ព័ត៌មានជាតិ

រដ្ឋបាលខណ្ឌឫស្សីកែវ បន្តសម្អាតរៀបចំសណ្ដាប់ធ្នាប់របៀបរៀបរយ ក្នុងមូលដ្ឋានជាប្រចាំ

បានផុស

៤ សប្តាហ៍ មុន

នៅ

ថ្ងៃអង្គារ ២៤ ធ្នូ ២០២៤

ដោយ

រដ្ឋបាលខណ្ឌឫស្សីកែវ បន្តសម្អាតរៀបចំសណ្ដាប់ធ្នាប់របៀបរៀបរយក្នុងមូលដ្ឋានជាប់ជាប្រចាំ ក្រោមការណែនាំរបស់ រដ្ឋបាលរាជធានីភ្នំពេញ ឲ្យ រដ្ឋបាលខណ្ឌទាំង ១៤ យកចិត្តទុកដាក់ បន្តធ្វើការសម្អាត និងរៀបចំសណ្ដាប់ធ្នាប់ក្នុងមូលដ្ឋាន។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ជាក់ស្ដែងកាលពីព្រឹកថ្ងៃទី ២៤ ខែធ្នូ ឆ្នាំ ២០២៤ នេះ កម្លាំងសណ្ដាប់ធ្នាប់ខណ្ឌឫស្សីកែវ ប្រជាការពារ សង្កាត់ បានបន្តចុះឈូសឆាយដីដែលកល់លើផ្លូវ កើបយកសំរាម កាប់មែកឈើ បោសសំអាតចិញ្ចើមផ្លូវ លើកាឡូរ៉ាថ្មើរជើង និងកាប់គាស់ស្មៅដុះទ្រុបលើផ្លូវ ធ្វើឲ្យបាត់បង់សោភ័ណភាព ចិញ្ចើមថ្នល់។

កម្លាំងសណ្ដាប់ធ្នាប់ខណ្ឌ បានឲ្យដឹងថា ដោយអនុវត្តតាមការណែនាំពី លោក ជិន ប៊ុនធឿន អភិបាល នៃគណៈអភិបាលខណ្ឌ បានដាក់បទបញ្ជាឲ្យកម្លាំងសណ្ដាប់ធ្នាប់ ប្រជាការពារសង្កាត់ទាំងអស់ ក្នុងមូលដ្ឋាន សហការចូលរួមធ្វើអនាម័យឲ្យបានជាប់ជាប្រចាំ ដើម្បីធានាបាននូវ បរិស្ថានស្អាត អនាម័យល្អ និងទីក្រុងមានសោភ័ណភាពផងដែរ។

ជាចុងក្រោយ តាងនាមរដ្ឋបាលខណ្ឌ ក៏ស្នើឲ្យ ប្រជាពលរដ្ឋ ត្រូវរួមគ្នាសម្អាតនៅមុខផ្ទះឲ្យបានស្អាតជាប្រចាំ។ ត្រូវវេចខ្ចប់កាកសំណល់សំរាមឲ្យល្អ និងនាំយកទៅទុកដាក់ឲ្យបានត្រឹមត្រូវ។ មិនត្រូវបោះចោលសំរាមគ្មានសណ្ដាប់ធ្នាប់នៅតាមទីសាធារណៈនោះទេ ទើបអាចសម្អាតអនាម័យបរិស្ថានបានល្អ និងមានសោភ័ណភាព៕

អត្ថបទ ៖ សំណាង