ព័ត៌មានជាតិ
រដ្ឋបាលក្រុងស្ទឹងត្រែងដាក់ផែនការរៀបចំសោភណភាពក្រុង ទាក់ទាញទេសចរមកសម្រាកកម្សាន្ត
អភិបាលក្រុងស្ទឹងត្រែង នឹងរៀបចំធ្វើសួនច្បារតាមផែនការអភិវឌ្ឍខេត្ត ដោយបញ្ចប់ការលក់ដូរនៅលើសួនច្បារ ចាប់ពីមុខរង្វង់មូលព្រះបាទជយវរ័្មនទី៧ និងលើផ្លូវបេតុងលេខ៦៣-៦៤ រហូតដល់រង្វង់មូលព្រះភិរុនមាត់ទន្លេក្រុងស្ទឹងត្រែង។
ក្នុងកិច្ចប្រជុំផ្សព្វផ្សាយសេចក្តីជូនដំណឹងបញ្ឈប់ការលក់ដូរជាមួយអាជីវករចំនួនជាង ៦០ នាក់ នៅសាលាក្រុងស្ទឹងត្រែងនៅថ្ងៃទី០៩ ខែធ្នូ ឆ្នាំ២០២៤ លោក សាយ កុសល អភិបាលក្រុងស្ទឹងត្រែងបានថ្លែងថា កិច្ចការងារអភិវឌ្ឍនេះរដ្ឋបាលខេត្តធ្វើឡើងចាប់ពីទីតាំងមុខសាលាខេត្តទៅ។

លោកថា បច្ចុប្បន្នទីកន្លែងមួយចំនួនបងប្អូនអាជីវករលក់ដូរ ដូចនេះបងប្អូនត្រូវចូលរួមអនុវត្តតាមសេចក្តីជូនដំណឹងរបស់រដ្ឋបាលក្រុង ដើម្បីផ្តល់លទ្ធភាពឱ្យខេត្តរៀបចំធ្វើការងារអភិវឌ្ឍន៍ពីព្រោះការអភិវឌ្ឍន៍នេះមិនមែនសម្រាប់បុគ្គលណាទេ គឺរៀបចំអភិវឌ្ឍន៍ឲ្យទៅជាសួនលម្អផង កន្លែងហាត់ប្រាណផង សម្រាប់ទាក់ទាញភ្ញៀវទេសចរផង ដើម្បីឲ្យខេត្តពេលភ្ញៀវអញ្ជើញមកមានកន្លែងលេង ព្រោះបច្ចុប្បន្នភ្ញៀវប្រមាណ ៨០% ចាត់ទុកខេត្តស្ទឹងត្រែងជាតំបន់ឆ្លងកាត់ទេ មកពីភ្នំពេញទៅឡាវអត់ដេក បានតែចូលបាយពេលថ្ងៃ។ មកពីរតនៈគិរីក៏អត់ អីចឹងចង់បានខេត្តពេលភ្ញៀវមកលេង ថ្ងៃបុណ្យចុងសប្តាហ៍យ៉ាងហោចណាស់ ឲ្យបានភ្ញៀវសម្រាកមួយយប់ឬពីរយប់ដែរ មានន័យថាក្រុងមានកន្លែងលេងពេលថ្ងៃ យប់មានកន្លែងកំសាន្ត ហើយនៅតាមបណ្ដាស្រុក ក្នុងខេត្តស្ទឹងត្រែង យ៉ាងហោចណាស់ក៏ចំណាយពេលសម្រាកមួយយប់ក៏ពីរយប់ដែរ។


លោកស្រី សែ វាសនា រស់នៅសង្កាត់ស្ទឹងត្រែងតំណាងឱ្យបងប្អូនអាជីវករលក់ដូរនៅលើសួនបានគាំទ្រការអភិវឌ្ឍនេះ ដើម្បីធ្វើឱ្យខេត្តស្ទឹងត្រែងមានផ្លូវល្អ មានសួនកំសាន្ត មានកន្លែងកុមារលេង មានកន្លែងហាត់ប្រាណ មានកន្លែងភ្ញៀវទេសចរអង្គុយលំហែរកាយ បង្ហាញពីភាពរីកចម្រើនលើគ្រប់វិស័យ។
យ៉ាងណាលោកស្រីសូមឱ្យអាជ្ញាធរក្រុងរកទីតាំងណាមួយសមស្របសម្រាប់រៀបចំឲ្យពលរដ្ឋអាចលក់ដូរ ចំណីអាហារផ្សេងៗ គ្រាន់បានប្រាក់ចំណូលដោះស្រាយជីវភាពប្រចាំថ្ងៃ។
ទីតាំងអភិវឌ្ឍសួនច្បារត្រូវបានលោក សរ សុពុត្រា អភិបាលខេត្តខេត្តស្ទឹងត្រែង គ្រោងរៀបចំប្រែក្លាយពីភាពស្រអាប់ទៅជាមានភាពស្រស់បំព្រង និងទាក់ទាញភ្ញៀវទេសចរមកលេងខេត្តស្ទឹងត្រែងឱ្យបានច្រើននៅឆ្នាំ២០២៥ ពិសេសគឺបានមកម្តងហើយចង់មកម្តងទៀត៕

-
ព័ត៌មានជាតិ២ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ១៦ ម៉ោង ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម៧ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម២ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍២ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល