ព័ត៌មានជាតិ
មន្រ្តីអន្តរក្រសួង ចុះពិនិត្យទីតាំងសាងសង់ស្ពានឆ្លងទន្លេមិត្តភាពកម្ពុជា-កូរ៉េទៅអរិយក្សត្រ
ក្រុមការងារអន្តរក្រសួងនិងអាជ្ញាធររាជធានីភ្នំពេញ ដឹកនាំដោយក្រសួងសាធារណការ និងដឹកជញ្ជូនកាលពីសប្តាហ៍មុននេះបានចុះទៅពិនិត្យនិងសិក្សាលើលំហូរចរាចរណ៍គម្រោងសាងសង់ស្ពានមិត្តភាពកម្ពុជា-កូរ៉េ។
គោលបំណងនៃការចុះពិនិត្យនេះ ដើម្បីមើលហេតុប៉ះពាល់ ដែលមានឥទ្ធិពលដល់ការអនុវត្តគម្រោង និងលំហូរចរាចរណ៍ ត្រង់ចំណុចឡើង-ចុះស្ពាន ដើម្បីឈានទៅរកដំណោះស្រាយក្នុងការរចនាប្លង់ស្ពាន ដែលផ្តល់នូវលំហូរចរាចរណ៍ឲ្យរលូននៅពេលដំណើរការការដ្ឋានស្ថាបនាស្ពាន និងពេលស្ពានបើកឱ្យប្រើប្រាស់។
ខណៈដែលស្ពានឆ្លងទន្លេទៅអរិយក្សត្របានប្រកាសគ្រោងសាងសង់ជាច្រើនឆ្នាំ យ៉ាងណាពេលវេលាជាក់លាក់ក៏មិនទាន់ត្រូវបានកំណត់ជាផ្លូវការ។ ឆ្លើយតបសំនួរជុំវិញកាលបរិច្ឆេទបើកការដ្ឋានសាងសង់ស្ពានឆ្លងទន្លេទៅអរិយក្សត្រ ដែលផ្តល់ការគាំទ្រថវិកាដោយរដ្ឋាភិបាលកូរ៉េ លោក ផន រឹម មន្រ្តីអ្នកនាំពាក្យក្រសួងសាធារណការនិងដឹកជញ្ជូន ក៏មិនបានផ្តល់ព័ត៌មានលម្អិត ដោយលោកគ្រាន់តែបញ្ជាក់យ៉ាងខ្លីត្រូវរង់ចាំប្រមុខរាជរដ្ឋាភិបាលប្រកាសជាសាធារណៈ។
កាលពីអំឡុងខែកញ្ញាឆ្នាំ ២០២៤ ក្រសួងសាធារណការ និងដឹកជញ្ជូន បានឈានទៅចុះហត្ថលេខាកិច្ចសន្យាជាមួយក្រុមហ៊ុនទីប្រឹក្សាបច្ចកទេស Yooshin Engineering Corporation លើគម្រោងសាងសង់ស្ពានមិត្តភាពកម្ពុជា-កូរ៉េ។
ការឈានទៅចុះហត្ថលេខាជាមួយក្រុមហ៊ុនទីប្រឹក្សាបច្ចកទេស ក្នុងគោលបំណងឱ្យក្រុមហ៊ុនទីប្រឹក្សាបច្ចេកទេសធ្វើការសិក្សាលម្អិតលើបច្ចេកទេស ការរៀបចំឯកសារ និងជួយការងារលទ្ធកម្មជ្រើសរើសក្រុមហ៊ុនសាងសង់ ត្រួតពិនិត្យគម្រោងសាងសង់ស្ពានមិត្តភាពកម្ពុជា-កូរ៉េ ដែលជាជំហានដ៏មានសារៈសំខាន់មួយ មុនឈានដល់ការជ្រើសរើសក្រុមហ៊ុនសាងសង់។
ស្ពានមិត្តភាពកម្ពុជា-សាធារណរដ្ឋកូរ៉េ (ផ្សារចាស់-ជ្រោយចង្វារ និងជ្រោយចង្វារ-អរិយក្សត្រ) គ្រោងចំណាយថវិកាសាងសង់ប្រមាណ ២៤០ លានដុល្លារអាមេរិក។ ស្ពាននេះត្រូវសាងសង់ចំនួន ២ ខ្សែ ដោយខ្សែទី១ តភ្ជាប់ពីខាងមុខផ្សាររាត្រីឆ្លងកាត់ទន្លេសាបទៅកាន់តំបន់ជ្រោយចង្វារ និងខ្សែទី២ តភ្ជាប់ពីជ្រោយចង្វារឆ្លងកាត់ទន្លេមេគង្គទៅអរិយក្សត្រ។
នៅក្នុងជំនួបពិភាក្សាជាមួយសម្ដេចតេជោ ហ៊ុន សែន ប្រធានព្រឹទ្ធសភាកាលពីថ្ងៃទី០៦ ខែមិថុនា ឆ្នាំ២០២៤ លោក Park Jung-wook ឯកអគ្គរដ្ឋទូតសាធារណរដ្ឋកូរ៉េប្រចាំព្រះរាជាណាចក្រកម្ពុជាបានបញ្ជាក់ជាថ្មីថា គម្រោងសាងសង់ស្ពានមិត្តភាពកម្ពុជា-កូរ៉េទៅអរិយក្សត្រ នឹងបើកការដ្ឋានឬចុះបឋមសិលាសាងសង់នៅឆ្នាំ២០២៥។
ឯកអគ្គរដ្ឋទូតសាធារណរដ្ឋកូរ៉េបានជម្រាបជូនសម្ដេចតេជោ ហ៊ុន សែន ដោយអះអាងថា លោកតែងតែតាមដានលើវឌ្ឍនភាពដំណើរការគម្រោងសាងសង់ស្ពានមិត្តភាពកម្ពុជា-កូរ៉េយ៉ាងយកចិត្តទុកដាក់ ដើម្បីអាចឈានទៅចុះបឋមសិលាបើកការដ្ឋានសាងសង់នៅឆ្នាំ២០២៥ ខាងមុខ៕
លោក ប៉ែន បូណា ៖ មនុស្សទ្រុស្តប្រយោជន៍ជាតិបង្ហាញធាតុពិតឱ្យយើងបានឃើញយ៉ាងច្បាស់ក្រឡែត
លោក គន់ គីម ៖ ការងារគ្រប់គ្រងគ្រោះមហន្តរាយ ត្រូវបង្ការទប់ទល់ពីចម្ងាយ
សេចក្ដីប្រកាសព័ត៌មាន ស្ដីពីលទ្ធផលនៃកិច្ចប្រជុំលើកទី១ អាណត្តិទី១ របស់ក្រុមប្រឹក្សាភិបាល នៃវិទ្យាស្ថានជាតិស្ថិតិ
USAID ដកថយ ជារបត់សម្រាប់ NGOs និង CBOs នៅកម្ពុជា
លោក ជាម យៀប៖ អ្វីដែលមិនល្អសូមបោះចោលហើយរក្សាទុកអនុស្សាវរីយ៍ដែលល្អធ្លាប់សាងជាមួយគ្នាក្នុងវិស័យការងារ
ពន្ធគយបដិការរបស់ត្រាំ ចូលជាធរមាន ដោយមិនលើកលែងប្រទេសណាមួយ
ត្រាំ បញ្ជាឲ្យមនុស្សជិត ១លាននាក់ ចេញពីអាមេរិក ជាបន្ទាន់
អ៊ីរ៉ង់យល់ព្រមធ្វើកិច្ចព្រមព្រៀងនុយក្លេអ៊ែរ ទាល់តែអាមេរិកឈប់ធ្វើរឿងមួយនេះសិន
អេឡុន ម៉ាសក៍ ហៅប្រឹក្សាពាណិជ្ជកម្មកំពូលរបស់ ត្រាំ ថា «ល្ងង់ជាងឥដ្ឋ១ការ៉ុង»
ឥណ្ឌូណេស៊ី ប្រកាសបញ្ជូនយន្តហោះទៅដឹកជនជាតិប៉ាឡេស្ទីននៅហ្គាហ្សាឲ្យមកស្នាក់នៅប្រទេសខ្លួន
-
សន្តិសុខសង្គម៤ ថ្ងៃ agoឥទ្ធិពលថ្នាំញៀន! កូនមេភូមិបែកថ្នាំចូលកាប់សម្លាប់ប្រពន្ធនាយកសាលានៅបាត់ដំបង
-
សន្តិសុខសង្គម៣ ថ្ងៃ agoកុំចេះតែហ៊ាន! អ្នកចងការប្រាក់ម្នាក់ត្រូវកូនបំណុលប្ដឹងឲ្យជាប់ពន្ធនាគារ២ឆ្នាំ ក្រោយឆាតទារលុយតាមហ្វេសប៊ុក
-
ព័ត៌មានជាតិ២ ថ្ងៃ agoក្រសួងយុត្តិធម៌កំពុងសិក្សាលើករណីម្ចាស់បំណុលជាប់ពន្ធនាគារព្រោះទារលុយកូនបំណុលហើយ
-
សន្តិសុខសង្គម៤ ថ្ងៃ agoភរិយាមេព្រហ្មទណ្ឌកម្រិតធ្ងន់ខេត្តបាត់ដំបង និងបក្សពួកត្រូវចាប់ខ្លួន ករណីជួញដូរគ្រឿងញៀន
-
សន្តិសុខសង្គម២ ថ្ងៃ agoលោក ជួន ណារិន្ទ៖ សមត្ថកិច្ចមិនអនុញ្ញាតឲ្យយកដងផ្លូវសាធារណៈជាទីលានលេងគប់ទឹក ឬប៉ាតម្សៅឡើយ
-
ព័ត៌មានអន្ដរជាតិ១០ ម៉ោង agoពន្ធគយបដិការរបស់ត្រាំ ចូលជាធរមាន ដោយមិនលើកលែងប្រទេសណាមួយ
-
ព័ត៌មានអន្ដរជាតិ៤ ថ្ងៃ agoបាតុភូតចម្លែក៖ ខេត្តថៃទាំង៧៧ កើតបាតុភូតព្រះអាទិត្យដើរចំពីលើក្បាល
-
ព័ត៌មានជាតិ៧ ថ្ងៃ agoកម្ពុជា នឹងបន្តមានភ្លៀងធ្លាក់ជាមួយផ្គររន្ទះ និងខ្យល់កន្ត្រាក់ដល់ថ្ងៃទី៥មេសា