ព័ត៌មានជាតិ

ឆ្នាំ ២០២៤ ស្រូវ និងដំណាំរួមផ្សំ ជាង ១៦ ម៉ឺនហិតា រងការប៉ះពាល់ ខូចខាត ដោយសារគ្រោះរាំងស្ងួត

បានផុស

៤ សប្តាហ៍ មុន

នៅ

ថ្ងៃពុធ ៨ មករា ២០២៥

ដោយ

ឆ្នាំ ២០២៤ ស្រូវ និងដំណាំរួមផ្សំប្រមាណជាង ១៦ ម៉ឺនហិតា នៅតាមបណ្តារាជធានី-ខេត្តចំនួន ១៧ នៃប្រទេសកម្ពុជា បានរងការប៉ះពាល់ និងខូចខាតដោយសារគ្រោះរាំងស្ងួត និងកូនរដូវប្រាំង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ មានប្រសាសន៍នៅរសៀលថ្ងៃទី ០៨ មករា នេះថា ឆ្នាំ ២០២៤ កន្លងទៅថ្មីៗ នេះ គ្រោះរាំងស្ងួត និងកូនរដូវប្រាំង បានបង្កឱ្យប៉ះពាល់ ៦០ ស្រុក ២១២ ឃុំ នៅរាជធានី-ខេត្តចំនួន ១៧ ដោយប៉ះពាល់ដំណាំស្រូវចំនួន ១១៩ ៤៦៥ ហិតា ខូចខាត ៣០ ៥៣៥ ហិតា ស្តារឡើងវិញ ៨៨ ៩៣០ ហិតា និងដំណាំរួមផ្សំចំនួន ៩ ៧៥៨ ហិតា ខូចខាត ៧ ៦៧៣ ហិតា និងស្តារឡើងវិញ ១ ៩២២ ហិតា។

លោកបានបន្តថា ក្នុងចំណោមរាជធានី-ខេត្ត ១៧ ក្នុងនោះ ខេត្តបាត់ដំបងប៉ះពាល់ស្រុកចំនួន ៦ ឃុំ ១៥ ស្រូវ ៩ ៥៥៨ ហិតា ខូចខាត ៥ ១១៣ ស្តារឡើងវិញចំនួន ៤ ៤៤៥ ហិតា ខេត្តបន្ទាយមានជ័យប៉ះពាល់ ៥ ស្រុក ២២ ឃុំ ស្រូវ ៤៩ ៩៨៨ ហិតា ខូចខាត ១៣ ០៤៩ ហិតា និងស្តារឡើងវិញ ៣៦ ៩៣៩ ហិតា និងដំណាំរួមផ្សំ ២ ៤២៨ ហិតា ខូចខាត ៥០៦ ហិតា ល្អឡើងវិញ ១ ៩២២ ហិតា ខេត្តពោធិ៍សាត់ប៉ះពាល់ ៦ ស្រុក ៣១ ឃុំ ស្រូវ ២៧ ៤៤៦ ហិតា ខូចខាត ៧ ៤៣៨ ហិតា ស្តារឡើងវិញ ២០ ០០៨ ហិតា ខេត្តសៀមរាបប៉ះពាល់ ២ ស្រុក ៣ ឃុំ ស្រូវ ២ ២៧១ ហិតា ស្តារឡើងវិញបានទាំងអស់ ខេត្តកំពង់ឆ្នាំងប៉ះពាល់ ៤ ស្រុក ១១ ឃុំ ស្រូវ ៣ ៣៣០ ហិតា ខូចខាត ៥៩៧ ហិតា ស្តារឡើងវិញ ២ ៧៣៣ ហិតា ខេត្តកំពង់ធំប៉ះពាល់ ២ ស្រុក ៣ ឃុំ ស្រូវ ២ ៦៩១ ហិតា ស្តារឡើងវិញទាំងអស់ ខេត្តកំពង់ចាមប៉ះពាល់ ២ ស្រុក ១៥ ឃុំ ស្រូវ ២ ៧០៤ ខូចខាត ៤០ ហិតា ស្តារឡើងវិញ ២ ៦៦៤ ហិតា ខេត្តប៉ៃលិន ១ ស្រុក ២ ឃុំ ស្រូវ ៩៧០ ហិតា ខូចខាត ៥១ ហិតា ស្តារឡើងវិញ ៩១៩ ហិតា និងដំណាំរួមផ្សំ ៧ ៣៣០ ហិតា ខូចខាត ៧ ១៦៧ ហិតា ខេត្តព្រៃវែងប៉ះពាល់ ៨ ស្រុក ២៦ ឃុំ ស្រូវ ៣ ៦៥០ ហិតា ស្តារឡើងវិញបានទាំងអស់ ខេត្តកណ្តាលប៉ះពាល់ ៣ ស្រុក ២៣ ឃុំ ស្រូវ ៤ ៥៣១ ហិតា ខូចខាត ៣ ៣៩១ ហិតា ស្តារឡើងវិញ ១ ១៤០ ហិតា ខេត្តតាកែវប៉ះពាល់ ៤ ស្រុក ១៥ ឃុំ ស្រូវ ២៤០ ហិតា ស្តារឡើងវិញបានទាំងអស់ ខេត្តស្វាយរៀងប៉ះពាល់ ៤ ស្រុក ៧ ឃុំ ស្រូវ ៤ ៩៥៨ ហិតា ស្តារឡើងវិញបានទាំងអស់ ខេត្តត្បូងឃ្មុំប៉ះពាល់ ៦ ស្រុក ២១ ឃុំ ស្រូវ ២ ០៨០ ហិតា ខូចខាត ៧០ ហិតា ស្តារឡើងវិញ ២០០២ ហិតា។

ចំណែកខេត្តកំពតប៉ះពាល់ ៣ ស្រុក ១០ ឃុំ ស្រូវ ៥១៦ ហិតា ស្តារឡើងវិញបានទាំងអស់ ខេត្តឧត្តរមានជ័យប៉ះពាល់ ២ ស្រុក ៤ ឃុំ ស្រូវ ៤ ៣៩១ ហិតា ខូចខាត ៧៧៨ ហិតា ស្តារឡើងវិញ ៣ ៦១៣ ហិតា រាជធានីភ្នំពេញប៉ះពាល់ ១ ខណ្ឌ ១ ឃុំ ស្រូវ ៥០ ហិតា ស្តារឡើងវិញបានទាំងអស់ និងខេត្តកំពង់ស្ពឺប៉ះពាល់ ១ ស្រុក ២ ឃុំ ស្រូវ ៩១ ហិតា ស្តារឡើងវិញទាំងអស់៕

អត្ថបទ ៖ សំអឿន