ព័ត៌មានជាតិ
ផ្លូវភូមិចំនួន ៥ ខ្សែ ត្រូវបានស្តា និងជួសជុលឡើងវិញចាយថវិកាប្រមាណ ៥៧៤ លានរៀល
ដើម្បីឆ្លើយតបតម្រូវការចាំបាច់របស់ប្រជាពលរដ្ឋ ដែលជួបការលំបាកក្នុងការធ្វើដំណើរ និងដឹកផលិតផលកសិកម្ម ពេលនេះអាជ្ញាធរឃុំបានធ្វើការស្តាជួសជុលផ្លូវទាំង ៥ ខ្សែ ដែលមានប្រវែងសរុប ១០២៩០ ម៉ែត្រ លើភូមិចំនួន ៤ ដោយប្រើប្រាស់ថវិកាមូលនិធិឃុំ អស់ចំនួន ៥៧៦ លានរៀល ក្នុងចំណោមកញ្ចប់ថវិកាមូលនិធិ ឃុំភ្នំសំពៅ ប្រចាំឆ្នាំ២០២៤ មានសរុបចំនួន ៩៧០ លានរៀល។
លោក យឿត ភា ជំទបទី១ ឃុំភ្នំសំពៅ ស្រុកបាណន់ ខេត្តបាត់ដំបង បានឲ្យអ្នកសារព័ត៌មានដឹងថា សម្រាប់ឆ្នាំ២០២៤ នេះ ឃុំទទួលបាន ថវិកាសរុបចំនួន ៩៧០លានរៀល ហើយតាមរយៈកញ្ចប់ថវិកានេះ អាជ្ញាធរឃុំបានផ្តោតសំខាន់សិទ្ធិអត្ថិភាពទៅលើការអភិវឌ្ឍន៍ហេដ្ឋារចនាសម្ព័ន្ធផ្លូវ ថ្នល់ ក្នុងភូមិខ្លះ ក្នុងនោះមានស្ថារជួសជុលដោយក្រាលថ្មមិច និងក្រាលថ្មមិច បានសរុបចំនួន ៥ ខ្សែ ប្រវែង ១០២៩០ម៉ែត្រ ក្នុងភូមិចំនួន ៤ ចំណាយអស់ ៥៧៤លានរៀល។
លោកបន្តថា ផ្លូវទាំង ៥ ខ្សែដែលត្រូវបានជួសជុលក្រាលថ្មមិច ទាំង ៤ ភូមិ រួមមាន ភូមិក្តោង ១២៩០ម៉ែត្រ, ភូមិចែងក្តារ ១៥០០ម៉ែត្រ, ភូមិកំប៉ូវ ២៤០០ម៉ែត្រ, ភូមិក្រពើជើង ៤១៥០ម៉ែត្រ។
លោកថា ថវិកាដែលនៅសល់ចំនួនជាង ៣០០លានរៀល នឹងបែងចែកទៅលើ សេវាសង្គម រដ្ឋបាល និងប្រាក់ខែមន្ត្រី ក្រុមប្រឹក្សា បុគ្គលិក ហើយក្រៅពីនោះ មានការគាំពារពីសប្បុរសជន ប្រជាពលរដ្ឋ ក្រុមការងាររាជរដ្ឋាភិបាលផងដែរ។
ប្រជាកសិករ នៅភូមិក្តោង បានលើកឡើងថា ពួកគាត់សប្បាយចិត្តពេលបានផ្លូវល្អនៅពេលនេះ ខណៈកាលពីមុន ពិបាកធ្វើដំណើរ ហើយពិបាកក្នុងការដឹកជញ្ជូនពិសេសពេលប្រមូលផលស្រូវ តែពេលនេះអស់ក្តីបារម្ភហើយក្នុងការធ្វើដំណើរ ក្រោយពីបានក្រាលថ្មមិចធ្វើរួចរាល់។
ចំណែកប្រជាពលរដ្ឋ នៅភូមិចែងក្ដារ បានលើកឡើងថា ផ្លូវគឺសំខាន់ណាស់សម្រាប់ពួកគេជាកសិករ បើអត់ផ្លូវគឺសេដ្ឋកិច្ចពួកគេក៏មិនដើរដែរ។ ជាក់ស្តែង មានផ្លូវ គឺមានសេដ្ឋកិច្ច ហើយពួកគេក៏បានអរគុណដល់រាជរដ្ឋាភិបាល ដែលបានយកចិត្តទុកដាក់ចំពោះប្រជាកសិករ។
អាជ្ញាធរឃុំភ្នំសំពៅ បានបញ្ជាក់ថា សម្រាប់ឆ្នាំ២០២៥ ខាងមុខនេះ ឃុំក៏មានគម្រោងអភិវឌ្ឍនៅក្នុងផែនការបន្ថែម បន្ទាប់ពីបានមូលនិធិ ត្រៀមធ្វើផ្លូវនៅឆ្នាំ២០២៥ ខាងមុខបន្តទៀត ដើម្បីបង្កលក្ខណៈងាយស្រួលសម្រាប់ប្រជាកសិករដឹកជញ្ជូនរាល់កសិផលចូលទីផ្សារ មានភាពងាយស្រួល និងទាន់ពេល។
ក្នុងនោះបានសិក្សា និងមានគម្រោងរួចរាល់ហើយពីការធ្វើផ្លូវក្រាលថ្មមិចទៅលើភូមិក្រពើត្បូងចំនួន ៩០០ម៉ែត្រ ភូមិក្រពើកើត ២០៥០ម៉ែត្រ ចំនួន ពីរខ្សែ ភូមិសំណាញ់ ១០០០ម៉ែត្រ ចំនួន មួយខ្សែ និង ភូមិក្រពើជើង ៧០០០ម៉ែត្រ ចំនួនមួយខ្សែ ៕
អត្ថបទ៖ សៅ សារិទ្ធ
ប្រជាជនកោះGreenland រៀបចំបោះឆ្នោត ក្រោមការតាមដានរបស់ពិភពលោក
Duterte ត្រូវរាយការណ៍ថា បានចាប់បញ្ជូនទៅតុលាការឡាអេ ខណៈប្រជាជនក្នុងប្រទេសផ្តើមតវ៉ាទ្រង់ទ្រាយធំ
រដ្ឋមន្ត្រីការបរទេសអ៊ុយក្រែននិងអាមេរិកកំពុងចរចានិងអះអាងថា មានការរីកចម្រើនទៅមុខ
ប្រទះឃើញសាកសពបុរសម្នាក់ កប់ក្រោមដើមត្នោត ក្នុងដីវាលស្រែ
អាជ្ញាធរខណ្ឌឫស្សីកែវ នឹងចាត់វិធានការរដ្ឋបាល បើម្ចាស់អាជីវកម្មដាយត្រីខុសច្បាប់មិនរុះរើ និងសហការ
កប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ
អ៊ុយក្រែន បញ្ជូនដ្រូន បើកការវាយប្រហារខ្នាតធំបំផុតមិនធ្លាប់មាន លើក្រុងមូស្គូ
មន្ត្រីអាមេរិកមួយចំនួន ចាប់ផ្តើមស្តាយក្រោយ ដែលបោះឆ្នោតឲ្យលោក ត្រាំ
អតីតប្រធានាធិបតីហ្វីលីពីន លោក Duterte ត្រូវបានចាប់ខ្លួន ពីបទឧក្រិដ្ឋកម្មប្រឆាំងមនុស្សជាតិ
រដ្ឋមន្ត្រីបរិស្ថានខកចិត្ត ព្រោះចាប់បានរោងចក្របង្ហូរទឹកកខ្វក់ចូលស្ទឹង តែមន្ត្រីធ្វើការយឺតរហូតខូចការណ៍ធំ
-
សន្តិសុខសង្គម៣ ថ្ងៃ agoអគ្គិភ័យឆេះផ្ទះអាជីវករលក់ដូរនៅក្រុងកំពង់ចាម ១៧ល្វែង សរុបជាទឹកប្រាក់ ជិត២លានដុល្លារ
-
ជីវិតកម្សាន្ដ១ សប្តាហ៍ agoModel ដែលរងសម្តីមិនសមរម្យពី MC កីឡាម្នាក់ ចេញមកតបថា ការសុំទោសនោះមិនពេញលេញ
-
ព័ត៌មានអន្ដរជាតិ៦ ថ្ងៃ agoយន្តហោះចម្បាំងកូរ៉េខាងត្បូង ច្រឡំដៃទម្លាក់គ្រាប់បែក៨គ្រាប់ លើទីតាំងពលរដ្ឋរស់នៅ
-
ព័ត៌មានអន្ដរជាតិ៧ ថ្ងៃ agoឈ្លោះគ្នាពេញសភាស៊ែប៊ី មានទាំងគប់គ្រាប់បែកផ្សែង ធ្វើឲ្យសមាជិកសភាម្នាក់ដាច់សរសៃឈាមខួរក្បាល
-
ព័ត៌មានអន្ដរជាតិ៦ ថ្ងៃ agoអាល្លឺម៉ង់ ប្រកាសថា សព្វាវុធដែលខ្លួនបម្រុងទុកសម្រាប់ជួយអ៊ុយក្រែន គឺយកចេញអស់ពីឃ្លាំងហើយ
-
សន្តិសុខសង្គម៤ ថ្ងៃ agoខឹងប្ដីមិនដោះស្រាយបំណុលជាង ១ ម៉ឺនដុល្លារ ចាក់សោកូនសិស្សប្រដាល់ ជាង ១០ នាក់ ក្នុងក្លិបមិនឲ្យចេញក្រៅ
-
ព័ត៌មានអន្ដរជាតិ១៨ ម៉ោង agoកប៉ាល់២គ្រឿងបុកគ្នា ធ្លាយប្រេងយន្តហោះនិងសារធាតុគីមី ចូលសមុទ្រខាងជើង បង្កហានិភ័យធ្ងន់ធ្ងរ
-
ព័ត៌មានអន្ដរជាតិ១២ ម៉ោង agoអ៊ុយក្រែន បញ្ជូនដ្រូន បើកការវាយប្រហារខ្នាតធំបំផុតមិនធ្លាប់មាន លើក្រុងមូស្គូ