ចំណេញ​ទេ ព្រោះ​កសិករ​ចំណាយច្រើន លើការភ្ជួររាស់ ជី ប្រេង ច្រូត បើ ១ពាន់រៀលទើបចំណេញ ប៉ុន្តែ​ឆ្នាំនេះធម្មជាតិ​មាន​លក្ខណៈ​អំណោយ​ផល​ល្អ កសិករ​មាន​សង្ឃឹម​ច្រើន ព្រោះ​ពោត​ល្អ ហើយ​បើ​ទីផ្សារ​ល្អទៀត នេះ​ជាក្តីសង្ឃឹមរបស់ប្រជាកសិករយើង»។

លោក ដុក សារឿន ប្រធាន​ការិយាល័យ​ក្សេត្រសាស្ត្រ និង​ផលិត​ភាព​កសិកម្ម​ខេត្ត បាន​បញ្ជាក់​ឲ្យ​ដឹង​ថា ការងារ​​បង្កបង្កើន​ផល និង​ប្រមូល​ផល​ដំណាំ​គ្រប់​ប្រភេទ​នៅ​​ខេត្ត​ត្បូងឃ្មុំ គិតត្រឹម​ថ្ងៃទី៤ ខែ​ធ្នូ ឆ្នាំ២០២៤ ការបង្ក​បង្កើនផល​ដំណាំ​សាកវប្បកម្ម និង​ឧស្សាហកម្ម​រដូវប្រាំង លើផ្ទៃដីអនុវត្ត​បាន ២ ៣៥០ ហិកតា ស្មើ​នឹង ២០,២៧% នៃផែនការ ១១ ៥៩៥ ហិកតា។

ជាក់ស្តែង ការ​ប្រមូល ផល​ដំណាំ​សាកវប្បកម្ម និង​ឧស្សាហកម្ម​រដូវវស្សា ​ប្រមូ ហិកតា។ ក្នុង​នោះ​ផ្ទៃដី​ដាំពោត​ក្រហម​មាន ១ ម៉ឺន និង​ជិត ៣ ពាន់ហិកតា ហើយ​ក្នុង​ខេត្ត-ស្រុក​ទាំងពីរ​ខាងលើ​កសិករ​ផលិតការ​ដាំដុះច្រើនជាងគេ​។ ចំពោះពោតក្រហម​សម្រាប់ឆ្នាំ២០២៤ មួយ​គីឡូក្រាមលក់តម្លៃ ៨៥០ រៀល។ ខាង​មន្ត្រី​ជំនាញ​តែងចុះជួយផ្តល់ការងារ​បច្ចេកទេសជូនដល់កសិករ ការថែទាំ ការជ្រើសរើសពូជ ការប្រើជី ប្រើថ្នាំសម្លាប់សត្វល្អិត និងការបញ្ចូលទឹកជាដើម​៕

អត្ថបទ៖ សាន វិឡែម