ព័ត៌មានជាតិ
ប្រមុខការទូតកម្ពុជា ជជែកជាមួយសមភាគីវៀតណាមលើការពង្រឹងកិច្ចសហប្រតិបត្តិការទ្វេភាគី
រដ្ឋមន្ត្រីការបរទេសកម្ពុជា-វៀតណាម បានជួបជជែកគ្នាអំពីការពង្រឹងមិត្តភាពជាប្រពៃណី និងកិច្ចសហប្រតិបត្តិការរវាងប្រទេសទាំងពីរ។ ការជួបជជែកគ្នានេះ បានធ្វើឡើងតាមរយៈប្រព័ន្ធទូរសព្ទ កាលពីរសៀលថ្ងៃទី១២ ខែធ្នូ ឆ្នាំ ២០២៤។

ឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេសកម្ពុជា បានអរគុណចំពោះលោក ប៊ូយ ថាញ់សឺន ឧបនាយករដ្ឋមន្ត្រី រដ្ឋមន្ត្រីការបរទេសវៀតណាម ដែលបានអបអរសាទរលោក ដែលទទួលបានការតែងតាំងឡើងវិញ ជាឧបនាយករដ្ឋមន្ត្រី និងរដ្ឋមន្ត្រីការបរទេសកម្ពុជា។ លោក ប្រាក់ សុខុន បានបញ្ជាក់ទៅសមភាគីរបស់លោកឡើងវិញអំពីការប្តេជ្ញាក្នុងការធ្វើការយ៉ាងជិតស្និទ្ធជាមួយគ្នា ដើម្បីពង្រឹងទំនាក់ទំនងទ្វេភាគីរវាងប្រជាជាតិទាំងពីរបន្ថែមទៀត។

រដ្ឋមន្ត្រីការបរទេសទាំងពីរ បានកត់សម្គាល់ដោយការពេញចិត្តចំពោះការផ្លាស់ប្តូរទស្សនកិច្ចកម្រិតខ្ពស់រវាងប្រទេសទាំងពីរ រួមមាន ព្រះរាជទស្សនកិច្ចផ្លូវរដ្ឋរបស់ព្រះករុណាព្រះមហាក្សត្រកម្ពុជានៅវៀតណាម កាលពីខែវិច្ឆិកា និងទស្សនកិច្ចផ្លូវរដ្ឋរបស់លោក តូ ឡឹម អតីតប្រធានរដ្ឋវៀតណាម នៅកម្ពុជា កាលពីខែកក្កដា ឆ្នាំ២០២៤ ដែលបានពង្រឹងនូវទំនាក់ទំនងភាពជាអ្នកជិតខាងល្អកម្ពុជា-វៀតណាម បន្ថែមទៀត។
រដ្ឋមន្ត្រីការបរទេសទាំងពីរ ក៏បានឯកភាពលើការរៀបចំឱ្យមានដំណើរទស្សនកិច្ចកម្រិតខ្ពស់នានាបន្ថែមទៀត នាពេលអនាគត។

សមភាគីទាំងពីរ ក៏បានផ្លាស់ប្តូរទស្សនៈលើសកម្មភាពនៃកិច្ចសហប្រតិបត្តិការនានា រួមមាន កិច្ចប្រជុំលើកទី២១ របស់គណៈកម្មការចម្រុះកម្ពុជា-វៀតណាម ស្តីពីកិច្ចសហប្រតិបត្តិការ សេដ្ឋកិច្ច វប្បធម៌ វិទ្យាសាស្ត្រ និងបច្ចេកវិទ្យា និងកិច្ចប្រជុំលើកទី១៣ ស្តីពីកិច្ចសហប្រតិបត្តិការ និងការអភិវឌ្ឍបណ្តាខេត្តជាប់ព្រំដែនកម្ពុជា-វៀតណាមឆ្នាំ២០២៥ ដែលនឹងរៀបចំឡើងនៅកម្ពុជា៕

-
ព័ត៌មានអន្ដរជាតិ៤ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
សន្តិសុខសង្គម៥ ថ្ងៃ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ ago
រដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៤ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ៧ ថ្ងៃ ago
សត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម១០ ម៉ោង ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ព័ត៌មានអន្ដរជាតិ១ សប្តាហ៍ ago
ពូទីន ឲ្យពលរដ្ឋអ៊ុយក្រែនក្នុងទឹកដីខ្លួនកាន់កាប់ ចុះសញ្ជាតិរុស្ស៊ី ឬប្រឈមនឹងការនិរទេស
-
សន្តិសុខសង្គម៤ ថ្ងៃ ago
ការដ្ឋានសំណង់អគារខ្ពស់ៗមួយចំនួនក្នុងក្រុងប៉ោយប៉ែតត្រូវបានផ្អាក និងជម្លៀសកម្មករចេញក្រៅ