ព័ត៌មានជាតិ

គណៈកម្មការផ្សារផ្សារអូឡាំពិក យកចិត្តទុកដាក់ទប់ស្កាត់ ជំងឺកូវីដ-១៩ទោះបីភ្ញៀវនិងអាជីវករថយចុះប្រហែល៥០ភាគរយ

បានផុស

៤ years មុន

នៅ

ថ្ងៃអង្គារ ១៦ មីនា ២០២១

ដោយ

ក្រោយពីមានការផ្ទុះឡើងជាថ្មីនូវជំងឺកូវីដ-១៩ ក្នុងសហគមន៍ព្រឹត្តិការណ៍សហគមន៍២០កុម្ភៈនេះគណៈកម្មការផ្សារអូឡាំពិកបាននឹងកំពុងយកចិត្តទុកដាក់យ៉ាងខ្លាំងក្នុងការទប់ស្កាត់នូវការរីករាលដាលនៃជំងឺកូវីដ-១៩នេះ ដោយអនុវត្តយ៉ាងខ្ជាប់ខ្ជួន ទៅតាមការណែនាំរបស់ក្រសួងសុខាភិបាលនិងអនុសាសន៍របស់សម្ដេចតេជោហ៊ុនសែននាយករដ្ឋមន្ត្រី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រធានគណៈកម្មការផ្សារអូឡាំពិកលោក ឡយ ស៊ាងអាង បានមានប្រសាសន៍លើកឡើងថា អនុវត្តតាមការណែនាំរបស់លោក ឃួង ស្រេងអភិបាលនៃគណៈអភិបាលរាជធានីភ្នំពេញ ក្នុងព្រឹត្តិការណ៍សហគមន៍២០កុម្ភៈនេះ គណៈកម្មការផ្សារអូឡាំពិក បានអនុវត្តនូវវិធានការជាច្រើនដើម្បីបង្ការទប់ស្កាត់នូវការរីករាលដាលនៃជំងឺកូវីដ-១៩ ដូចជា ការបាញ់ថ្នាំសម្លាប់មេរោគនៅគ្រប់ជាន់និងជុំវិញផ្សារដាក់អាកុលលាងដៃ រក្សាគម្លាតសុវត្ថិភាព ឲ្យបងប្អូនប្រជាពលរដ្ឋ អាជីវករពាក់ម៉ាស់ឲ្យបានគ្រប់គ្នា ជាមួយនឹងការដាក់ឱ្យប្រើប្រាស់ប្រព័ន្ធ QR Code “ទប់ស្កាត់ដូវីដ StopCovid នៅតាមច្រកសំខាន់ៗផងដែរ ។

លោកបញ្ជាក់ផងដែរថា ក្នុងព្រឹត្តិការណ៍សហគមន៍២០កុម្ភៈនេះ ចំពោះភ្ញៀវនិងអាជីវករពិតជាមានការថយចុះច្រើន គួរជាទីកត់សំគាល់គឺបានថយចុះប្រហែល៥០ភាគរយ ពោលគឺ ត្រឹមម៉ោង៣ទៅម៉ោង៤រសៀលពួកគាត់ទៅផ្ទះអស់ហើយ ដោយសារតែអស់ភ្ញៀវចេញចូលផ្សារ។

ប៉ុន្តែទោះបីជាយ៉ាងណាក្តី គណៈកម្មការផ្សារបានយកចិត្តទុកដាក់អនុវត្តជាប្រចាំនូវវិធានការ របស់ក្រសួងសុខាភិបាលនិងអនុសាសន៍ដឹកនាំរបស់សម្ដេចតេជោហ៊ុនសែនធ្វើយ៉ាងណាយើងរួមគ្នា ទប់ស្កាត់ឲ្យបាននូវការរីករាលដាលជំងឺកូវីដ-១៩ក្នុងព្រឹត្តិការណ៍សហគមន៍២០កុម្ភៈនេះឲ្យបានជោគជ័យ៕

អត្ថបទ ៖ ស្រីរ័ត្ន