ធនាគារជាតិ ​រក្សាទុកលក្ខខណ្ឌ​អំណោយផល​ការពារ​អតិថិជន ក្នុងការ​រៀបចំ​ឥណទានហិរញ្ញវត្ថុ​

លោកស្រី ម៉ក់ រស្មី អគ្គនាយករងបទបញ្ញត្តិនិងបរិយាប័ន្នហិរញ្ញវត្ថុនៃធនាគារជាតិនៃកម្ពុជាបានអះអាងថា ការរៀបចំឥណទានឡើងវិញគឺដើម្បីចូលរួមដោះស្រាយបញ្ហាហិរញ្ញវត្ថុបណ្ដោះអាសន្នរបស់អតិថិជន។

ជាមួយគ្នានេះ ការសម្រួលកិច្ចសន្យាស្តង់ដាកម្ចី​ឥណទាន​​ដែលបានរៀបចំលើកចុងក្រោយកាលពី​ខែ​សីហា ឆ្នាំ​២០២៤ គឺបានរក្សាទុកលក្ខខណ្ឌដែលមានភាព​អំណោយផលច្រើនការពារ​ផលប្រយោជន៍របស់អតិថិជន។

លោក​ស្រី​បញ្ជាក់​យ៉ាងដូច្នេះថា ​កន្លងទៅ​នេះ​ក្នុង​កិច្ចសន្យា​ឥណទានហិរញ្ញវត្ថុ​​មាន​ចែង​លក្ខខណ្ឌ​ច្រើន ប៉ុន្តែ​ខាង​ធនាគារ​ជាតិ​​បានប្រឹក្សា​យោបល់​ជាមួយ​សមាគម​ធនាគារ ក៏​ដូចជាសមាគម​​​មីក្រូ​ហិរញ្ញវត្ថុ​ ដោយ​​រៀបចំស្តងដាលក្ខខណ្ឌ​កម្ចី​ស្តង់ដាមួយ​ ដែលផ្តល់ការអនុគ្រោះច្រើន​ដល់​អតិថិជន​​៕