ព័ត៌មានជាតិ
១១ ខែ ឆ្នាំនេះ អគ្គិភ័យកើតឡើងជាង ៧៦០ លើក ស្លាប់-របួសមនុស្សជាង ៧០ នាក់
រយៈពេល ១១ ខែ ឆ្នាំ ២០២៤ នេះ គ្រោះអគ្គិភ័យបានកើតឡើងជាង ៧៦០ លើក នៅទូទាំងប្រទេស បណ្ដាលឲ្យមនុស្សស្លាប់ និងរងរបួសជាង ៧០ នាក់ ក្នុងនោះ នៅរាជធានីភ្នំពេញកើតឡើងច្រើនជាងគេ។
យោងតាមរបាយការណ៍របស់គណៈកម្មាធិការជាតិគ្រប់គ្រងគ្រោះមហន្តរាយ បានឲ្យដឹងថា ចាប់ពីខែមករា រហូតដល់ខែវិច្ឆិកា ឆ្នាំ ២០២៤ នេះ គ្រោះអគ្គិភ័យបានកើតឡើង ៧៦៥ លើក បណ្ដាលឲ្យមនុស្សស្លាប់ចំនួន ១៦ នាក់ និងរងរបួសចំនួន ៥៨ នាក់ ឆេះផ្ទះ ៧៨៥ ខ្នង តូបផ្សារ ២៦៥ តូប ឃ្លាំងទំនិញ ២៤ កន្លែង រោងចក្រសិប្បកម្ម ២៥ កន្លែង និងអគាររដ្ឋបាល ២២ កន្លែង។
លោកបានបន្តថា ក្នុងចំណោម ៧៦៥ លើក ក្នុងនោះ នៅរាជធានីភ្នំពេញកើតឡើងច្រើនជាងគេមានចំនួន ១៤១ លើក បណ្តាលឲ្យឆេះផ្ទះ ១៥៧ ខ្នង តូបផ្សារ ២៣ តូប ឃ្លាំងទំនិញ ១៣ កន្លែង រោងចក្រសិប្បកម្ម ៩ កន្លែង អគាររដ្ឋបាល ៤ កន្លែង ស្លាប់មនុស្ស ៣ នាក់ និងរបួស ១១ នាក់។
ក្រៅពីនេះខេត្តកណ្តាលកើតឡើង ២៧ លើក ឆេះផ្ទះ ២៦ ខ្នង តូបផ្សារ ៦ ឃ្លាំងទំនិញ ៣ រោងចក្រសិប្បកម្ម ៥ ស្លាប់ ១ នាក់ និងរបួស ៤ នាក់។ ខេត្តតាកែវកើតឡើង ២៣ លើក ឆេះផ្ទះ ២៩ ខ្នង អគាររដ្ឋបាល ១ កន្លែង និងស្លាប់ ១ នាក់។ ខេត្តស្វាយរៀងកើតឡើង ១៩ លើក ឆេះផ្ទះ ១៧ ខ្នង តូបផ្សារ ១ និងស្លាប់មនុស្ស ២ នាក់។ ខេត្តកំពង់ស្ពឺកើតឡើង ៣៦ លើក ឆេះផ្ទះ ៣៣ ខ្នង តូបផ្សារ ២២ ឃ្លាំងទំនិញ ១ កន្លែង រោងចក្រសិប្បកម្ម ១ កន្លែង និងរបួស ៤ នាក់។ ខេត្តព្រៃវែងកើតឡើង ៣៧ លើក ឆេះផ្ទះ ៣៤ ខ្នង តូបផ្សារ ២ អគាររដ្ឋបាល ១ កន្លែង និងរបួស ៤ នាក់។ ខេត្តរតនគីរីកើតឡើង ១៦ លើក ឆេះផ្ទះ ១៩ ខ្នង ឃ្លាំងទំនិញ ១ កន្លែង និងរោងចក្រសិប្បកម្ម ១ កន្លែង។ ខេត្តមណ្ឌលគីរីកើតឡើង ៨ លើក ឆេះផ្ទះ ១០ ខ្នង និងតូប ១។ ខេត្តស្ទឹងត្រែងកើតឡើង ១៥ លើក ឆេះផ្ទះ ៣៨ ខ្នង តូប ១៤ និងស្លាប់ ១។ ខេត្តក្រចេះកើតឡើង ៣២ លើក ឆេះផ្ទះ ៣៨ ខ្នង និងស្លាប់ ១ នាក់។ ខេត្តកំពង់ចាមកើតឡើង ២៨ លើក ឆេះផ្ទះ ៣៣ ខ្នង និងរបួស ១ នាក់។ ខេត្តកំពង់ធំកើតឡើង ២៨ លើក ឆេះផ្ទះ ២៧ ខ្នង តូប ៦ ស្លាប់ ១ នាក់ និងរបួស ២ នាក់។ ខេត្តកំពង់ឆ្នាំងកើតឡើង ១៩ លើក ឆេះផ្ទះ ១៨ ខ្នង និងរោងចក្រសិប្បកម្ម ១ កន្លែង។ ខេត្តពោធិ៍សាត់កើតឡើង ៩ លើក ឆេះផ្ទះ ១១ ខ្នង តូប ៣ ឃ្លាំងទំនិញ ១ កន្លែង និងរបួស ១ នាក់។ ខេត្តបាត់ដំបងកើតឡើង ៨១ លើក ឆេះផ្ទះ ៦៤ ខ្នង តូប ១៤៣ ឃ្លាំងទំនិញ ៣ កន្លែង រោងចក្រសិប្បកម្ម ៣ កន្លែង ស្លាប់ ១ នាក់ និងរបួស ២ នាក់។ ខេត្តសៀមរាបកើតឡើង ៥០ លើក ឆេះផ្ទះ ៤៣ ខ្នង តូប ៦ រោងចក្រសិប្បកម្ម ១ កន្លែង អគាររដ្ឋបាល ៥ ស្លាប់ ៣ នាក់ និងរបួស ៦ នាក់។ ខេត្តបន្ទាយមានជ័យកើតឡើង ៤៥ លើក ឆេះផ្ទះ ៥៨ ខ្នង តូប ១ អគាររដ្ឋបាល ២ កន្លែង និងរបួស ៥ នាក់។ ខេត្តឧត្តរមានជ័យកើតឡើង ២៣ លើក ឆេះផ្ទះ ២០ ខ្នង តូប ២ អគាររដ្ឋបាល ២ កន្លែង និងរបួស ១ នាក់។ ខេត្តព្រះវិហារកើតឡើង ១៩ លើក ឆេះផ្ទះ ២៣ ខ្នង រោងចក្រសិប្បកម្ម ១ កន្លែង អគាររដ្ឋបាល ២ កន្លែង ស្លាប់ ១ និងរបួស ៦ នាក់។ ខេត្តកោះកុងកើតឡើង ១១ លើក ឆេះផ្ទះ ១៨ ខ្នង តូប ១ និងអគាររដ្ឋបាល ១ កន្លែង។ ខេត្តព្រះសីហនុកើតឡើង ៣២ លើក ឆេះផ្ទះ ៣៥ ខ្នង តូប ២១ ឃ្លាំងទំនិញ ១ កន្លែង រោងចក្រសិប្បកម្ម ១ កន្លែង អគាររដ្ឋបាល ១ កន្លែង និងរបួស ៤ នាក់។ ខេត្តកំពតកើតឡើង ១៦ លើក ឆេះផ្ទះ ៨ ខ្នង និងអគាររដ្ឋបាល ១ កន្លែង។ ខេត្តកែបកើតឡើង ៨ លើក ឆេះផ្ទះ ២ ខ្នង។ ខេត្តប៉ៃលិនកើតឡើង ៩ លើក ឆេះផ្ទះ ៥ ខ្នង និងខេត្តត្បូងឃ្មុំកើតឡើង ៣៣ លើក ឆេះផ្ទះ ៤៣ ខ្នង តូប ១៣ ឃ្លាំងទំនិញ ២ កន្លែង រោងចក្រសិប្បកម្ម ១ កន្លែង អគាររដ្ឋបាល ២ កន្លែង និងរបួស ៧ នាក់។
របាយការណ៍ដដែលបានបន្តថា ចំណែកគ្រោះរន្ទះបាញ់បានកើតឡើងចំនួន ១២៥ លើក នៅខេត្តចំនួន ២៣ លើកលែងរាជធានីភ្នំពេញ និងខេត្ត បណ្ដាលឲ្យខូចខាតផ្ទះសម្បែងចំនួន ៣១ ខ្នង ស្លាប់មនុស្ស ៦៨ នាក់ របួស ៥៥ នាក់ និងងាប់គោក្របី ៣៥ ក្បាល និងខ្យល់កន្ត្រាក់បានកើតឡើងចំនួន ២៩២ លើក បណ្ដាលឲ្យរលំផ្ទះចំនួន ៥៤៦ ខ្នង របើកដំបូលផ្ទះ ៤ ១៨៤ ខ្នង របើកដំបូលសាលារៀន ៥១ ខ្នង តូបផ្សារ ៣៩ តូបអគាររដ្ឋបាល ២៣ កន្លែង ស្លាប់មនុស្ស ៧ នាក់ និងរបួស ៣៩ នាក់ ក្នុងរយៈពេល ១១ ខែ ឆ្នាំ ២០២៤ ដូចគ្នា៕
អត្ថបទ ៖ សំអឿន
សមាគមបណ្ណាល័យគំនិតរៀបចំពិព័រណ៌សៀវភៅលើកទី១ នៅរាជធានីភ្នំពេញចុងសប្ដាហ៍នេះ
ក្រុមប្រឹក្សាធុរកិច្ចស្ត្រីហ្វីលីពីន ចាប់អារម្មណ៍វិនិយោគលើវិស័យសក្ដានុពលនៅកម្ពុជា
ក្រសួងការងារបញ្ជាឱ្យក្រុមហ៊ុន៥ចូលខ្លួនមកដោះស្រាយវិវាទការងារឱ្យបានមុនថ្ងៃទី១៤ កុម្ភៈ
ត្រឹមជាង១ឆ្នាំ កីឡាករគុនខ្មែរ៩រូបឈ្នះរង្វាន់រថយន្តថ្មី
យោធាមីយ៉ាន់ម៉ាបណ្ដេញមនុស្ស ៥៦០០០នាក់ចេញ ភាគច្រើនបំផុតជាជនជាតិចិន ពាក់ព័ន្ធការបោកប្រាស់តាមអ៊ីនធឺណិត
បៃដិន ទុកសំបុត្រមួយច្បាប់ឲ្យ ត្រាំ នៅក្នុងថតតុ
អគ្គិភ័យឆេះសណ្ឋាគារសាហាវបំផុតក្នុងប្រវត្តិសាស្រ្តតួកគី, មនុស្សស្លាប់កើនដល់ ៧៦នាក់
ធ្លាក់ព្រឹលខ្លាំងពេក រដ្ឋភាគខាងត្បូងអាមេរិកប្រកាសអាសន្ន ខណៈមនុស្ស២២០លាននាក់រងផលប៉ះពាល់
ត្រាំ ចេញបញ្ជាដាក់ទោសប្រហារជីវិត អ្នកណាសម្លាប់មន្ត្រី និងជនអន្តោប្រវេសន៍ដែលប្រព្រឹត្តអំពើឧក្រិដ្ឋកម្ម
ទុស្សេខ្សែភ្លើងឆេះផ្ទះជាន់ទី ០២ ខូចខាតសម្ភារៈមួយចំនួនធំ នៅខណ្ឌបឹងកេងកង
-
ចរាចរណ៍២ ថ្ងៃ agoបុរសម្នាក់ សង្ស័យបើកម៉ូតូលឿន ជ្រុលបុករថយន្តបត់ឆ្លងផ្លូវ ស្លាប់ភ្លាមៗ នៅផ្លូវ ៦០ ម៉ែត្រ
-
ព័ត៌មានអន្ដរជាតិ៥ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ១ សប្តាហ៍ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
សន្តិសុខសង្គម២ ថ្ងៃ agoពលរដ្ឋភ្ញាក់ផ្អើលពេលឃើញសត្វក្រពើងាប់ច្រើនក្បាលអណ្ដែតក្នុងស្ទឹងសង្កែ
-
កីឡា៦ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៥ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៦ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៦ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ