ព័ត៌មានជាតិ
១១ ខែ ឆ្នាំនេះ រន្ទះបាញ់ កើតឡើង ១២៥ លើក ស្លាប់-របួសមនុស្សជាង ១២០ នាក់
រយៈពេល ១១ ខែ ឆ្នាំ ២០២៤ នេះ គ្រោះរន្ទះបាញ់ បានកើតឡើង ១២៥ លើក បណ្ដាលឲ្យមនុស្សស្លាប់ និងរងរបួសជាង ១២០ នាក់ ក្នុងនោះ ខេត្តសៀមរាប មានអ្នកស្លាប់ច្រើនជាងគេរហូតដល់ទៅ ១២ នាក់។

លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ មានប្រសាសន៍នៅព្រឹកថ្ងៃទី ០៨ ធ្នូ នេះថា ចាប់ពីខែមករារហូតដល់ខែវិច្ឆិកា ឆ្នាំ ២០២៤ នេះ គ្រោះរន្ទះបាញ់បានកើតឡើងចំនួន ១២៥ លើក នៅខេត្តចំនួន ២៣ លើកលែងរាជធានីភ្នំពេញ និងខេត្ត បណ្តាលឲ្យខូចខាតផ្ទះសម្បែងចំនួន ៣១ ខ្នង ស្លាប់មនុស្ស ៦៨ នាក់ របួស ៥៥ នាក់ និងងាប់គោក្របី ៣៥ ក្បាល។

លោកបានបន្តថា ក្នុងចំណោម ១២៥ លើក ក្នុងនោះ ខេត្តសៀមរាបកើតឡើង ២១ លើក ស្លាប់មនុស្ស ១២ នាក់ របួស ៩ នាក់ ងាប់គោ ៧ ក្បាល និងផ្ទះ ៤ ខ្នង។ បន្ទាប់នៅខេត្តបាត់ដំបងមាន ១៤ លើក ស្លាប់ ៧ នាក់ របួស ៨ នាក់ គោ ៨ ក្បាល និងផ្ទះ ១ ខ្នង ព្រៃវែង មាន ៦ លើក ស្លាប់ ៦ នាក់ ត្បូងឃ្មុំមាន ២ លើក ស្លាប់ ៤ នាក់ របួស ២ នាក់ និងផ្ទះ ១២ ខ្នង បន្ទាយមានជ័យមាន ៧ លើក ស្លាប់ ៥ នាក់ របួស ៥ នាក់ ងាប់គោ ១០ ក្បាល ឧត្តរមានជ័យមាន ១០ លើក ស្លាប់ ៦ នាក់ របួស ១២ នាក់ កោះកុងមាន ៣ លើក ស្លាប់ ៣ នាក់ ព្រះសីហនុ មានលើកស្លាប់ ៣ នាក់ ក្រចេះមាន ៦ លើក ស្លាប់ ៤ នាក់ របួស ១ នាក់ គោ ១ ក្បាល និងផ្ទះ ១ ខ្នង តាកែវមាន ២ លើក ស្លាប់ ២ នាក់ កំពង់ចាមមាន ៥ លើក ស្លាប់ ២ នាក់ របួស ១ នាក់ និងផ្ទះ ១ ខ្នង ប៉ៃលិនមាន ៣ លើក ស្លាប់ ២ នាក់ របួស ១ នាក់ កំពតមាន ៦ លើក ស្លាប់ ២ នាក់ របួស ៥ នាក់ និងផ្ទះ ១ ខ្នង កំពង់ស្ពឺមាន ៧ លើក ស្លាប់ ២ នាក់ និងផ្ទះ ៥ ខ្នង ស្វាយរៀងមាន ៥ លើក ស្លាប់ ១ នាក់ និងគោ ៦ ក្បាល មណ្ឌលគីរីមាន ២ លើក ស្លាប់ ១ នាក់ និងរបួស ១ នាក់ កំពង់ធំមាន ២ លើក ស្លាប់ ២ នាក់ និងបួស ១ នាក់ ពោធិ៍សាត់មាន ២ លើក ស្លាប់ ១ នាក់ និងរបួស ២ នាក់ កំពង់ឆ្នាំងមាន ៤ លើក ស្លាប់ ១ នាក់ របួស ២ នាក់ និងផ្ទះ ១ ខ្នង កណ្តាល ១ លើក រតនគីរីមាន ៥ លើក ស្លាប់ ១ នាក់ របួស ៥ នាក់ និងផ្ទះ ១ ខ្នង ស្ទឹងត្រែងមាន ២ លើក ស្លាប់ ១ នាក់ របួស ១ នាក់ និងផ្ទះ ១ ខ្នង។

លោកបានបញ្ជាក់ថា ដោយឡែករយៈពេល ១១ ខែ ឆ្នាំ ២០២៤ នេះដែរ ខ្យល់កន្ត្រាក់បានកើតឡើងចំនួន ២៩២ លើក បណ្ដាលឲ្យរលំផ្ទះចំនួន ៥៤៦ ខ្នង របើកដំបូលផ្ទះ ៤ ១៨៤ ខ្នង របើកដំបូលសាលារៀន ៥១ ខ្នង តូបផ្សារ ៣៩ តូបអគាររដ្ឋបាល ២៣ កន្លែង ស្លាប់មនុស្ស ៧ នាក់ និងរបួស ៣៩ នាក់៕
អត្ថបទ ៖ សំអឿន


-
ព័ត៌មានអន្ដរជាតិ២ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៣ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ៥ ថ្ងៃ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ២ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៥ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
ព័ត៌មានអន្ដរជាតិ៦ ថ្ងៃ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម១ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ
-
សន្តិសុខសង្គម១៧ ម៉ោង ago
ជនសង្ស័យប្លន់រថយន្តលើផ្លូវល្បឿនលឿន ត្រូវសមត្ថកិច្ចស្រុកអង្គស្នួលឃាត់ខ្លួនបានហើយ