ខណ្ឌរដ្ឋបាលជលផលកំពង់ចាម បន្តបង្ក្រាបបទល្មើសនេសាទ នៅស្រុកបាធាយ បានចំនួន ១ករណី

ខណ្ឌរដ្ឋបាលជលផលកំពង់ចាម នៅថ្ងៃទី៤ ខែមករា ឆ្នាំ២០២៥ នេះ បានបន្តបង្ក្រាបបទល្មើសនេសាទនៅក្នុងភូមិសាស្ត្រស្រុកបាធាយ បានចំនួន ១ករណី។

មន្ត្រីរដ្ឋបាលជលផលបានដឹងថា ខណ្ឌរដ្ឋបាលជលផលកំពង់ចាម ចុះប្រតិបត្តិការ សហការជាមួយអធិការដ្ឋានរដ្ឋបាលជលផលមេគង្គ អធិការដ្ឋានរដ្ឋបាលជលផលចតុមុខ ខណ្ឌរដ្ឋបាលជលផលកំពង់ឆ្នាំង អាជ្ញាធរស្រុកបាធាយ និងកម្លាំងកងរាជអាវុធហត្ថស្រុកបាធាយ ដោយមានការសម្របសម្រួលពីឯកឧត្តម វង្ស ប៊ុនវិសុទ្ធ ព្រះរាជអាជ្ញានៃអយ្យការអមសាលាដំបូងខេត្តកំពង់ចាម បានចុះត្រួតពិនិត្យ និងបង្រ្កាបបទល្មើសជលផល បានចំនួន ១ករណី នៅចំណុចតាមដងទន្លេសាប ភូមិអូរម៉ាល់ ឃុំបាធាយ ស្រុកបាធាយ ខេត្តកំពង់ចាម។

ចំពោះវត្ថុតាងដែលបង្ក្រាបបាន រួមមាន ឧករណ៍លបប្រឺស១០០ ចំនួន ៤២គ្រឿង កានចំនួន ៥៥កាន៕

អត្ថបទ​ និង​រូបភាព​៖​ឡេក​ ចាន់ពេជ្រ