ព័ត៌មានជាតិ

ឯកឧត្តមអភិសន្តិបណ្ឌិត ស សុខា ៖ ការពាក់មួកសុវត្ថិភាព កាត់បន្ថយពីធ្ងន់មកស្រាល គោលបំណងចង់ឱ្យពលរដ្ឋគោរពច្បាប់ចរាចរណ៍ជាជាងខ្លាចការអនុវត្តច្បាប់

បានផុស

៣០ វិនាទី មុន

នៅ

ថ្ងៃព្រហស្បតិ៍ ១៩ ធ្នូ ២០២៤

ដោយ

កំពង់ឆ្នាំង ៖ នារសៀលថ្ងៃទី១៩ ខែធ្នូ ឆ្នាំ២០២៤នេះ រដ្ឋបាលខេត្តកំពង់ឆ្នាំងបានប្រារព្ធទិវាអន្តរជាតិរំលឹកដល់ជនរងគ្រោះដោយគ្រោះថ្នាក់ចរាចរណ៍ផ្លូវគោកលើកទី៩ ក្រោមអធិបតីភាព ដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងមានមន្ត្រីរាជការកងកម្លាំងប្រដាប់អាវុធ សិស្សានុសិស្សនិងប្រជាពលរដ្ឋចូលរួមសរុបចំនួន១.២០០នាក់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងទិវាអន្តរជាតិនេះ ឯកឧត្ដមអភិសន្តិបណ្ឌិត ស សុខា បានលើកឡើងថា គ្រោះថ្នាក់ចរាចរណ៍ បានក្លាយជាគ្រោះមហន្តរាយមួយ ដែលជះឥទ្ធិពលដល់សុខុមាលភាព ជាសាធារណៈ។ គ្រោះថ្នាក់បានបង្កផលប៉ះពាល់ជាច្រើន មិនត្រឹមតែបាត់បង់អាយុជីវិត និងខូច ខាតទ្រព្យសម្បត្តិប៉ុណ្ណោះទេ អាចរងរបួសធ្លាក់ខ្លួនពិការភាព ប៉ះពាល់សេដ្ឋកិច្ចគ្រួសារ ជាពិសេសបាត់បង់ធនធានមនុស្សយុវជនទំពាំងស្នងឫស្សីនៃប្រទេសជាតិ បើសិនជាប្រជាពលរដ្ឋមិនចូលរួមគោរពច្បាប់ចរាចរណ៍ផ្លូវគោក ឱ្យបានខ្ជាប់ខ្ជួនគ្រប់ៗគ្នាទេនោះ មានតែការពាក់មួកសុវត្ថិភាពទេ ដែលចូលរួមការពារសុវត្ថិភាពខ្ពស់ក្នុងការការពារ និងកាត់បន្ថយពីធ្ងន់ ធ្ងរមកស្រាល ពីស្រាលមកមិនមានការគ្រោះថ្នាក់។ គោលបំណងសំខាន់ចង់ឱ្យប្រជាពលរដ្ឋគោរពច្បាប់ចរាចរណ៍ជាជាងខ្លាចការអនុវត្តច្បាប់របស់សមត្ថកិច្ច។

ឯកឧត្តមអភិសន្តិបណ្ឌិត បានបន្តថារហូតមកដល់ពេលនេះតាមរយៈការខិតខំប្រឹ ងប្រែងដោយស្មារតីទទួលត្រូវខ្ពស់របស់យន្តការចរាចរណ៍ផ្លូវគោកគ្រប់ជាន់ ថ្នាក់និងការដឹកនាំចរាចរណ៍មន្ត្រីផ្លូវគោកសាធារណការដឹកជញ្ជូនកងរាជអាវុធហត្ថ សមាជិកសមាជិកាមន្ត្រីពាក់ព័ន្ធទាំងអស់ ជាលទ្ធផលបានទទួល ការ កាត់បន្ថយគ្រោះថ្នាក់ចរាចរណ៍បានច្រើននាពេលនេះ។

ជាងនេះទៀតគ្រឿងស្រវឹងក៏ជាឃាតករលាក់មុខបង្កឱ្យមានគ្រោះថ្នាក់ចរាចរណ៍ប៉ះពាល់ដល់ជីវភាពរប្រជាពលរដ្ឋ និងគោលនយោបាយកាត់បន្ថយភាពក្រីក្ររបស់រាជរដ្ឋាភិបាល។

ឯកឧត្តមអភិសន្តិបណ្ឌិតបានមានប្រសាសន៍ទៀតថា គ្រោះថ្នាក់ចរាចរណ៍នៅក្នុងឆ្នាំ២ ០២៣និង២០២៤នេះមានចំនួនពី ១.៦ ០០ករណីទៅ១.៧០០ករណីបណ្ដាលឱ្យមានអ្នកស្លាប់ ២.១៥២នាក់ ភាគច្រើនជន រងគ្រោះមានអាយុចន្លោះពី១៨ ឆ្នាំទៅ ២៥ ឆ្នាំ។ ក្នុងនោះគ្រោះថ្នាក់ចរា ចរណ៍ពេលយប់មាន ៧៧% , ជិះម៉ូតូមិនពាក់មួកសុវត្ថិភាពមាន ៧៩%, បើករបរហួសល្បឿនកំណត់ ៤០%។

ដោយឡែកខេត្តកំពង់ឆ្នាំងក្នុងឆ្នាំ២០២៤ នេះបានកើតឡើងចំនួន៧៣ករណី កើនឡើងជាងឆ្នាំមុន មានអ្នកស្លាប់ ៥៥នាក់ និងអ្នករបួសធ្ងន់ស្រាលជាង ២០០នាក់។

ឯកឧត្តមអភិសន្តិបណ្ឌិតបានផ្ដាំផ្ញើដល់អនុគណៈកម្មការសុវត្ថិភាពចរាចរណ៍ផ្លូវ គោកខេត្តកំពង់ឆ្នាំង និងសមត្ថកិច្ចត្រូវយកចិត្តទុកដាក់គិតគូរការដាក់ផ្លាកសញ្ញាចរាចរណ៍ តាមដងផ្លូវគំនូសសញ្ញាលើដងផ្លូវសំខាន់ៗ ដើម្បីបញ្ចៀសគ្រោះថ្នាក់ចរាចរណ៍។

យានយន្តដឹកជញ្ជូនត្រូវត្រួត ពិនិត្យមើលភ្លើង កង់ ហ្វ្រាំង ពិសេសគឺការធ្វើឈៀកយានយន្ត។ ត្រូវរៀបចំកសាងសួនសិប្បនិម្មិត សុវត្ថិភាពចរាចរណ៍ផ្លូវ គោកនៅក្នុងខេត្ត ដើម្បីឱ្យសិស្សានុសិស្សនិងប្រជាពលរដ្ឋបានរៀនសូត្រអំពីច្បាប់ចរាចរណ៍ផ្លូវគោក។

សមត្ថកិច្ចជំនាញត្រូវអនុវត្តពង្រឹងច្បាប់ចរាចរផ្លូវគោកឱ្យបានម៉ឺងម៉ាត់ច្បាស់លាស់។ ក្នុងទិសដៅយើងនៅក្នុងឆ្នាំ២០៣០ ត្រូវកាត់បន្ថយគ្រោះថ្នាក់ចរាចរណ៍ឱ្យបាន ៥០ %ហ្នឹងនៅក្នុងអាណត្តិរាជរដ្ឋាភិបាលទី ៧ នេះក៏ត្រូវតែយកចិត្តទុកដាក់កាត់បន្ថយគ្រោះ ថ្នាក់ចរាចរណ៍ឱ្យបាន ៥០% ផងដែរ។ ក្នុងនោះផងដែរ អង្គការរបស់ប្រទេសជប៉ុនក៏បានឧបត្ថម្ភមួកសុវត្ថិភាពចំនួន១.៥០០ មួក ជូនគណៈកម្មការសុវត្ថិភាពចរាចរណ៍ផ្លូវគោក។ ព្រមទាំងបានចែកមួកសុវត្ថិភាពដល់អ្នកចូលរួមចំនួន១.២០០នាក់។

ឯកឧត្តមអភិសន្តិបណ្ឌិត ក៏បានចូលរួមបង្សុកូលឧទ្ទិសកុសលជូនប្រជាពលរដ្ឋដែលបានស្លាប់ដោយសារគ្រោះថ្នាក់ចរាចរណ៍ នៅក្នុងប្រទេសកម្ពុជាទាំងអស់ ដោយបានបួងសួងសូមឱ្យវិញ្ញាណក្ខន្ធពួកគាត់ បានចាប់កំណើតក្នុងសុគតិភពកុំបីឃ្លៀងឃ្លាតឡើយ៕

ដោយ ៖ ឈៀងថារិទ្ធ