ព័ត៌មានជាតិ

អាជ្ញាធរសង្កាត់ភ្លើងឆេះរទេះ បន្តស្ថាបនាផ្លូវបេតុង ០១ ខ្សែទៀត ក្នុងភូមិគោកខ្សាច់

បានផុស

១ ខែ មុន

នៅ

ថ្ងៃចន្ទ ៦ មករា ២០២៥

ដោយ

កាលពីព្រឹកថ្ងៃទី ០៥ ខែមករា ឆ្នាំ ២០២៥ ម្សិលមិញនេះ លោក ស៊ិន វុទ្ធី ចៅសង្កាត់ភ្លើងឆេះរទេះ បានដឹកនាំក្រុមការងារចុះដាក់គ្រឿងចក្រឈូសឆាយស្ថាបនាផ្លូវបេតុង ០១ ខ្សែ ជូនប្រជាពលរដ្ឋក្នុងមូលដ្ឋានភូមិគោកខ្សាច់ ដើម្បីងាយស្រួលធ្វើដំណើរ ក៏ដូចជាប្រកបរបរចិញ្ចឹមជីវិតប្រចាំថ្ងៃ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរបានឲ្យដឹងថា ដោយឃើញពីទុក្ខលំបាកប្រជាពលរដ្ឋក្នុងការធ្វើដំណើរ ជាពិសេសជន់លិចដោយជំនន់ទឹកភ្លៀងនារដូវវស្សា ទើបកាលពីព្រឹកថ្ងៃទី ០៥ ខែមករា ឆ្នាំ ២០២៥ លោកចៅសង្កាត់បានដឹកនាំក្រុមការងារចុះពិនិត្យ និងដាក់គ្រឿងចក្រឈូសឆាយស្ថាបនាប្រែក្លាយជាផ្លូវបេតុងទុកឲ្យអ្នកដំណើរធ្វើដំណើរ និងប្រកបរបរផ្សេងៗ។

លោក ស៊ិន វុទ្ធី ចៅសង្កាត់ភ្លើងឆេះរទេះ បានឲ្យដឹងថា ផ្លូវដែលស្ថាបនាជាផ្លូវបេតុងខាងលើ ស្ថិតនៅក្នុងភូមិគោកខ្សាច់ សង្កាត់ភ្លើងឆេះរទេះ ខណ្ឌកំបូល រាជធានីភ្នំពេញ ដោយមានទទឹង ៤ ម៉ែត្រ បណ្ដោយ ១០០ ម៉ែត្រ និងប្រើប្រាស់ថវិកាមូលនិធិអភិវឌ្ឍន៍សង្កាត់ឆ្នាំ ២០២៥។

អាជ្ញាធរ ក៏បានសំណូមពរដល់ប្រជាពលរដ្ឋទាំងអស់ សូមមេត្តាជួយថែរក្សា និងវេចខ្ចប់ទុកដាក់សំរាមក្នុងធុងសំរាមឲ្យបានត្រឹមត្រូវ ដើម្បីងាយស្រួលដល់ក្រុមអ្នកប្រមូលសំរាម៕

អត្ថបទ ៖ សុខា