ព័ត៌មានជាតិ

រដ្ឋបាលរាជធានី អនុញ្ញាតឲ្យបើកដំណើរការទីតាំង២១កន្លែងឡើងវិញ ក្រោយបិទនិងរកមិនឃើញមានអ្នកឆ្លងកូវីដ-១៩

បានផុស

៤ years មុន

នៅ

ថ្ងៃចន្ទ ១៥ មីនា ២០២១

ដោយ

ភ្នំពេញ ៖ ទីតាំងធ្វើចត្តាឡីស័កចំនួន២១កន្លែងនៅក្នុងរាជធានីភ្នំពេញត្រូវបានរដ្ឋបាលរាជធានី អនុញ្ញាតឲ្យបើកដំណើរការ ឡើងវិញ ក្រោយបិទមួយរយៈ ហើយក្រុមការងារនិងរកមិនឃើញមានអ្នកឆ្លងកូវីដ-១៩។

នេះបើតាមលិខិតអនុញ្ញាតដែលសារព័ត៌មានយើងទទួលបាននៅយប់ថ្ងៃទី១៥ ខែមីនា ឆ្នាំ២០២១នេះ។ បើទោះបីអនុញ្ញាតឲ្យបើកដំណើរការឡើងវិញក៏ពិតមែន។ ប៉ុន្ដែរដ្ឋបាលរាជធានីភ្នំពេញ បានណែនាំឲ្យម្ចាស់ទីតាំងទាំង២១នេះ គោរពតាមវិធានការ ៣ការពារ និង៣កុំ ព្រមទាំងអនុវត្តតាមវិធានការរបស់ក្រសួងសុខាភិបាល ដែលបានដាក់ចេញជាបន្ដបន្ទាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងលិខិតអនុញ្ញាតនោះ រដ្ឋបាលរាជធានីភ្នំពេញ បានឲ្យម្ចាស់ទីតាំងទាំងនោះ សហការជាមួយអាជ្ញាធរមានសមត្ថកិច្ចគ្រប់ពេលវេលា ដោយឥតលក្ខខណ្ឌ ដើម្បីការពារ និងទប់ស្កាត់ការរីករាលដាលជំងឺកូវីដ-១៩។ រដ្ឋបាលរាជធានីភ្នំពេញ ក៏នឹងបើកដំណើរការទីតាំងផ្សេងជាបន្ដបន្ទាប់ទៀត ក្រោយពិនិត្យច្បាស់ថា មិនមានអ្នកបន្ដឆ្លងជំងឺកូវីដ-១៩នៅទីនោះ។

គួរបញ្ជាក់ថា គិតត្រឹមម៉ោង៧និង០០នាទីព្រឹក ថ្ងៃទី១៥ ខែមីនា ឆ្នាំ២០២១នេះ កម្ពុជាបានរកឃើញអ្នកឆ្លងជំងឺកូវីដ១៩ សរុបចំនួន ១,៣២៥នាក់ ក្នុងនោះដែរ អ្នកដែល ឆ្លងក្នុងព្រឹត្តិការណ៍២០កុម្ភៈ សរុបចំនួន ៨១០នាក់ ស្រីចំនួន៣៧៨នាក់ និងបុរស៤៣២នាក់។ អ្នកជាសះស្បើយចំនួន ៧៣០នាក់, អ្នកកំពុងសម្រាកព្យាបាលចំនួន ៥៩២នាក់, ស្លាប់ដោយសារកូវីដ១៩ម្នាក់ និងពីរនាក់ទៀត ស្លាប់ដោយសារការរើថ្នាំញៀនធ្ងន់ធ្ងរ និងស្ទះសរសៃរ ឈាមបេះដូង ពេលកំពុងទទួលការព្យាបាលជំងឺកូវីដ-១៩៕

ដោយ ៖ ស្រីរ័ត្ន