ព័ត៌មានជាតិ
សហជីព អំពាវនាវកម្មករ-និយោជិត ចៀសវាងការបរិភោគភេសជ្ជៈប៉ូវកម្លាំង ដើម្បីបង្ការពីជំងឺមិនឆ្លងនានា
លោក សំ សឿន ប្រធានសហភាពពលកម្មជាតិកម្ពុជា បានអំពាវនាវឱ្យកម្មករ-និយោជិត ចៀសវាងការបរិភោគភេសជ្ជៈប៉ូវកម្លាំង ដើម្បីបង្ការពីជំងឺមិនឆ្លងនានា ពិសេសជំងឺលើសសម្ពាធឈាម និងជំងឺទឹកនោមផ្អែមជាដើម។
លោកបានមានប្រសាសន៍ថា ចាប់ពីខែមករា ឆ្នាំ ២០២៥ នេះតទៅ ប្រាក់ឈ្នួលអប្បបរមាថ្មីរបស់កម្មករ-និយោជិត នឹងទទួលបានចំនួន ២០៨ ដុល្លារ ក្នុង ១ ខែ កើនឡើង ៤ ដុល្លារ ធៀបឆ្នាំ ២០២៤ បើបូកនឹងប្រាក់អត្ថប្រយោជន៍ផ្សេងៗ ទៀត កម្មករ-និយោជិត នឹងទទួលបានប្រាក់ចំណូលសមរម្យសម្រាប់ដោះស្រាយជីវភាព និងការចំណាយប្រចាំថ្ងៃ។
លោកបានបន្តថា ប៉ុន្តែមានកម្មករខ្លះគាត់បានចំណាយទៅលើការទិញគ្រឿងកំប៉ុង ឬ ភេសជ្ជៈប៉ូវកម្លាំងផ្សេងៗ ដើម្បីជាជំនួយក្នុងការបំពេញការងារដែលប្រឈមនឹងបញ្ហាសុខភាពធ្ងន់ធ្ងរទៅថ្ងៃអនាគត ទោះបីជាបច្ចុប្បន្នពួកគាត់មិនបង្ហាញអាការក៏ដោយ។
លោកបានបន្តទៀតថា «មានអ្នកខ្លះបរិភោគភេសជ្ជៈពី ១ ទៅ ៣ កំប៉ុង ក្នុង ១ ថ្ងៃ។ អីចឹងហើយធ្វើឱ្យប៉ះពាល់ដល់សុខភាពដូចជា ប៉ះពាល់តម្រងនោម លំពែងប្រព័ន្ធរំលាយអាហារ ពិសេសប្រឈមនឹងជំងឺលើសសម្ពាធឈាម និងទឹកនោមផ្អែមជាដើម។ ធ្វើឱ្យបាត់បង់កម្លាំងពលកម្ម បាត់បង់ការងារ ប៉ះពាល់ដល់ជីវភាពគ្រួសារផងដែរ នៅពេលធ្លាក់ខ្លួនឈឺ បើទោះបីជាបច្ចុប្បន្នការព្យាបាលជំងឺស្ថិតក្រោមការគាំពារពីរាជរដ្ឋាភិបាល និង ប.ស.ស ក៏ដោយ»។
លោក សំ សឿន បានអំពាវនាវដល់កម្មករ-និយោជិត សូមថែរក្សាសុខភាពទាំងអស់គ្នា ចូលរួមបង្ការជំងឺមិនឆ្លងតាមរយៈការហូបស្អាត រស់នៅស្អាត និងរស់នៅប្រកបដោយសុខភាព ពិសេសចៀសវាងឱ្យបាននូវការបរិភោគភេសជ្ជៈប៉ូវកម្លាំង និងងាកមកបរិភោគអាហារមានសុខភាព អនាម័យ ដើម្បីជួយទ្រទ្រង់ដល់សុខភាព។
ក្រសួងសុខាភិបាល បានធ្វើការអំពាវនាវដល់ប្រជាពលរដ្ឋទទួលទានបន្លែ និងផ្លែឈើស្រស់ ឱ្យបានច្រើន ព្រមទាំងកាត់បន្ថយការទទួលទានអំបិល ដើម្បីបង្ការជំងឺមិនឆ្លងនានា ពិសេសជំងឺលើសសម្ពាធឈាម និងជំងឺបេះដូងសរសៃឈាម។
ក្រសួងសុខាភិបាល បានបន្តថា ដើម្បីបង្ការជំងឺលើសសម្ពាធឈាម ជំងឺបេះដូងសរសៃឈាម ប្រជាពលរដ្ឋត្រូវកាត់បន្ថយការដាក់អំបិល ទឹកស៊ីអ៊ីវ ទឹកត្រី ប៊ីចេង ម្សៅស៊ុប ប្រេងខ្យង ទៅក្នុងអាហារពេលដាំស្ល កាត់បន្ថយការទទួលទានអាហារទាន់ចិត្ត និងអាហារកែច្នៃ កាត់បន្ថយការថែមគ្រឿងផ្សំ ទឹកជ្រលក់ក្នុងអាហារពេលបរិភោគ និងទទួលទានបន្លែឱ្យបានច្រើន និងផ្លែឈើស្រស់។
គួរបញ្ជាក់ថា ប្រាក់ឈ្នួលអប្បបរមាថ្មីចំនួន ២០៨ ដុល្លារ ក្នុង ១ ខែ នឹងចាប់ផ្ដើមអនុវត្តពីខែមករា ឆ្នាំ ២០២៥ នេះតទៅ ហើយបើគិតទាំងអត្ថប្រយោជន៍ផ្សេងៗ ទៀត ជាមធ្យមកម្មករ-និយោជិត ម្នាក់ៗ នឹងទទួលបានប្រាក់ឈ្នួលយ៉ាងតិចចាប់ពី ២៣០ ដុល្លារ ទៅ ៣០០ ដុល្លារ ក្នុង ១ ខែៗ៕
អត្ថបទ ៖ សំអឿន
សហជីព អំពាវនាវកម្មករ-និយោជិត ចៀសវាងការបរិភោគភេសជ្ជៈប៉ូវកម្លាំង ដើម្បីបង្ការពីជំងឺមិនឆ្លងនានា
លោក Zelensky៖ ការធានាសន្តិសុខអ៊ុយក្រែនអាចដំណើរការបាន អាស្រ័យលើអាមេរិក
ទីផ្សារកូរ៉េខាងត្បូងបានកំពុងរួចផុតពីវិបត្តិ ខណៈមូលនិធិបំណុលពិភពលោកបន្តទិញបំណុលរដ្ឋាភិបាល
អភិបាលខេត្តឧត្តរមានជ័យ៖ ការបង្កើនម៉ោងចេញចូលនៅច្រកជាំ គឺបង្កើនសេដ្ឋកិច្ចពលរដ្ឋជាប់ព្រំដែន
ក្នុងចំណោមកាបូបប្រេនទាំងអស់ Rihanna ថាស៊ូស្លាប់ រើសយកតែយីហោមួយគត់
តារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
សមត្ថកិច្ច បានឃាត់ខ្លួនអ្នកបើករថយន្តបុកតារារ៉េបម្នាក់ យកទៅសួរនាំអនុវត្តតាមនីតិវិធី
អ្នកសិល្បៈ តក់ស្លុត និងសោកស្តាយនូវការបាត់បង់ តារា Rapper RuthKo ជួបគ្រោះថ្នាក់ចរាចរណ៍យប់មិញ
រុស្ស៊ី អះអាងបាញ់ទម្លាក់ MiG-29 និងសម្លាប់ទ័ពអ៊ុយក្រែន ជាង៤០០នាក់ នៅតំបន់ Kursk
គោលការណ៍ការងារ, អ្នកនាំពាក្យ ប្រាប់លោក ហេង សិទ្ធី ឱ្យដាក់បណ្ដឹងមកក្រសួងយុត្តិធម៌ផ្ទាល់
-
ព័ត៌មានជាតិ៤ ថ្ងៃ agoលទ្ធផលកំណាយ៖ តំបន់អង្គរមានមនុស្សមកតាំងភូមិករតាំងពីជាង ៣ ០០០ ឆ្នាំមកម្ល៉េះ
-
ចរាចរណ៍៩ ម៉ោង agoតារា Rap ម្នាក់ស្លាប់ភ្លាមៗនៅកន្លែងកើតហេតុ ក្រោយរថយន្ដពាក់ស្លាកលេខ ខ.ម បើកបញ្ច្រាសឆ្លងផ្លូវ បុកមួយទំហឹង
-
ព័ត៌មានជាតិ៤ ថ្ងៃ agoសំណង់ព្រះពុទ្ធប្បដិមាកម្ពស់ជាង ៨០ ម៉ែត្រ នឹងលេចរូបរាងក្នុងតំបន់អភិវឌ្ឍឆ្នេររាមខេត្តព្រះសីហនុ
-
ព័ត៌មានជាតិ៤ ថ្ងៃ agoអ្នកឧកញ៉ា សំ សុខនឿន ព្យាករថា កម្ពុជា ត្រូវការពេលប្រហែល៥ឆ្នាំទៀត ដើម្បីឱ្យវិស័យអចលនទ្រព្យវិលរកសភាពដើមវិញ
-
សេដ្ឋកិច្ច៤ ថ្ងៃ agoទិន្នផលគ្រាប់ស្វាយចន្ទីអាចធ្លាក់ចុះពី ១០-៣០% ដោយសារអាកាសធាតុ ប្រសិនបើគ្មានវិធានការឆ្លើយតបទាន់ពេល
-
ព័ត៌មានជាតិ៣ ថ្ងៃ agoមហាជនផ្ទុះការរិះគន់លោកបណ្ឌិត សុខ ទូច ដែលនិយាយជំរុញ«ក្មេងៗឱ្យខំរៀនសូត្រ និងធ្វើការ ជាជាងទៅធ្វើសមាធិ»
-
សេដ្ឋកិច្ច៤ ថ្ងៃ agoធនាគារជាតិ ប្រកាសឱ្យសាធារណជនប្រុងប្រយ័ត្នប្រាក់ដុល្លារក្លែងក្លាយ កំពុងចរាចរណ៍នៅកម្ពុជា
-
កីឡា៣ ថ្ងៃ agoគ្រួសារលោកគ្រូ អេ ភូថង ជួបទុក្ខធំផ្ទួនៗ