ព័ត៌មានជាតិ
ហត់នឿយនឹងជីវិតជាពិការភាពពេក បុរសវ័យចំណាស់ម្នាក់លែងអាឡោះអាល័យលោកីយ៍ ចងកបញ្ចប់ជីវិត
បុរសវ័យចំណាស់ជាជនជាតិដើមភាគតិចមួយរូបនៅក្នុងស្រុក វើនសៃ ខេត្តរតនគិរី បានសម្រេចចងកបញ្ចប់ជីវិត លែងអាឡោះអាល័យនឹងលោកីយ៍តទៅទៀត ព្រោះហត់នឿយនឹងជីវិតជាជនមានពិការភាពពេក។ មុនសម្រេចបញ្ចប់ជីវិតនេះ បុរសវ័យចំណាស់ បានរងការឈឺចាប់ឥតឈប់ឈរពីដៃ និងជើងរបស់គាត់ដែលមានស្ថានភាពខ្វិនតាំងពីកំណើត។

បុរសវ័យចំណាស់ជាជនជាតិដើមភាគតិចដែលសម្លាប់ខ្លួននេះ គាត់មានឈ្មោះថា ខាំថង ដែង មានវ័យ៦៣ឆ្នាំ។ គាត់បានចងកសម្លាប់ខ្លួននៅថ្ងៃទី១៥ ខែធ្នូ ឆ្នាំ២០២៤កន្លងទៅ នៅផ្ទះរបស់គាត់ ស្ថិតនៅក្នុងឃុំកាចូន ស្រុកវើនសៃ ខេត្ករតនគិរី។ លោក ខាំថង ដែង មានសភាពខ្វិនដៃ ជើងតាំងពីកំណើត ហើយក្នុងមួយខែមកនេះ ដៃជើងរបស់គាត់បានចាប់ផ្តើមឈឺទាំងយប់ទាំងថ្ងៃ ដោយគាត់រស់នៅតែម្នាក់ឯង ក្នុងផ្ទះខ្ទមតូចមួយ នៅជិតផ្ទះជីដូនមួយ។ ដោយសារមានពិការភាព គាត់មិនមានប្រពន្ធទេ មានតែបងប្អូនសាច់ញាតិដែលតែងតែផ្តល់ចំណីអាហារដល់គាត់ជាប្រចាំថ្ងៃ។
មុនគាត់ចងកសម្លាប់ខ្លួន លោក ស្វែង បាន ដែលជាមេភូមិ និងជំនួយការភូមិ បានទិញថ្នាំផ្តល់ឱ្យគាត់ជាញឹកញាប់ដែរ ប៉ុន្តែ គាត់មិនបានយូរស្បើយពីជំងឺនេះឡើយ។ លោក ខាំថង ដែន មានជំងឺខ្វិនដៃជើងនេះតាំងពីកំណើតមកម្លេះ ហើយរស់នៅអាស្រ័យជាមួយបងប្អូន ភូមិផងរបងជាមួយ។ គាត់មិនដែលមានជម្លោះជាមួយអ្នកណាមួយឡើយ ហើយពេលមានពិធីបុណ្យសព ពិធីបុណ្យទានផ្សេងៗរបស់អ្នកភូមិ តែងតែឃើញគាត់កាន់ឈើច្រត់ ដៃតោងឡើងទៅលើ ជើងវិញមិនត្រង់ដូចជនដទៃឡើយ។ គាត់តែងតែអង្គុយកំដរសពនៅចុងជើងនៃសពស្លាប់នេះ ២ទៅ៣ថ្ងៃ ទើបយកសពកប់ ទើបគាត់ត្រឡប់ទៅផ្ទះខ្លួនវិញ។

លោក ខាំថង ដែន គាត់បានសុំឱ្យអ្នកស្រុក ភូមិ ជួយរើសផ្ទះរបស់គាត់ទៅតាំងនៅជិតប្អូនបង្កើត ហើយស្ថានភាពចុងក្រោយ គាត់ក្រោកដួលៗ បណ្តាលឱ្យគាត់លែងមានចិត្តចង់រស់តទៅទៀត ណាមួយគ្មានប្រពន្ធកូន នៅមើលថែរក្សា ផ្តល់បាយទឹក នំចំណី ព្រឹកល្ងាច គ្រប់គ្រាន់ផង ទើបបញ្ចប់ជីវិតរបស់ខ្លួនទៅ ដោយយកខ្សែភ្លើងចងភ្ជាប់លើថ្មើផ្ទះ ចងកសម្លាប់ខ្លួនតែម្តង៕
ដោយ៖ ខៀវ ចាប

-
ព័ត៌មានជាតិ២ ថ្ងៃ ago
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
ព័ត៌មានអន្ដរជាតិ៦ ថ្ងៃ ago
កម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ២ ថ្ងៃ ago
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានអន្ដរជាតិ១៩ ម៉ោង ago
មីយ៉ាន់ម៉ា៖ ក្រុមសង្គ្រោះតួកគី ជួយជីវិតបុរសម្នាក់ ក្រោយជាប់ក្រោមគំនរបាក់បែក៥ថ្ងៃ
-
សន្តិសុខសង្គម១ សប្តាហ៍ ago
ករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានជាតិ៦ ថ្ងៃ ago
បងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
សន្តិសុខសង្គម២ ថ្ងៃ ago
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
-
ចរាចរណ៍២ ថ្ងៃ ago
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល