ព័ត៌មានជាតិ
ADB បន្ថយការព្យាករកំណើនសេដ្ឋកិច្ចអាស៊ី-ប៉ាស៊ីហ្វិកខណៈព្រមានពីការផ្លាស់ប្ដូរគោលនយោបាយអាមេរិក
ធនាគារអភិវឌ្ឍន៍អាស៊ី (ADB) បានទម្លាក់ការព្យាករកំណើនសេដ្ឋកិច្ចរបស់ខ្លួនសម្រាប់បណ្ដាប្រទេសកំពុងអភិវឌ្ឍន៍នៅអាស៊ីអាស៊ីប៉ាស៊ីហ្វិក ខណៈព្រមានថា ការផ្លាស់ប្ដូរគោលនយោបាយរបស់សហរដ្ឋអាមេរិកក្រោយពេលប្រធានាធិបតីជាប់ឆ្នោត លោក ដូណាល់ ត្រាំ ឡើងកាន់អំណាច អាចបង្កហានិភ័យសម្រាប់កំណើននៅរយៈពេលវែង។
ADB បានឱ្យដឹងក្នុងរបាយការណ៍ទស្សនវិស័យអភិវឌ្ឍន៍អាស៊ី (ADO) ដែលចេញផ្សាយនៅថ្ងៃពុធនេះថា សេដ្ឋកិច្ចនៃប្រទេសកំពុងអភិវឌ្ឍន៍នៅអាស៊ី និងប៉ាស៊ីហ្វិក នឹងកើនឡើង ៤,៩ ភាគរយ នៅឆ្នាំ ២០២៤ ដោយទាបជាងអត្រា ៥,០ ភាគរយ ក្នុងការព្យាករណ៍កាលពីខែកញ្ញា។ ADB ក៏បានទម្លាក់ទស្សនវិស័យប្រចាំឆ្នាំ ២០២៥ ផងដែរ មកនៅត្រឹម ៤,៨ ភាគរយ ធៀបនឹងការព្យាករកាលពីលើកមុន ៤,៩ ភាគរយ ដោយសារតែកម្សោយតម្រូវការនៅអាស៊ីខាងត្បូង។
ចំណែកឯទស្សនវិស័យអតិផរណាក្នុងតំបន់អាស៊ី និងប៉ាស៊ីហ្វិក វិញ ត្រូវបានទម្លាក់ពី ២,៨ ភាគរយ មកត្រឹម ២,៧ ភាគរយ នៅឆ្នាំនេះ និងពី ២,៩ ភាគរយ មកត្រឹម ២,៦ ភាគរយ នៅឆ្នាំ ២០២៥។ ការព្យាករនេះ ត្រូវបានជំរុញដោយការរំពឹងទុកតម្លៃប្រេងជាមធ្យម។
សេចក្ដីថ្លែងការណ៍របស់ ADB បានលើកឡើងថា៖ «ការផ្លាស់ប្តូរនៃគោលនយោបាយពាណិជ្ជកម្ម សារពើពន្ធ និងអន្តោប្រវេសន៍របស់សហរដ្ឋអាមេរិក អាចរារាំងកំណើន និងបង្កើនអតិផរណានៅប្រទេសកំពុងអភិវឌ្ឍរបស់អាស៊ី និងប៉ាស៊ីហ្វិក»។
ជាមួយគ្នានោះ ប្រធានសេដ្ឋវិទូរបស់ ADB លោក Albert Park បាននិយាយក្នុងសេចក្ដីថ្លែងការណ៍ដដែល ថា៖ «តម្រូវការក្នុងស្រុក និងការនាំចេញដ៏រឹងមាំ បន្តជំរុញការពង្រីកសេដ្ឋកិច្ចក្នុងតំបន់របស់យើង»។ យ៉ាងណាមិញ លោកបន្តថា៖ «គោលនយោបាយ ដែលគេរំពឹងថានឹងអនុវត្តដោយរដ្ឋបាលថ្មីរបស់សហរដ្ឋអាមេរិក អាចបន្ថយកំណើន និងជំរុញអតិផរណាទៅតាមកម្រិតក្នុងសាធារណៈរដ្ឋប្រជាមានិតចិន (PRC) ដែលទំនងជាបន្ទាប់ពីឆ្នាំក្រោយ ហើយថែមទាំងប៉ះពាល់ដល់សេដ្ឋកិច្ចប្រទេសផ្សេងៗនៅអាស៊ី និងប៉ាស៊ីហ្វិក ទៀតផង»។
ក្រោមសេណារីយ៉ូដែលអាក្រក់បំផុត ADB បានព្យាករថា ការផ្លាស់ប្តូរគោលនយោបាយរបស់សហរដ្ឋអាមេរិកយ៉ាងគឃ្លើន អាចកាត់បន្ថយកំណើនសេដ្ឋកិច្ចពិភពលោករហូតដល់ ០,៥ ភាគរយ ក្នុងរយៈពេល ៤ ឆ្នាំ ខាងមុខ ដោយវារារាំងពាណិជ្ជកម្ម និងការវិនិយោគអន្តរជាតិ។
ទោះបីជាយ៉ាងណាក៏ដោយ ADB បានបង្កើនអត្រាកំណើនសេដ្ឋកិច្ចតាមតំបន់របស់អាស៊ីមួយចំនួន។ ទស្សនវិស័យកំណើនរបស់អាស៊ីអាគ្នេយ៍ រំពឹងថានឹងកើនឡើងដល់ ៤,៧ ភាគរយ នៅឆ្នាំនេះ ធៀបនឹងការព្យាករ ៤,៥ ភាគរយ កាលពីលើកមុន ដែលជំរុញដោយការនាំចេញផលិតកម្មកាន់តែរឹងមាំ និងការចំណាយមូលធនសាធារណៈ។
ចំណែកឯទស្សនវិស័យកំណើនសេដ្ឋកិច្ចសម្រាប់តំបន់កូកាស និងអាស៊ីកណ្ដាល វិញ ត្រូវបានបង្កើនដល់ ៤,៩ ភាគរយ នៅឆ្នាំនេះ និងដល់ ៥,៣ ភាគរយ នៅឆ្នាំក្រោយ។ ទស្សនវិស័យសេដ្ឋកិច្ចចិន និងតំបន់ប៉ាស៊ីហ្វិក មិនត្រូវបានថែមថយនោះទេ ដោយនៅត្រឹម ៤,៨ ភាគរយ និង ៣,៤ ភាគរយ រៀងគ្នា នៅឆ្នាំ ២០២៤ និង ៤,៥ ភាគរយ និង ៤,១ ភាគរយ សម្រាប់ឆ្នាំក្រោយ។
គួរគូសបញ្ជាក់ថា ក្រៅតែពីភាពមិនច្បាស់លាស់ជុំវិញការផ្លាស់ប្តូរគោលនយោបាយរបស់សហរដ្ឋអាមេរិក ហានិភ័យចំពោះការអភិវឌ្ឍកំណើនសេដ្ឋកិច្ច និងទស្សនវិស័យអតិផរណារបស់អាស៊ី និងប៉ាស៊ីហ្វិក រួមមាន កំណើននៃភាពតានតឹងភូមិសាស្ត្រនយោបាយ ក៏ដូចជាការអូសបន្លាយនៃវិបត្តិអចលនទ្រព្យនៅចិន៕
លោក ស្វាយ ស៊ីថា៖ នៅដើមឆ្នាំថ្មីនេះ ព័ត៌មានក្លែងក្លាយបានរីករាលដាលកាន់តែខ្លាំង និងកាន់តែស្មុគស្មាញ ចេញពីក្រុមMMO
ពលរដ្ឋនៅស្រុកកែវសីមា ត្អូញត្អែរថា អស់លទ្ធភាពបង់ថ្លៃទឹកស្អាតប្រើហើយ ស្នើអាជ្ញាធរស្រុកជួយឱ្យម្ចាស់អាជីវកម្មទម្លាក់ថ្លៃ
នៅមណ្ឌលគិរី អាជ្ញាធរលែងកូនត្រីចម្រុះ២ម៉ឺន៧ពាន់ក្បាលក្នុងទំនប់អូរតេធិបតី ដើម្បីបង្កើនការផ្គត់ផ្គង់ និងស្ទួចលេងកម្សាន្ត
លោកស្រី ភឿង សកុណា ប្រាប់អាជ្ញាធរខេត្តស្វាយរៀងទប់ស្កាត់ឱ្យបានការប៉ុនប៉ងធ្វើឱ្យវឹកវរក្នុងសង្គមដោយក្រុមប្រឆាំងខុសច្បាប់
រដ្ឋាករទឹកប្រកាសពីស្ថានភាព ទឹកល្អក់កករ នៅសង្កាត់មួយចំនួនក្នុងរាជធានីភ្នំពេញ
ក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា
សមត្ថកិច្ចកម្ពុជា បញ្ជូនបុរសជនសង្ស័យបាញ់សម្លាប់ លោក លិម គិមយ៉ាទៅឱ្យភាគីថៃ
ស្ទឹងសង្កែនៅប៉ែកខាងក្រោមរីងស្ងួត និងកំពុងប្រែក្លាយជាផ្លូវរទេះ
ត្រឹម ៥ ថ្ងៃ ផ្លូវ ៦០ ម៉ែត្រ ឆក់យកជីវិតមនុស្ស ៤ នាក់ ក្នុងហេតុការណ៍ គ្រោះថ្នាក់ចរាចរណ៍ ២ ករណី ផ្សេងគ្នា
ណុប បាយ៉ារិទ្ធ រន្ធត់ចិត្តរហូតហូរទឹកភ្នែកចំពោះសោកនាដកម្មលើ ក្រុមគ្រួសារមួយ នៅផ្លូវ ៦០ ម៉ែត្រ
-
ព័ត៌មានជាតិ៣ ថ្ងៃ agoមេសិទ្ធិមនុស្សកម្ពុជា ឆ្លៀតសួរសុខទុក្ខកញ្ញា សេង ធារី កំពុងជាប់ឃុំ និងមើលឃើញថាមានសុខភាពល្អធម្មតា
-
ចរាចរណ៍៦ ថ្ងៃ agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៤ ថ្ងៃ agoជនសង្ស័យដែលបាញ់សម្លាប់លោក លិម គិមយ៉ា ត្រូវបានសមត្ថកិច្ចឃាត់ខ្លួននៅខេត្តបាត់ដំបង
-
ចរាចរណ៍២ ថ្ងៃ agoករណីគ្រោះថ្នាក់ចរាចរណ៍រវាងរថយន្ត និងម៉ូតូ បណ្ដាលឱ្យឪពុក និងកូន២នាក់ស្លាប់បាត់បង់ជីវិត
-
ព័ត៌មានជាតិ២ ថ្ងៃ agoអ្នកនាំពាក្យថារថយន្តដែលបើកផ្លូវឱ្យអ្នកលក់ឡេមិនមែនជារបស់អាវុធហត្ថទេ
-
ព័ត៌មានជាតិ៤ ថ្ងៃ agoសមត្ថកិច្ចកម្ពុជា នឹងបញ្ជូនជនដៃដល់បាញ់លោក លិម គិមយ៉ា ទៅឱ្យថៃវិញ តាមសំណើររបស់នគរបាលថៃ ស្របតាមច្បាប់ បន្ទាប់ពីបញ្ចប់នីតិវិធី
-
ព័ត៌មានជាតិ២ ថ្ងៃ agoក្រសួងការពារជាតិកំពុងពិនិត្យករណីអ្នកលក់អនឡាញយកឡានសារ៉ែនបើកផ្លូវទៅចូលរួមមង្គលការ
-
ជីវិតកម្សាន្ដ១៩ ម៉ោង agoក្រោយរួចខ្លួន តួសម្ដែងរឿង «Ip Man» ប្រាប់ដើមចមធ្លាយដល់កន្លែងចាប់ជំរិត កៀកព្រំដែនថៃ-មីយ៉ានម៉ា