ព័ត៌មានជាតិ

អាជ្ញាធរសង្កាត់ភ្លេីងឆេះរទេះ ដាក់គ្រឿងចក្រឈូសឆាយផ្លូវ២ខ្សែនិងរៀបចំដាក់ប្រព័ន្ធលូចាក់បេតុងឆ្អឹងដែក

បានផុស

២ ខែ មុន

នៅ

ថ្ងៃព្រហស្បតិ៍ ១២ ធ្នូ ២០២៤

ដោយ

ភ្នំពេញ ៖ ផ្លូវលំចំនួន២ខ្សែ ដែលរងនូវការខូចខាត ប៉ះពាល់ដល់ការធ្វេីដំណេីរ ក៏ដូចជាប្រកបរបរចិញ្ចឹមជីវិតដល់បងប្អូនប្រជាពលរដ្ឋ ដោយមានការយកចិត្តទុកដាក់ពីអាជ្ញាធរ នៅល្ងាចថ្ងៃទី១២ ខែ ធ្នូ ឆ្នាំ២០២៤នេះ ដឹកនាំដោយលោក សុិន វុទ្ធី ជាចៅសង្កាត់ភ្លេីងឆេះរទេះ លោកមេភូមិ បានដាក់គ្រឿងចក្រឈូសឆាយសម្រួលនិងបានដាក់ប្រព័ន្ធលូថ្មី រួចនឹងចាក់ជាផ្លូវបេតុងឆ្អឹងដែក ជៀសវាងការជន់លិចដោយជំនន់ទឹកភ្លៀងនារដូវវស្សា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុិន វុទ្ធី ចៅសង្កាត់ភ្លេីងឆេះរទេះបានឱ្យដឹងថា ដោយឃេីញថា ផ្លូវចំនួន២ខ្សែ ដែលស្ថិតនៅភូមិភ្លើងឆេះរទេះលិច រងនូវការខូចខាតដោយសារជំនន់ទឹកភ្លៀងនារដូវវស្សាជង្ហុក សំបុកមាត់ ពិបាកដល់បងប្អូនប្រជាពលរដ្ឋធ្វេីដំណេីរក៏ដូចខាតការប្រកបរបរចិញ្ចឹមជីវិតទេីបលោក ដាក់គ្រឿងចក្រឈូសឆាយពង្រៀបសម្រួលនិងកាយដីដាក់ប្រព័ន្ធលូថ្មី រួចនិងចាក់ផ្លូវបេតុងឆ្អឹងដែក ជៀសវាងការជន់លិចទៀតនារដូវរស្សា។

លោកចៅសង្កាត់បានបន្តទៀតថា ផ្លូវដែលឈូសឆាយនិងដាក់ប្រព័ន្ធលូខាងលេីចំនួន២ខ្សែ ស្ថិតនៅភូមិភ្លេីងឆេះរទេះលិច សង្កាត់ភ្លេីងឆេះរទេះ ខណ្ឌកំបូល រាជធានភ្នំពេញ ដោយខ្សែទី១ មានទទឹង៥ម៉ែត្រ បណ្តាយ១០២ម៉ែត្រ។

ខ្សែទី២ ទទឹង៥ម៉ែត្រ បណ្តាយ១៣០ ម៉ែត្រ សរុបទាំង២ខ្សែ៥ម៉ែត្រ បណ្តាយ២៣២ម៉ែត្រ ដោយប្រេីប្រាស់ថវិកាមូលនិធិអភិវឌ្ឍន៍សង្កាត់ឆ្នាំ២០២៤។

ជាមួយគ្នានោះផងដែរ អាជ្ញាធរសំណូមពរដល់បងប្អូនប្រជាពលរដ្ឋទាំងអស់ក្នុងមូលដ្ឋាន មេត្តជួយថែរក្សា ទុកដាក់សំរាម និង វេចខ្ចប់ឱ្យបានត្រឹមត្រូវ ជៀសវាសបោះចោលគ្មានសណ្តាប់ធ្នាប់ បង្កផលប៉ះពាល់ដល់បរិស្ថាន ហេីយចូលប្រព័ន្ធលូ បង្កការកកស្ទះចរន្តទឹក៕

ដោយ ៖ សុខា