ព័ត៌មានជាតិ

រដ្ឋបាលខណ្ឌកំបូល បន្តចុះបាញ់ថ្នាំកម្ចាត់មូស ដើម្បីបង្ការទប់ស្កាត់ការចម្លងជំងឺគ្រុនឈាម

បានផុស

៤ ខែ មុន

នៅ

ថ្ងៃសុក្រ ៦ ធ្នូ ២០២៤

ដោយ

រដ្ឋបាលខណ្ឌកំបូល បន្តចុះបាញ់ថ្នាំកម្ចាត់មូស ដើម្បីបង្ការ និងទប់ស្កាត់ ការចម្លងជំងឺគ្រុនឈាម ដោយអនុវត្តតាមបទបញ្ជារបស់ លោក ឃឹម ស៊ុនសូដា អភិបាល នៃគណៈអភិបាលខណ្ឌកំបូល ឲ្យបន្តយុទ្ធនាការបាញ់ថ្នាំកម្ចាត់មូសតាមមូលដ្ឋាន ទីវត្តអារាម សាលារៀន ជាដើម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាបន្តបន្ទាប់ មន្ត្រីការិយាល័យសង្គមកិច្ច និងសុខុមាលភាពសង្គម និងកម្លាំងសន្តិសុខសណ្ដាប់ធ្នាប់ខណ្ឌកំបូល បានបន្តចុះបាញ់ថ្នាំកម្ចាត់មូស ដើម្បីបង្ការការចម្លងជំងឺគ្រុនឈាមតាមលំនៅឋានប្រជាពលរដ្ឋ ស្ថិតក្នុងភូមិកំរៀង សង្កាត់កន្ទោក ខណ្ឌកំបូល រាជធានីភ្នំពេញ កាលពីល្ងាចថ្ងៃទី ៥ ខែធ្នូ ឆ្នាំ ២០២៤។

ជាមួយនេះ លោក ឃឹម ស៊ុនសូដា បានអំពាវនាវឲ្យប្រជាពលរដ្ឋចូលរួមលុបបំបាត់ជម្រកមូសខ្លា ដូចជា លុបបំបាត់ទឹកដក់ថ្លាជាជម្រកមូសខ្លា ទឹកដក់ក្នុងសំបកកង់ឡាន កង់ម៉ូតូ សំបកកំប៉ុង ដប វត្ថុដក់ទឹកភ្លៀងជាជម្រកមូសខ្លា នៅក្នុងសហគមន៍ ដើម្បីរួមចំណែកទប់ស្កាត់ការចម្លងជំងឺគ្រុនឈាម។

សូមរំលឹកថា រាជរដ្ឋាភិបាលកម្ពុជា នីតិកាលទី ៧ នេះ បានជំរុញការលើកកម្ពស់សុខភាព និងសុខុមាលភាពប្រជាពលរដ្ឋ គឺជាអាទិភាពដ៏សំខាន់របស់រាជរដ្ឋាភិបាលកម្ពុជាដែលក្រសួង-ស្ថាប័ន និងរដ្ឋបាលថ្នាក់ក្រោមជាតិ ត្រូវបន្តយកចិត្តទុកដាក់ជាប្រចាំ៕

អត្ថបទ ៖ សំណាង