ព័ត៌មានជាតិ
ការដ្ឋាន ១ កន្លែង ក្នុងខណ្ឌបឹងកេងកង យកសម្ភារៈដំណើរការសាងសង់ ដាក់លើចំណីផ្លូវ ប៉ះពាល់ពលរដ្ឋធ្វើដំណើរ
ទីតាំងការដ្ឋាន ១ កន្លែង បានយកសម្ភារៈសម្រាប់ដំណើរការសាងសង់ដាក់លើចំណីផ្លូវ ជាហេតុធ្វើឲ្យប្រជាពលរដ្ឋពិបាកធ្វើដំណើរ បង្កការកកស្ទះចរាចរណ៍ និងគ្មានផ្លូវដើរសម្រាប់អ្នកថ្មើរជើង។
ជាក់ស្ដែងទីតាំងការដ្ឋានកំពុងសាងសង់ ១ កន្លែង ខាងលើ ស្ថិតនៅខាងក្រោយសាលាវិទ្យាល័យបឹងកេងកង តាមបណ្ដោយផ្លូវ ៧១ កែងផ្លូវលេខ ៣៦០ សង្កាត់បឹងកេងកង ១ ខណ្ឌបឹងកេងកង រាជធានីភ្នំពេញ។
បើតាមការសាកសួរ លោក វណ្ណារ៉ា ជាបុគ្គលិកក្រុមហ៊ុន នៅជិតទីតាំងការដ្ឋាន បានប្រាប់ឲ្យ កម្ពុជាថ្មី ដឹងថា ការដាក់គ្រឿងសំណង់(ប្រភេទដុំថ្ម) នៅលើផ្លូវដូច្នេះវាអាចបង្កនូវការកកស្ទះចរាចរណ៍ នៅពេលដែលប្រជាពលរដ្ឋធ្វើដំណើរឆ្លងកាត់ ជាពិសេសនោះសូម្បីតែគាត់ផ្ទាល់ពេលដើរចេញមកទិញម្ហូបហូបក៏ពិបាកក្នុងការដើរដែរ ដោយសារតែដើរថ្មើរជើង ត្រូវដើរនៅលើចំណីផ្លូវ អាចនឹងបង្កគ្រោះថ្នាក់ជាយថាហេតុ។
ពាក់ព័ន្ធបញ្ហានេះ លោក ហេង ពិសិដ្ឋ អភិបាលរងខណ្ឌបឹងកេងកង បានបញ្ជាក់ឲ្យ កម្ពុជាថ្មី ដឹងថា ចំពោះបញ្ហាសណ្ដាប់ធ្នាប់នេះ អាជ្ញាធរតែងតែចុះណែនាំ និងធ្វើកិច្ចសន្យាជាមួយទីតាំងការដ្ឋានជាប្រចាំ ប៉ុន្តែម្ចាស់ទីតាំងការដ្ឋាន និងអាជីវករមួយចំនួន មិនចូលរួមសហការជាមួយអាជ្ញាធរ ដោយចាំមើលពេលអាជ្ញាធរភ្លេចខ្លួន ម្ចាស់ទីតាំងការដ្ឋាន រួមអាជីវករ បានយកសម្ភារៈ ឬ អីវ៉ាន់ ដាក់នៅលើដីចំណីដដែល។
លោកអភិបាលរង បានបន្តថា លោកនឹងចាត់មន្ត្រីជំនាញ ចុះទៅពិនិត្យមើល និងឲ្យយកសម្ភារៈ ឬ អីវ៉ាន់ ចេញពីលើផ្លូវជាបន្ទាន់ ព្រមទាំងធ្វើកិច្ចសន្យាណែនាំបន្ថែមទៀត។
សូមបញ្ជាក់ថា លោក ឃួង ស្រេង អភិបាលរាជធានីភ្នំពេញ តែងតែក្រើនរំលឹកដល់អាជ្ញាធរទាំង ១៤ ខណ្ឌ ឲ្យយកចិត្តទុកដាក់ជាប់ជាប្រចាំពីបញ្ហា សណ្ដាប់ធ្នាប់ បរិស្ថានអនាម័យ សាធារណៈ ជាពិសេសការរំលោភយកផ្លូវធ្វើជាចំណត កន្លែងតាំងលក់ កន្លែងទុកដាក់សម្ភារៈ ជាដើម ដែលបង្កការកកស្ទះចរាចរណ៍ និងបាត់បង់សណ្ដាប់ធ្នាប់ អាចបង្កគ្រោះថ្នាក់បានដល់អ្នកធ្វើដំណើរ៕
អត្ថបទ ៖ ម៉េង
អាវុធហត្ថខេត្តតាកែវ ប្រជុំអនុវត្តផែនការការពារសន្តិសុខ និងសង្គ្រោះឧបទ្ទវហេតុផ្សេងៗក្នុងថ្ងៃចូលឆ្នាំ
ផ្ទាំងទស្សនីយភាពជាច្រើន ត្រៀមបង្ហាញនៅអង្គរសង្ក្រាន្ត
ឱកាសចូលឆ្នាំ៖ អភិបាលខេត្តកណ្ដាលឱ្យកម្លាំងយកចិត្តទុកដាក់ជួយបញ្ចៀសការកកស្ទះចរាចរណ៍
ពងទា១ពាន់គ្រាប់ ត្រូវបានដាក់ឱ្យអ្នកចូលរួមសង្រ្កាន្តស្រុកខ្សាច់កណ្ដាល បរិភោគឥតគិតថ្លៃ
ថ្ងៃចូលឆ្នាំ៖ ទណ្ឌិតចំនួន ៣៤២នាក់ ត្រូវបានបន្ធូរបន្ថយទោស
កុំភ្លេចទស្សនា! ជើងខ្លាំងកម្ពុជា ៤រូបប្រកួតនៅសហរដ្ឋអាមេរិកស្អែកនេះហើយ
ថៃ ព្រមាន! យុវជនបង្ហោះរូបស្រាតពេលលេងសប្បាយបុណ្យសង្ក្រាន្ត ប្រឈមជាប់ពន្ធនាគារ៥ឆ្នាំ
ត្រាំ ថា កិច្ចព្រមព្រៀងសន្តិសុខជាមួយជប៉ុន ដូចធ្ងន់មកខាងអាមេរិកពេកហើយ
ឪពុកក្មេក ម្ដាយក្មេកសម្ដេចធិបតី ទស្សនាកម្សាន្តសិល្បៈនៅផ្លូវថ្មេីរជេីង(Walk Street)
បានរថយន្តក្រុងជិះឥតគិតថ្លៃ ស្រ្តីម្នាក់កាត់បន្ថយចំណាយបានជាង ៣០ ម៉ឺនរៀល ពេលលេងស្រុកម្តងៗឱកាសចូលឆ្នាំ
-
សន្តិសុខសង្គម១ សប្តាហ៍ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម៦ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ៦ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
សន្តិសុខសង្គម១ សប្តាហ៍ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
សន្តិសុខសង្គម៥ ថ្ងៃ agoលោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
-
ព័ត៌មានជាតិ៣ ថ្ងៃ agoនគរបាលខណ្ឌសែនសុខ ហៅយុជនក្រុមសម្រួលចរាចរណ៍ មកណែនាំ និងដកហូតឯកសណ្ឋាន
-
ព័ត៌មានអន្ដរជាតិ៤ ថ្ងៃ agoពន្ធគយបដិការរបស់ត្រាំ ចូលជាធរមាន ដោយមិនលើកលែងប្រទេសណាមួយ
-
ព័ត៌មានអន្ដរជាតិ១ សប្តាហ៍ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល