ព័ត៌មានជាតិ

ឆ្នាំ ២០២៤ ទឹកជំនន់ និងជំនន់ទឹកភ្លៀង មានមនុស្សស្លាប់-របួស ជិត ៣០ នាក់ ប៉ះពាល់សន្ទូង និងដំណាំរួមផ្សំ ជាង ៦ ម៉ឺនហិតា

បានផុស

៣ ខែ មុន

នៅ

ថ្ងៃព្រហស្បតិ៍ ៩ មករា ២០២៥

ដោយ

នៅឆ្នាំ ២០២៤ កន្លងទៅ ថ្មីៗ នេះ ទឹកជំនន់ទន្លេមេគង្គ និងជំនន់ទឹកភ្លៀង មានមនុស្សស្លាប់ និងរបួសជិត ៣០ នាក់ ប៉ះពាល់ប្រជាពលរដ្ឋជិត ៦ ម៉ឺនគ្រួសារ ផ្ទះជាង ២ ម៉ឺនខ្នង ជម្លៀសពលរដ្ឋជិត ២ ពាន់គ្រួសារ សន្ទូងជាង ៥ ម៉ឺនហិតា ដំណាំរួមផ្សំជាង ៦ ពាន់ហិតា និងហេដ្ឋារចនាសម្ព័ន្ធមួយចំនួនទៀត។

លោក សុទ្ធ គឹមកុលមុនី អ្នកនាំពាក្យគណៈកម្មាធិការជាតិគ្រប់គ្រងគ្រោះមហន្តរាយ បានមានប្រសាសន៍នៅព្រឹកថ្ងៃទី ០៩ មករា នេះថា ឆ្នាំ ២០២៤ ទឹកជំនន់ទន្លេមេគង្គ និងជំនន់ទឹកភ្លៀង ប៉ះពាល់រាជធានី-ខេត្ត ចំនួន ២២ លើកលែងខេត្តកែប និងខេត្តកំពត បណ្តាលឱ្យប៉ះពាល់ប្រជាពលរដ្ឋចំនួន ៥៩ ២៥៣ គ្រួសារ ជម្លៀសប្រជាពលរដ្ឋ ១៥៨ គ្រួសារ ស្លាប់មនុស្ស ២៧ នាក់ និងរបួស ២ នាក់ ផ្ទះ ២១ ៦៥៩ ខ្នង ខូចខាត ៦ ខ្នង សាលារៀន ១០៦ កន្លែង ជម្លៀសសត្វពាហណៈ ១១ ៨៧៩ ក្បាល ងាប់ ៤ ក្បាល សន្ទូង ៥៣ ៨៥៧ ហិតា ខូចខាត ២៨ ៧៧៥ ហិតា សំណាប ខូចខាត ៥២៧ ហិតា ដំណាំរួមផ្សំ ៦ ០៨៩ ហិតា ខូចខាត ៣ ១០៧ ហិតា ផ្លូវកៅស៊ូ និងបេតុង ១១៧ ០៧៨ ម៉ែត្រ ខូច ២២៥ ម៉ែត្រ ផ្លូវលំជនបទ ៧៣៨ ៩៨១ ម៉ែត្រ ខូច ៧ ១០៩ ម៉ែត្រ ស្ពាន ៤២ កន្លែង ទំនប់ ៤៤ ១០៦ ម៉ែត្រ និងបាក់ច្រាំងទន្លេ ១៤ ៨០៦ ម៉ែត្រ៕

អត្ថបទ ៖ សំអឿន