ព័ត៌មានជាតិ
ក្រសួងការងារ អះអាងថា ការយកកម្រៃសេវាបោះត្រាអនុញ្ញាតចេញ-ចូល ប្រទេសថៃ មិនមែនជាសមត្ថកិច្ចរបស់ភាគីកម្ពុជាទេ
ក្រសួងការងារ និងបណ្ដុះបណ្ដាលវិជ្ជាជីវៈ បានអះអាងថា ការយកកម្រៃសេវាបោះត្រាការអនុញ្ញាត ចេញ-ចូលជាការកំណត់របស់ភាគីថៃ មិនមែនជាសមត្ថកិច្ចរបស់ភាគីកម្ពុជានោះទេ។
ការអះអាងរបស់ក្រសួងការងារនេះបានធ្វើឡើងបន្ទាប់ពីនាពេលថ្មីៗ នេះ មានការផ្សព្វផ្សាយអំពីការដំឡើងថ្លៃកម្រៃ សេវាបោះត្រាការអនុញ្ញាតចេញ-ចូល (Re-Entry Permit) តាមច្រកទ្វារព្រំដែនអន្តរជាតិកម្ពុជា-ថៃ និងបង់កម្រៃសេវានេះជូនភាគីកម្ពុជា។
បើតាមសេចក្ដីបំភ្លឺស្ដីពីកម្រៃសេវាការអនុញ្ញាតចេញ-ចូលសម្រាប់ពលករខ្មែរ ឆ្លងកាត់ច្រកទ្វារព្រំដែនអន្តរជាតិកម្ពុជា-ថៃរបស់ក្រសួងការងារ និងបណ្ដុះបណ្ដាលវិជ្ជាជីវៈ បានបន្តថា ទាក់ទងនឹងការលើកឡើងនេះ ក្រសួង សូមបំភ្លឺថា ការយកកម្រៃសេវាបោះត្រាការអនុញ្ញាត ចេញ-ចូលនេះ ជាការកំណត់របស់ភាគីថៃ មិនមែនជាសមត្ថកិច្ចរបស់ភាគីកម្ពុជាក្នុងការកំណត់ និងទទួលសេវា នោះទេ។ ជាក់ស្តែង ក្រសួងមហាផ្ទៃ នៃប្រទេសថៃ បានកំណត់កម្រៃសេវាការអនុញ្ញាតចេញ-ចូលម្តង (Single Re-Entry Permit) ចំនួន ១ ០០០ បាត និងសេវាការអនុញ្ញាតចេញ-ចូលច្រើនដង (Multiple Re-Entry Permit) ចំនួន ៣ ៨០០ បាត សម្រាប់បង់ជូនទៅភាគីថៃ។
ក្រសួងសូមបញ្ជាក់ថា កន្លងមក រាជរដ្ឋាភិបាលកម្ពុជា បានស្នើសុំភាគីថៃលើកលែង និងបញ្ចុះកម្រៃសេវា ពាក់ព័ន្ធនឹងចំណាយរបស់ពលករខ្មែរ ជាក់ស្ដែងភាគីថៃ បានបញ្ចុះកម្រៃសេវាទិដ្ឋាការប្រភេទការងារពី ២០ ០០០ បាត មក ៥០០ បាត (ចាប់ពីថ្ងៃទី ១១ ខែវិច្ឆិកា ឆ្នាំ ២០២៣ ដល់ថ្ងៃទី ១១ ខែវិច្ឆិកា ឆ្នាំ ២០២៧) និងលើកលែងកម្រៃសេវាការអនុញ្ញាតចេញ-ចូល សម្រាប់ពលករខ្មែរវិលត្រឡប់មកស្រុកកំណើតអំឡុងពេលពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំ ២០២៤។
ក្រសួងការងារ បន្ថែមថា ដោយពិនិត្យឃើញថា ក្នុងអំឡុងពេលប៉ុន្មានថ្ងៃនេះ មានពលករខ្មែរបានកកស្ទះក្នុងការបំពេញបែបបទចេញ-ចូលតាមច្រកទ្វារព្រំដែនអន្តរជាតិ ភាគីថៃបានបន្ថែមកម្លាំង និងសហការជាមួយអនុព័ន្ធការងារអម ស្ថានឯកអគ្គរាជទូត នៃព្រះរាជាណាចក្រកម្ពុជាប្រចាំព្រះរាជាណាចក្រថៃឡង់ដ៍ និងមន្ត្រីពាក់ព័ន្ធរបស់ភាគីកម្ពុជា ដើម្បីសម្របសម្រួលបំពេញបែបបទឱ្យបានឆាប់រហ័សជូនពលករខ្មែរ។
ក្រសួងការងារ បានណែនាំថា ដើម្បីចៀសវាងការកកស្ទះនៅច្រកទ្វារព្រំដែនអន្តរជាតិកម្ពុជា-ថៃ ក្រសួង សូមជម្រាបជូនពលករខ្មែរដែលមានបំណងធ្វើដំណើរចេញ-ចូលប្រទេសថៃ ត្រូវដាក់ពាក្យស្នើសុំការអនុញ្ញាតចេញ-ចូលនៅការិយាល័យអន្តោប្រវេសន៍តាមបណ្តាខេត្តក្នុងប្រទេសថៃដែលពលករកំពុងស្នាក់នៅ មុនធ្វើដំណើរចេញពីប្រទេសថៃ ដើម្បីរក្សាសុពលភាព ទិដ្ឋាការការងាររបស់ខ្លួន។
គួរបញ្ជាក់ថា បច្ចុប្បន្នមានពលករខ្មែរកំពុងស្នាក់នៅ និងធ្វើការនៅប្រទេសថៃ ចំនួន ១ ២៦២ ១៧៥ នាក់ ស្រី ៥០៨ ៦៤៦ នាក់ ជាមធ្យមទទួលបានប្រាក់ខែ ៤០០ ដុល្លារ ក្នុង ១ ខែ និងផ្ញើថវិកាមកក្រុមគ្រួសារវិញប្រមាណជាង ២ ពាន់លានដុល្លារ ក្នុង ១ ឆ្នាំ បានចូលរួមលើកស្ទួយសេដ្ឋកិច្ចគ្រួសារ ក៏ដូចជាសេដ្ឋកិច្ចជាតិកាន់តែប្រសើរ៕
អត្ថបទ ៖ សំអឿន
ឧក្រិដ្ឋជនមួយក្រុមក្លែងបន្លំជាសមត្ថកិច្ច ស្លៀកពាក់ឯកសណ្ឋានកងរាជអាវុធហត្ថ និងនគរបាលជាតិ ធ្វើសកម្មភាពចាប់ជំរិតទារប្រាក់នៅខេត្តព្រះសីហនុ
ក្រុមតវ៉ាគាំទ្រប្រធានាធិបតី Yoon ប្រែក្លាយទៅហិង្សា ក្រោយតុលាការចេញដីកាចាប់ខ្លួន
កម្លាំងសមត្ថកិច្ចចុះបង្ក្រាបទីតាំងបង្កប់ល្បែងស៊ីសងអនឡាញ ឃាត់ខ្លួនជនជាតិចិន និងវៀតណាម ជាង៣០០នាក់
ស្តី្រចំណាប់ខ្មាំង២នាក់ទៀតដោះលែងដោយក្រុមហាម៉ាស
ថៃមានចំណាប់ខ្មាំង៨រូបនៅក្នុងដៃហាម៉ាស និងអំពាវនាវឲ្យដោះលែងក្រោមបទឈប់បាញ់នេះ
សង្ស័យស្រវឹង បើករថយន្តបុកម៉ូតូពីក្រោយរបួសស្រាលម្នាក់ រួចគេចទៅបុកម៉ូតូ ១ គ្រឿងទៀត ស្លាប់មនុស្សម្នាក់
តំបន់ភ្លើងឆេះព្រៃនៅរដ្ឋកាលីហ្វ័រញ៉ា នឹងជួបខ្យល់ព្យុះខ្លាំងក្លាចំថ្ងៃត្រាំចូលស្បងកាន់តំណែង
«ឆ្នេរតេជោសន្តិភាពកែប» នឹងបើកការដ្ឋានសាងសង់នៅសប្តាហ៍ក្រោយនេះ
វិញ្ញាសារសំណេរអង្គរលើកទី២ រំលេចពីភាពអស្ចារ្យនៃប្រាសាទអង្គរ
រោងម៉ាស៊ីន ឡាយ សែ នៅស្រុកថ្មគោលប្រមូលទិញស្រូវពីកសិករមួយថ្ងៃចន្លោះពី ១ ៥០០ តោនទៅ ១ ៨០០ តោន
-
ចរាចរណ៍៧ ថ្ងៃ agoជិះម៉ូតូបញ្ច្រាសផ្លូវ បុកម៉ូតូមួយគ្រឿងទៀតស្លាប់ម្នាក់ និងរបួសធ្ងន់ស្រាល៣នាក់
-
ចរាចរណ៍៧ ថ្ងៃ agoយុវជនម្នាក់ ចេញពីធ្វើការត្រលប់ទៅកន្លែងស្នាក់នៅវិញ ជួបគ្រោះថ្នាក់ចរាចរណ៍ ដួលបោកក្បាលស្លាប់លើស្ពានព្រែកព្នៅ
-
ព័ត៌មានអន្ដរជាតិ២ ថ្ងៃ agoទើបធូរពីភ្លើងឆេះព្រៃបានបន្តិច រដ្ឋកាលីហ្វ័រញ៉ា ស្រាប់តែជួបគ្រោះធម្មជាតិថ្មីទៀត
-
ព័ត៌មានជាតិ៥ ថ្ងៃ agoជនជាតិភាគតិចម្នាក់នៅខេត្តមណ្ឌលគិរីចូលដាក់អន្ទាក់មាន់នៅក្នុងព្រៃ ត្រូវហ្វូងសត្វដំរីព្រៃជាន់ស្លាប់
-
កីឡា៣ ថ្ងៃ agoភរិយាលោក អេ ភូថង បដិសេធទាំងស្រុងរឿងចង់ប្រជែងប្រធានសហព័ន្ធគុនខ្មែរ
-
ព័ត៌មានជាតិ៣ ថ្ងៃ agoលោក លី រតនរស្មី ត្រូវបានបញ្ឈប់ពីមន្ត្រីបក្សប្រជាជនតាំងពីខែមីនា ឆ្នាំ២០២៤
-
ព័ត៌មានអន្ដរជាតិ៤ ថ្ងៃ agoឆេះភ្នំនៅថៃ បង្កការភ្ញាក់ផ្អើលនិងភ័យរន្ធត់
-
ព័ត៌មានជាតិ៣ ថ្ងៃ agoអ្នកតាមដាន៖មិនបាច់ឆ្ងល់ច្រើនទេ មេប៉ូលីសថៃបង្ហាញហើយថាឃាតកម្មលោក លិម គិមយ៉ា ជាទំនាស់បុគ្គល មិនមានពាក់ព័ន្ធនយោបាយកម្ពុជាឡើយ