ព័ត៌មានជាតិ

បាញ់ថ្នាំសម្លាប់មេរោគ នៅអគារមិត្តភាព ទីស្ដីការគណ:រដ្ឋមន្ត្រី

បានផុស

៤ years មុន

នៅ

ថ្ងៃសុក្រ ៦ វិច្ឆិកា ២០២០

ដោយ

ប្រភពព័ត៌មានពីកម្លាំងសមត្ថកិច្ច បានឲ្យដឹងនៅព្រឹកថ្ងៃទី០៦ ខែវិច្ឆិកា នេះថា កងប្រតិបត្តិការរុករក និងសង្គ្រោះ៧១១ នៃកងពលតូចលេខ៧០ បានចេញប្រតិបត្តិការបាញ់ថ្នាំសម្លាប់មេរោគ នៅអគារមិត្តភាពទីស្ដីការគណ:រដ្ឋមន្ត្រី ដើម្បីប្រយុទ្ធប្រឆាំងនឹងជំងឺកូវីដ-១៩ ។

ប្រតិបត្តិការនេះធ្វើឡើងបន្ទាប់ពី មានបទបញ្ជាផ្ទាល់ពីលោក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក និងលោកឧត្ដមសេនីយ៍ឯក ម៉ៅ សុផាន់ មេបញ្ជាការកងពលតូចលេខ៧០។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

គួរកត់សម្គាល់ដែរថា ប្រតិបត្តិការបាញ់ថ្នាំសម្លាប់មេរោគនេះ ធ្វើឡើងបន្ទាប់ពីលោក ភីធ័រ ហ្សីយាតូ (Péter Szijjártó) រដ្ឋមន្ត្រីការបរទេស និងពាណិជ្ជកម្មហុងគ្រី មានវីរុសកូវីដ-១៩ ក្រោពីបានអញ្ជើញបំពេញទស្សនកិច្ច និងសម្ពោធការិយាល័យ នៃស្ថានទូតហុងគ្រី ប្រចាំព្រះរាជាណាចក្រកម្ពុជា ព្រមទាំងបានជួបជាមួយថ្នាក់ដឹកនាំជាន់ខ្ពស់របស់កម្ពុជា ជាច្រើនរូប ។

បើតាមរដ្ឋមន្រ្តី ក្រសួងសុខាភិបាលថៃ លោក Anutin Charnvirakul បាននិយាយថា លោក Peter Szijjarto និងគណៈប្រតិភូ ដែលមានសមាជិក១២នាក់ ត្រូវបានធ្វើតេស្ត ក្រោយពេលចាកចេញពីប្រទេសកម្ពុជា ប៉ុន្តែមានតែលោករដ្ឋមន្រ្តីក្រសួងការបរទេសម្នាក់ប៉ុណ្ណោះ ដែលត្រូវបានរកឃើញថា ឆ្លងមេរោគនេះ។

សូមបញ្ជាក់ថា ប្រតិបត្តិការបាញ់ថ្មាំ សម្លាប់មេរោគនេះ បានធ្វើឡើង កាលពីយប់ថ្ងៃទី០៤ ខែវិច្ឆិកា ឆ្នាំ២០២០៕

អត្ថបទ ៖ កោះកែវ