ឃាត់រថយន្ត ១១ គ្រឿង កែច្នៃ​ខុស​បច្ចកទេស​ បញ្ជាឱ្យកាត់ទ្រុងនៅនឹង​កន្លែង

ដោយមានការណែនាំ និងដាក់ទិសដៅបន្ថែម របស់លោក វ៉ា ថន អភិបាលខេត្តក្រចេះ ក្រុមការងារត្រួតពិនិត្យយានយន្តកែច្នៃខុសលក្ខណៈបច្ចេកទេសខេត្ត បានដាក់គោលដៅត្រួតពិនិត្យ នៅឃុំឆ្លូង ស្រុកឆ្លូង។

ក្នុងរយៈពេលពីរថ្ងៃ គិតចាប់ពីថ្ងៃទី ៥-៦ ខែធ្នូ ឆ្នាំ២០២៤ ក្រុមការងារត្រួតពិនិត្យយានយន្តកែច្នៃខុសលក្ខណៈបច្ចេកទេស​ខេត្ត បានត្រួតពិនិត្យរកឃើញរថយន្តខុសបច្ចេកទេស បានចំនួន ១១គ្រឿង ក្នុងនោះ ឃាត់រថយន្ត តទ្រុងខុសលក្ខណៈបច្ចេកទេស បានចំនួន ០៩គ្រឿង និងបញ្ជាឱ្យកាត់ទ្រុងតចេញនៅនិងកន្លែងត្រួតពិនិត្យ។

ជាមួយគ្នានោះ ក្រុមការងារបានឃាត់រថយន្ត ដែលបំពាក់អំពុលភ្លើងខុសបច្ចេកទេស និងបានធ្វើការអប់រំណែនាំ ដោះភ្លើងបំភ្លឺ បានចំនួន ០២គ្រឿង។

លោក វ៉ា ថន អភិបាលខេត្ត និងជាប្រធានគណៈបញ្ជាការឯកភាពខេត្ត បានធ្វើការអំពាវនាវដល់ម្ចាស់រថយន្ត និងអ្នកបើកបររថយន្តទាំងអស់មិនត្រូវមិនត្រូវកែច្នៃ តទ្រុង និងដឹកផ្ទុកទំនិញសំពីងសំពោង ហើយចំពោះរថយន្តត្រូវភ្ជាប់មកជាមួយនូវឯកសារគ្រប់គ្រាន់ ក្នុងករណីម្ចាស់រថយន្តមិនអនុវត្តតាមការណែនាំ ក្រុមការងារនឹងអនុវត្តទៅតាមច្បាប់៕

អត្ថបទ៖ ប្រុញ វិធិន