ព័ត៌មានជាតិ

សាលាឌីជីថល វេទិកានិម្មិតជំរុញការចែករំលែកការសិក្សាតាមអនឡាញ

បានផុស

២ ខែ មុន

នៅ

ថ្ងៃចន្ទ ៩ ធ្នូ ២០២៤

ដោយ

សាលាឌីជីថលបង្កើតឡើងក្រោមគំនិតផ្តួចផ្តើមរបស់ក្រសួងអប់រំ យុវជននិងកីឡា។ សាលាឌីជីថល (SalaDigital) គឺជាវេទិកានិមិ្មត សម្រាប់សិស្សានុសិស្ស គ្រូបង្រៀន និងអ្នកជំនាញធ្វើការចែករំលែកចំណេះដឹងដោយប្រើប្រាស់បច្ចេកវិទ្យាលើបណ្តាញអនឡាញ។

តាមរយៈវេទិកានេះ សិស្ស និស្សិត និងអ្នកស្រឡាញ់ការសិក្សាពេញមួយជីវិត អាចស្វែងរកឯកសារឌីជីថលតាមកម្រិតពីមត្តេយ្យសិក្សារហូតដល់ឧត្តមសិក្សា និងអាចបើកមើលឬបង្កើតមេរៀននៅលើវេទិកាដោយឥតគិតថ្លៃ។

លោក អ៊ុន សម្ភស្ស ប្រធានការិយាល័យនាយកដ្ឋានបរិវត្តកម្មឌីជីថលបានឲ្យកម្ពុជាថ្មីដឹងថា ថ្នាលអប់រំសាលាឌីជីថលនេះ ត្រូវបានបង្កើតឡើងក្នុងគោលបំណងលើកកម្ពស់ ជំរុញការ ចែករំលែក និងប្រើប្រាស់មាតិកាអប់រំឌីជីថល ឱ្យកាន់តែសម្បូរបែបសម្រាប់បម្រើដល់ការរៀន និងបង្រៀនតាមរយៈការប្រើប្រាស់បច្ចេកវិទ្យា ដោយសេរី ឥតគិតថ្លៃ គ្រប់ពេលវេលា និងគ្រប់ទីកន្លែង ដើម្បីឱ្យធនធានឌីជីថលជាភាសាជាតិមានភាពសម្បូរបែបលើបណ្តាញអ៊ីនធឺណិត សម្រាប់ជាប្រយោជន៍ដល់ការសិក្សា ការស្រាវជ្រាវ និងស្វ័យសិក្សារបស់សិស្ស និស្សិត និងអ្នកស្រឡាញ់ការសិក្សាពេញមួយជីវិត៕