ពលរដ្ឋនៅចងចាំជានិច្ចគុណតម្លៃថ្ងៃ៧មករា និងសម្ដេចតេជោ ដែលបានខិតខំស្វែងរកសន្តិភាព

ពលរដ្ឋជាមនុស្សចាស់ៗ ដែលបានកើតទាន់របបខ្មែរក្រហមបានសម្តែងក្តីដឹងគុណបំផុតចំពោះថ្ងៃ៧មករា ដែលជាថ្ងៃកំណើតទី២របស់ពួកគាត់ ក៏ដូចជាប្រជាពលរដ្ឋទូទាំងព្រះរាជាណាចក្រកម្ពុជា ដែលនាំកម្ពុជាឆ្ពោះមករកសន្តិភាពដល់បច្ចុប្បន្ននេះ។

ពលរដ្ឋលើកឡើថា ដោយសារគោលនយោបាយច្បាស់លាស់របស់ថ្នាក់ដឹកនាំ ពិសេសសម្តេចតេជោ ហ៊ុន សែន ទើបប្រទេសជាតិ អាចចាកចេញពីភ្នក់ភ្លើងសង្គ្រាម ពិសេសការក្រោកចេញពីរបបពលពតមានរយៈពេល៣ឆ្នាំ៨ខែ២០ថ្ងៃ ដែលជារបបដ៏សាហាវយ៉ង់ឃ្នង និងលំបាកវេទនា ហើយបានផ្តល់នូវសោធនាដកម្មដ៏ធំធេងសម្រាប់ប្រជាជនកម្ពុជា និងប្រទេសជាតិទាំងមូល ដែលបានសម្លាប់មនុស្សជាង៣លាននាក់។

ពលរដ្ឋបន្តលើកឡើងថា សន្តិភាព បានកើតឡើងមិនមែនជារឿងច្នៃដន្យនោះទេ គឺការដឹកនាំច្បាស់លាស់របស់សម្តេចតេជោ មានសន្តិភាពទើបមានការអភិវឌ្ឍ រួមមាន ផ្លូវថ្នល់ ស្ពានអាកាស អគារខ្ពស់ៗ សាលារៀន មានការបណ្ដុះបណ្ដាលចំនេះដឹង..ជាដើម។ ថ្ងៃ៧មករា ដែលវាជាថ្ងៃកំណើតទី២របស់ពួកគាត់គ្រប់គ្នា បើគ្មានថ្ងៃរំដោះ៧មករានោះទេ ប្រទេសជាតិ មិនអាចឈានមកដល់សព្វថ្ងៃនេះនោះទេ ។

សូមបញ្ជាក់ថា ថ្ងៃទី៧ មករា ឆ្នាំ២០២៥នេះ គឺជាគម្រប់ខួប៤៦ឆ្នាំហើយ នៃការរួចផុតពីរបបប្រល័យពូជសាសន៍ពលពត ពោលគឺ គិតចាប់ពីថ្ងៃទី៧ មករា ឆ្នាំ១៩៧៩មក៕

អត្ថបទ៖ សុភា