ព្រះមហាក្សត្រកម្ពុជានឹងយាងបំពេញព្រះរាជទស្សកិច្ចជាថ្មីទៅកាន់ប្រទេសចិន នាថ្ងៃទី១៩ ធ្នូ

ព្រះមហាក្សត្រនៃកម្ពុជា នឹងយាងបំពេញព្ររាជទស្សកិច្ចជាថ្មីម្ដងទៀតទៅកាន់ប្រទេសចិន រយៈពេល៣ថ្ងៃ។ នេះបើតាមព្រះរាជសាររបស់ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា។

យោងតាមព្រះរាជសារ ចុះថ្ងៃទី១៧ ខែធ្នូ ឆ្នាំ២០២៤ ព្រះករុណា ព្រះមហាក្សត្រនៃកម្ពុជា នឹងអវត្តមានពីមាតុប្រទេស ចាប់ពីថ្ងៃទី១៩ ដល់ថ្ងៃទី២១ ខែធ្នូ ឆ្នាំ២០២៤តទៅ ដើម្បីបំពេញព្រះរាជទស្សនកិច្ចនៅខេត្ត Hainan នៃសាធារណរដ្ឋប្រជាមានិតចិន។ ក្នុងឱកាសអវត្តមាននៅក្នុងមាតុប្រទេស ព្រះករុណាព្រះមហាក្សត្រនៃកម្ពុជា បានប្រគល់ភារកិច្ចជូនសម្តេចតេជោ ហ៊ុន សែន ប្រធានព្រឹទ្ធសភា ទទួលជួយក្នុងព្រះបរមនាម ជាប្រមុខរដ្ឋស្តីទីនៃកម្ពុជា។

ជុំវិញព្រះរាជដំណើរទស្សនកិច្ចនេះ មិនទាន់មានព័ត៌មានលម្អិតឡើយ ថា តើព្រះរាជទស្សនកិច្ចរបស់ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះករុណាព្រះមហាក្សត្រនៃកម្ពុជា ទៅកាន់ប្រទេសចិន ខាងមុខ នឹងមានកម្មវិធីគ្រោងទុកអ្វីខ្លះនៅឡើយទេ៕