ការបង្កបង្កើនផលស្រូវរដូវប្រាំងកសិករក្នុងខេត្តក្រចេះឆ្នាំនេះ សម្រេចបានជិត ១០០ ភាគរយនៃផែនការ

ការដាំដុះដំណាំស្រូវរដូវប្រាំងរបស់ប្រជាកសិករក្នុងខេត្តក្រចេះក្នុងឆ្នាំនេះ បានសម្រេច ១៦ ៤២៤ ហិកតា ស្មើនឹង ៩៩,៩៦ ភាគរយ នៃផែនការឆ្នាំ២០២៤ នេះបើប្រៀបធៀបទៅនឹងឆ្នាំមុនបានសម្រេចលឿនជាង ២២០១ហិកតា។
នេះបើ​តាមការឲ្យដឹងពី លោក សំ សំអាន ប្រធានការិយាល័យក្សេតសាស្រ្ដ និងផលិតភាពកសិកម្ម នៃមន្ទីរកសិកម្ម រុក្ខាប្រមាញ់ និង នេសាទខេត្តក្រចេះ។

ការដាំដុះស្រូវរដូវប្រាំងរបស់កសិករបានលឿនបែបនេះ លោក សំ សំអាង បានបញ្ជាក់ថា ព្រោះទឹកជំនន់ឆ្នាំនេះ បាន​ឡេីងខ្ពស់ និងបានហូរចូលពេញទំនប់អាងទាំងអស់ក្នុងខេត្ត ធ្វេីឲ្យប្រជាកសិករនាំគ្នាធ្វេីស្រូវស្រែប្រាំងទាន់ដេីមរដូវ។ ទន្ទឹមនេះ កសិករនៅតំបន់មួយចំនួនក៏មានជួបបញ្ហាប្រឈមពាក់ព័ន្ធនឹងកង្វះខាតទឹកសម្រាប់ស្រោចស្រប់ផងដែរ បន្ទាប់​ពី​ធ្វេីការដាំដុះ។ ដូចនេះទេីបមន្ទីរកសិកម្មរុក្ខាប្រមាញ់ និងនេសាទ ខេត្តក្រចេះ បានសហការណ៍ជាមួយមន្ទីរធនធានទឹក និងឧតុនិយមខេត្ត ចុះជួយធ្វេីអន្តរាគនម៍ ដោយបញ្ជូនម៉ាស៊ីនបូមទឹក ទៅបូមបញ្ជូលអាងជូនពួកគាត់ សម្រាប់បូមដាក់ស្រូវរបស់ពួកគាត់នាពេលចាំបាច់។

លោកបញ្ជាក់បន្ថែមថា តំបន់ដែរប្រឈមបញ្ហាខ្វះទឹកប្រេីប្រាស់នោះ ដោយសារកម្ដៅ និងខ្យល់មានការប្រែប្រួលខ្លាំង ធ្ធ្វេីឲ្យតំបន់ខ្លះមានការរិញស្ងួត ចំពោះតំបន់ដែរប្រឈម និងការខ្វាស់ទឹកស្រោចស្រព នាពេលនេះ រួមមានឃុំដារ ស្រុកចិត្របុរី , ឃុំព្រែកប្រសព្វ ស្រុកព្រែកសព្វ ឃុំព្រែកសាម៉ាន់ ឃុំពង្រ និងឃុំខ្សាច់អណ្ដែតស្រុកឆ្លូង នៃខេត្តក្រចេះ៕

អត្ថបទ៖ ប្រុញ វិធិន