ព័ត៌មានជាតិ
កម្ពុជាបន្តដេញជនជាតិវៀតណាម១០នាក់ទៀតចេញពីប្រទេស ក្រោយលួចស្នាក់នៅខុសច្បាប់
អាជ្ញាធរកម្ពុជាបានបន្តបណ្ដេញជនជាតិវៀតណាមចំនួន១០នាក់ទៀតដែលលួចស្នាក់នៅ និងធ្វើការងារដោយខុសច្បាប់ ចេញពីប្រទេស។

ក្នុងចំណោមជនជាតិវៀតណាម ១០នាក់ ដែលត្រូវបណ្ដេញចេញនេះ មានស្រី៣នាក់ ដែលក្នុងនោះ ទទួលបានពីស្នងការដ្ឋាននគរបាលខេត្តព្រះសីហនុចំនួន ៥នាក់ (ស្រី១នាក់) ទទួលពីស្នងការដ្ឋាននគរបាលខេត្តកោះកុងចំនួន ២នាក់ (ស្រី១នាក់) និងទទួលពីស្នងការដ្ឋាននគរបាលខេត្តកំពតចំនួន ៣នាក់ (ស្រី១នាក់)។
យោងតាមអគ្គនាយកដ្ឋានអន្តោប្រវេសន៍ តាមរយៈការផ្សព្វផ្សាយនៅលើទំព័រហ្វេសប៊ុកផ្លូវការរបស់ខ្លួន គឺក្រោយទទួលបានជនជាតិវៀតណាមទាំង១០នាក់នេះ នារសៀលថ្ងៃទី០៦ ខែធ្នូ ឆ្នាំ២០២៤ នាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ សម្រេចបណ្តេញចេញពីព្រះរាជាណាចក្រកម្ពុជា តាមប៉ុស្ដិ៍នគរបាលច្រកទ្វារព្រំដែនអន្តរជាតិព្រែកចាក ខេត្តកំពត ពាក់ព័ន្ធករណីលួចស្នាក់នៅធ្វើការងារខុសច្បាប់ និងគ្មានលិខិតឆ្លងដែន។

ការអនុវត្តនីតិវិធីបណ្ដេញចេញជនជាតិវៀតណាមនេះ បានធ្វើឡើងតាមអនុសាសន៍ណែនាំរបស់ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ លោក ស សុខា និងការណែនាំដោយផ្ទាល់ពីលោកឧត្តមសេនីយ៍ឯក សុខ វាសនា អគ្គនាយកនៃអគ្គនាយកដ្ឋានអន្តោប្រវេសន៍។
គួរជម្រាបថា អាជ្ញាធរកម្ពុជា បានបណ្ដេញជនជាតិវៀតណាមចេញពីប្រទេសកម្ពុជាជាបន្តបន្ទាប់ ក្រោយរកឃើញថា បានលួចស្នាក់នៅធ្វើការងារខុសច្បាប់ នេសាទដោយប្រើប្រាស់ឧបករណ៍ឆក់ និងគ្មានលិខិតឆ្លងដែនផងដែរ៕


-
ព័ត៌មានអន្ដរជាតិ៣ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៤ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៦ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៣ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៦ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៣ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
ព័ត៌មានអន្ដរជាតិ១ ថ្ងៃ ago
កើតក្តីបារម្ភបាក់ទំនប់វារីអគ្គិសនីនៅថៃ ក្រោយរញ្ជួយដី