ព័ត៌មានជាតិ

គណៈចលនាមហាជន ៖ «គណបក្សប្រជាជន មានឫសគល់ពីប្រជាជន នៅជាមួយប្រជាជន និងដើម្បីប្រជាជន» ជាកត្តាចាំបាច់បំផុតត្រូវបន្តអនុវត្តជារៀងរហូត

បានផុស

៤ សប្តាហ៍ មុន

នៅ

ថ្ងៃអង្គារ ១៧ ធ្នូ ២០២៤

ដោយ

សម្តេចវិបុលសេនាភក្តី សាយ ឈុំ អនុប្រធានគណបក្ស និងជាប្រធានគណៈប្រចាំការគណៈអចិន្ត្រៃយ៍ នៃគណៈកម្មាធិការកណ្តាល គណៈចលនាមហាជន បានថ្លែងថា «គណបក្សប្រជាជនមានឫសគល់ពីប្រជាជន នៅជាមួយប្រជាជន និងដើម្បីប្រជាជន»។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សម្តេចវិបុលសេនាភក្តី សាយ ឈុំ ថ្លែងបែបនេះ ខណៈអញ្ជើញអធិបតីភាពដ៏ខ្ពង់ខ្ពស់ក្នុងពេលបើកសន្និបាតបូកសរុបលទ្ធផលការងារឆ្នាំ ២០២៤ និងលើកទិសដៅការងារអនុវត្តបន្តសម្រាប់ឆ្នាំ ២០២៥ នៅវិមាន ៧ មករា រាជធានីភ្នំពេញ នាព្រឹកថ្ងៃអង្គារ ២ រោច ខែមិគសិរ ឆ្នាំរោង ឆស័ក ព.ស ២៥៦៨ ត្រូវនឹងថ្ងៃទី ១៧ ខែធ្នូ ឆ្នាំ ២០២៤។

ក្នុងពិធីបើកសន្និបាតគណៈចលនាមហាជន នៃគណៈកម្មាធិការកណ្តាលគណបក្សប្រជាជន បានរៀបចំឡើងក្រោមអធិបតីភាពដ៏ខ្ពង់ខ្ពស់របស់ សម្តេចវិបុលសេនាភក្តី សាយ ឈុំ អនុប្រធានគណបក្ស និងជាប្រធានគណៈប្រចាំការគណៈអចិន្ត្រៃយ៍ នៃគណៈកម្មាធិការកណ្តាល និង សម្តេចកិត្តិសង្គហបណ្ឌិត ម៉ែន សំអន អនុប្រធានគណបក្ស និងជាប្រធានគណៈចលនាមហាជន នៃគណៈកម្មាធិការកណ្តាល ព្រមទាំងសមាជិក-សមាជិកាគ្រប់ជាន់ថ្នាក់មកពីទូទាំងប្រទេសចូលរួមយ៉ាងច្រើនផងដែរ។

សម្តេចវិបុលសេនាភក្តី សាយ ឈុំ និងសម្តេចកិត្តិសង្គហបណ្ឌិត ម៉ែន សំអន ក៏បានផ្ដល់នូវអនុសាសន៍ល្អៗ ដើម្បីបន្តការងារចុះជួយដោះស្រាយទុក្ខលំបាកពលរដ្ឋរងផលប៉ះពាល់ និងការធ្វើសកម្មភាពសប្បុរសធម៌នានាមានសារៈសំខាន់ណាស់ដែលបានបង្ហាញអំពីសាមគ្គីភាព និងការយកចិត្តទុកដាក់លើពលរដ្ឋក្នុងពេលជួបគ្រាលំបាក ស្របតាមស្មារតីរបស់គណបក្សប្រជាជនកម្ពុជា ដែលមាន សម្តេចតេជោ ហ៊ុន សែន ជាប្រធានគណបក្សតែម្ដង។

ក្នុងអត្ថន័យរួមរបស់សន្និបាតនាឱកាសនេះ សំដៅជំរុញ និងបន្តអនុវត្តឲ្យមានប្រសិទ្ធិបំផុតតាមទិសដៅជាយុទ្ធសាស្ត្រដែលមានអត្ថប្រយោជន៍ដ៏សំខាន់ គឺ «គណបក្សប្រជាជនមានឫសគល់ពីប្រជាជន នៅជាមួយប្រជាជន និងដើម្បីប្រជាជន» ជាកត្តាចាំបាច់បំផុតដែលត្រូវបន្តអនុវត្តជារៀងរហូត ដើម្បីបម្រើប្រជាជន និងសង្គមជាតិ៕

អត្ថបទ ៖ វិមាន